MATIU 22:3 - Yataa 'a Dɔbɛnɛ Nama

³ Bɛn chɛ tima a, mbɛ a‑a a 'a bɔi denɛ n sɔ mɔɛ chɛ n tena, a na‑a miin chee bɛn chɛ ɔ, a ɔ, an ni na. Chɛɛ an ma dɔn ni, an ni na.

MATIU 22:3 ပူးပေါင်းရင်းမြစ်များ

MATIU 21:34

Chin fen chɛ kai tima che‑a kɛn, yadi ti chɛ‑a a 'a bɔi denɛ n na ta wan yadi kun ma fɛn mɔɛ chɛ n tena. A toen ni an ni a ta chin fenɛ be an ma, mbɛ an na‑a a a a ye.

MATIU 23:37

Mbɛ Chisɔsi ɔ, “Wo wan Chuusaɛn mɔɛ nu, wo‑a a tun Yataa 'a gbonka chɛ mɔɛ n fa koe a. A yɛ to, Yataa ɛ a 'a sɔ mɔɛ miin na na wo tena, wo‑a a tun to an bon koe a, an ni fa. Tima sɛsɛ ko a, n toen ni, n ni wo a sɔn sɔn kaina dɔndɔɛ, yɔ tɛ kuinsa ɛ a 'a denɛ n don buɛ min dɔ a kambanɛ kɔɔ. Chɛɛ wo ma dɔn ni n ye.

MATIU 3:2

A ɔ, “Wo wo kan kɔ sɔ wo 'a ko yama n na, wo ni wo ya a mun Yataa ma. A mu min na, Yataa 'a mansaya ɔ yian tima, ɛ gbɛ mmɔ ma chenɛ da a wan.”

MATIU 9:15

Mbɛ Chisɔsi ɔ, “Ni mɔɛ‑a musu si bɛnɛ chee, mbɛ a bɔɛ n na kan‑da, daun chɛ koe a mu. An mbe ee to nɔ a chen kɔɔ an ni ma faayɔnɛ ɔ. Chɛɛ tima min na mɔɛ n mbe musu si kai chɛ ya‑a an tɛ, a tima a mu an mbe sunɛ bia‑a.

DUKU 13:34

Mbɛ a‑a a fɔ to, a ɔ, “Wo wan Chuusaɛn mɔɛ nu, wo toen mu Yataa 'a gbonka chɛ mɔɛ n fa koe a. A yɛ to, wo toen mu Yataa 'a sɔ mɔɛ n bon koe a, ɛ miin na na wo tena. Tima sɛsɛ ko a, n toen ni, n ni wo a sɔn sɔn kaina dɔndɔɛ, yɔ tɛ kuinsa ɛ a 'a denɛ n don buɛ min dɔ a kambanɛ kɔɔ. Chɛɛ wo ma dɔn ni n ye.

DUKU 15:28

“Chɛɛ denɛ chenama chɛ‑a bai chɛ a min kɛn, a faa tɛ‑a wan gbeden, mbɛ a ban‑da don koe a chenɛ a. Mbɛ a fa bɔ‑a, a‑a a tan. Mbɛ a‑a a ma nande, a ɔ, a ni don chenɛ a.

DUKU 19:27

Mbɛ a si n chɛɛ ma nyɔɛ chɛ n sin ma, miin nii ma to ni, n ni ma an 'na mansa a, wo na an na nɛ, mbɛ wo‑a an fa n ya kɔɔɛ ma.’ ”

CHƆN 5:40

Chɛɛ chɛ gbɛɛ ɔ, wo ma to ni wo ni na n tena, min mbe a ma, wo gbu ni an fɔɛ chɛ ma sɔn.

CHISƆSI 'A SƆ MƆƐ NU 13:45

Chu mɔɛ chɛ nu, an‑na fanka wa chɛ yen kɛn, toomaya‑a an faa fa wan gban. Mbɛ an‑na Pɔɔ da a bai gbɛɛ kɔɔsa bia, an yɛ‑a to, an‑na a main.

GBOO DOMI KO A 10:21

Chɛɛ min sien ni Isɔɛɛ mɔɛ n ma, Aisaya na‑a a fɔ wan, mbɛ an sɔen fan mu Yataa a kan, a ɔ, an mbe ee kooya be tena Yataa ma. A ɔ, chɛɛ Yataa na‑a butuin chɛ wan a sɔɛ gbɛɛ a, a ɔ, min mbe a ma, an ni ma faachima ɔ.

GBOO IBU MƆƐ N KO A 12:25

Wo a ma wo ma gbɔsɔɛ a, wo too ma sɔ koe a Yataa ma, ni a ma‑a koɔ‑a. Mɔɛ miin na‑a ban an too ma sɔ koe a, tima min na a ni dasi be tena an ma dunya ɔ, an na‑a tɔɔya ɔ bia wan. Ni a ma‑a koɔ‑a, a ka banda bu ɔ, mbɛ mmɔ‑a mmɔ kan kɔ sɔ, mmɔ wɛɛ ɛ tɔɔya ɔ yen‑da wan.

GBOO IBU MƆƐ N KO A 9:15

Chɛ an fɛ mu, Chasi an mbe mmɔ tɛ Yataa a, dɔbɛn nama chɛ ko a. Chɛ ni a ma, Yataa ɛ mɔɛ miin chee‑a, an ni kuɔ fɔ fɔɛ chɛ ma sɔn, min bakoe na‑a don an too ɔ. Koe min na mu, Chasi ban‑da gbɛ saya chɛ‑a, mɔɛ kun ka koe a, a bɔ an 'na ko yama n dɔ, an na‑a miin ma dɔbɛnɛ kɔma kɔɔ.

KO Ɔ NUNDENƐ 22:17

Yataa Nyina an fea sa tɔngbɔɛ 'a sɛnama a, an dɔ, “Mansa Chisɔsi, na fo.” Chɛ a min mɔɛ wɛɛ, a ni a fɔ, a ɔ, “Mansa Chisɔsi, na fo.” Mɔ ɔ mɔ min kanɛ a gbaaen mu, a ni na wɛ. Mɔ ɔ mɔ min toen mu na koe a, fɔɛ be yii chɛ min koe a, a ee ka na‑a, a sɔnkɔ be ee a ma.