MATIU 22:24 - Yataa 'a Dɔbɛnɛ Nama

²⁴ an dɔ, “Ticha, Mosisi‑a chɛ an fɔ, a si musu si kai ma, min ma den suun ni a 'a musu ma, mbɛ a fa‑a. A ɔ, a dinden fan mu ta mɔɛ chɛ suun ma nyɔɛ kaima ma, mbɛ ɛ chenɛ da mun fan, a ni denɛ n suun a ma. A sin an mbe an den chɛ n ya wan, ta mɔɛ chɛ 'a denɛ n na.

MATIU 22:24 ပူးပေါင်းရင်းမြစ်များ

MATIU 22:16

Mbɛ an‑na an fɛ mɔɛ dɔ n na ta Chisɔsi tena, a basan Mansa Ɛdɔdi fɛ mɔɛ dɔ n na. An che‑a kɛn a ma, an dɔ, “Ticha, nn‑na a ɔ sɔn fan, mbɛ danaya tɔɛ mu i a. A yɛ to, e mɔɛ n kan Yataa 'a bai miin gbɛɛ a, tea mu a a. I ma i gbɔsɔ ni, mɔ gbu ɛ min fɔ a si i ma, chɛɛ e tea an na tachɛ tun. A yɛ to, nn‑na a ɔ sɔn fan, mbɛ e tea be tea ti an ma.

MATIU 22:25

Chɛɛ den kai wɔnfea yen ko gbɛ, an de bu ɔ mmɔ tɛ ɔ. Mbɛ min ni chenan an gbɛɛ ma, a‑a musu si. Chɛɛ a ma den suun ni musu chɛ ma, mbɛ a fa‑a. Mbɛ denɛ kaima fean bɔɛ chɛ wɛɛ‑a musu dɔndɔ gbe chɛ si to musu a.

MATIU 22:36

A ɔ, “Ticha, Mosisi‑a sawa sɛsɛ be wan mmɔ ma. An tɛ ɔ, sawa minan mu a chenama a?”

MATIU 7:21

Chisɔsi ɔ, “Mɔɛ gbɛɛ ma, miin mbe n chee‑a, ‘Mansa, Mansa,’ miin mbe don‑da Yataa 'a mansaya kɔɔ. Chɛɛ fɔ dechee mɔɛ chɛ, min mbe a sɔɛ don‑da Fa Yataa, min mbe banda bu ɔ, a faa ma koe n ma koe a.

MAKI 12:19

“Ticha, Mosisi‑a sawa chɛ an nyɛn mmɔ ko a, a ɔ, ‘Ni mɔɛ suun ma nyɔɛ kaima fa‑a,’ a ɔ, ‘mbɛ a‑a a 'a musu to, an fea ma den suun ni min na,’ a ɔ, ‘a dinden fan mu a ma,’ a ɔ, ‘a ni chenɛ da mun, an ni denɛ suun ta mɔɛ chɛ ko a.’

DUKU 20:28

an dɔ, “Ticha, Mosisi‑a sawa chɛ an nyɛn mmɔ ko a, a ɔ te, ni mɔɛ suun ma nyɔɛ kaima fa‑a, a ɔ, mbɛ a‑a a 'a musu to, an fea ma den suun ni min na, a ɔ, a dinden fan mu a ma, a ɔ, a ni chenɛ da mun, a ni denɛ n suun a ma. A sin an mbe an den chɛ n ya wan, a suun ma nyɔɛ chɛ 'a denɛ n na.

DUKU 20:33

A yen ko gbɛ, a ma‑a suun ma nyɔɛ wɔnfea chɛ n gbɛɛ 'a musu a, a e na to fa‑a. Ni tee che‑a, faa mɔɛ n gbɛɛ ni an kɔɔ sɔ a ka saya ɔ, ɛ ma‑a nyɔn 'na musu a gbɛ?”

DUKU 6:46

Chisɔsi ɔ, “Ni wo ee na‑a n da a kuiɛ a min‑da, wo ma n chee, ‘Mansa, Mansa.’