MATIU 22:18 - Yataa 'a Dɔbɛnɛ Nama

¹⁸ Chɛɛ Chisɔsi na‑a an 'na yiinachii yama chɛ kɔɔ sɔn fan, mbɛ a‑a a fɔ an ye, a ɔ, “Wo wan, nɛnɛn fea ti mu wo a. Fen mu wo toen mu wo ni n dɔ chɛ?

MATIU 22:18 ပူးပေါင်းရင်းမြစ်များ

MATIU 12:15

Chisɔsi‑a a ɔ sɔn Chu mɔɛ chɛ nu, miin ni Fayisii n na, an ni an yii na chii tena, koe min ma koe a a. Mbɛ a ka‑a an kaina chɛ. A ni ta tena kɛn, fanka fanka bea‑a wan a fɛ. Mɔɛ miin gbɛɛ gbandien ni fanka chɛ tɛ ɔ, a‑a an baun fan,

MATIU 19:3

Chu mɔɛ chɛ dɔ nu, miin ni Fayisii n na, an na‑a wan a tena. An toen ni an ni a bia a chen kɔ. Mbɛ an dɔ, “Nn toen mu nn ni a ɔ sɔn, ni mmɔ 'a sawa dɔnden fan mu musu si kai ni a boo ka a 'a musu a, yɔ a toen mu a a buɛ min dɔ.”

MATIU 22:17

Chɛ an fɛ mu, a yen ko, mmɔ ɛ pawa chɛ tima ɔ tima, Domi kun ti wa tena. A ɔ yian bɛ nn na, i ta yiima ɔ, i‑a pawa chɛ be koe yen ka ma, a nyin fan?”

MATIU 22:19

Wo kain gbɛnsɛn dɔndɔ yian bɛ n na, wo e pawa chɛ min na.” Mbɛ an na‑a kain gbɛnsɛnɛ gbu a a tena.

MAKI 12:5

Mbɛ a‑a dɔ mende a ta to, a sawan bɔɛ gbɛ. An‑na a nɛnɛ fa wan. An‑na bɔi denɛ to gbaa nɛnɛ n bɛɛ bia ka wan, yɔ a saa chɛ nu. An‑na dɔ n boan fan, mbɛ an‑na dɔ n sin fa.

MAKI 2:8

Chɛɛ Chisɔsi‑a a ɔ sɔn fan, a ya kɔɔɛ a, koe min ni tachɛ tena an yiima ɔ. Chɛ ko a, a ɔ an ma, “Wo sɛmbɛ wo yii na chii koe a ka.

DUKU 10:25

Mbɛ Chu n 'na sawa kan mɔ dɔndɔ yen ko, a toen ni a ni Chisɔsi ɔ siman. A‑a a kɔɔ sɔ, a sɔ‑a, a ɔ, “Ticha, n mbe fen ma, min mbe a ma, n ni kuɔ fɔ fɔɛ ma sɔn?”

DUKU 20:23

Chɛɛ Chisɔsi na‑a an 'na yaa kɔɔ sɔn fan, mbɛ a wɛɛ‑a a fɔ an ye, a ɔ,

DUKU 5:22

Chɛɛ Chisɔsi na‑a an yii ma koe n dɔ sɔn fan, mbɛ a‑a a fɔ an ye, a ɔ, “Yiinachii chɛ ma ma wo ɔ, mbɛ n‑na bai min fɔ ka, a ma nyin a fɔ koe a.

DUKU 9:47

Chɛɛ Chisɔsi na‑a a ɔ sɔn fan, an ni fen tɛnsɛ tena an nyɔn tɛ, min‑na a ma, a‑a den mɛsɛ ya, mbɛ a‑a a sɔ a tɔnfɛ.

CHƆN 2:25

Chisɔsi ya nii mɔ ɔ mɔ a, a ɔ yian koe a, mɔgbuya ɛ buɛ min dɔ. Koe min na mu, a wandi gbu na‑a a ɔ sɔn fan, koe min gbɛɛ ni an faa ɔ.

CHƆN 8:6

An‑na chɛ fɔ, min mbe a ma, an ni Chisɔsi bia a chen kɔ, a da a bai ɔ, mbɛ an‑na kun yama si a kun ma. Chɛɛ a‑a a kunɛ a bun fan, a bun‑da nyɛnɛ sa‑a gbangbanɛ ɔ, a boo denɛ a.

CHISƆSI 'A SƆ MƆƐ NU 5:9

Mbɛ Pita‑a a fɔ a wɛɛ ye, a ɔ, “Fen ko a mu wo fea i chɛɛ a, wo‑a wo yiima ɔ bɛn, Mansa Yataa Nyina ɔ siman koe a? Mɔɛ miin ta‑a i chɛɛ tɔn‑da, an yen ko sɔ ɔ chenɛ da a. An fan mbe ta‑a i wɛɛ tɔn‑da.”

KO Ɔ NUNDENƐ 2:23

Mɔɛ chɛ n gbɛɛ, miin mbe a fɛ, n mbe an fa‑a wan. A sin chɔchi chɛ n gbɛɛ, an mbe a ɔ sɔn‑da wan, mbɛ n fan‑na mɔ ɔ mɔ yii ma sɔn, a basan mɔ ɔ mɔ faa ɔ koe a. Dɔndɔ, dɔndɔɛ a mu, n mbe an gbɛɛ pawa‑a, yɔ an mbe wai chɛ‑a buɛ min dɔ.”