MATIU 22:13 - Yataa 'a Dɔbɛnɛ Nama

¹³ Mbɛ mansa chɛ‑a a fɔ bɔi den chɛ n ye, a ɔ, ‘Wo kamin chɛ boo ɔ chii, a basan a chenɛ a, mbɛ wo‑a a a dɛ baa ma, pimbi wa chɛ ɔ. Ɛ ma‑a kaina di chɛ‑a, a basan a nyinɛ a daunɛ a tɔɔya a.’ ”

MATIU 22:13 ပူးပေါင်းရင်းမြစ်များ

MATIU 12:29

Mbɛ Chisɔsi‑a Sitana ya yɔ kamin gbasayaen ba, a ɔ, “A yɛ to, ni mɔ ɔ mɔ toen mu a ni don kamin gbasayaen ba 'a chenɛ a punka koe a, mɔɔ ni a‑a a chii pɛn, a e na to a 'a chenɛ a punka‑a.”

MATIU 13:30

Wo a to nɔ, aan chin fenɛ tɛ tima ni che. An tima chɛ a, n mbe a fɔ‑a wan chin fen tɛ mɔɛ n ye, an mbe e na to chin fenɛ tɛ‑a, an ni binɛ pɛn kuu bɔ, mbɛ an‑na a a chii, an‑na a minda. Mbɛ a danka a, an‑na n 'na chin fenɛ sin na sɛ bea a.’ ”

MATIU 13:42

Maeka chɛ n mbe an mɔɛ chɛ n na dɛ‑a wan ta wa chɛ ɔ, an mbe ma‑a kaina di chɛ‑a, a basan an nyinɛ a daunɛ a tɔɔya a.

MATIU 13:50

mbɛ an‑na mɔ yama chɛ n na dɛ ta wa ɔ, an mbe ma‑a kaina di chɛ‑a, a basan an nyinɛ a daunɛ a tɔɔya a.”

MATIU 24:51

Kun ti chɛ ɛ bɔi den chɛ a tɔɔya‑a wan a yama yama boo a, mbɛ a‑a a bia, yɔ nɛnɛn fea ti chɛ n mbe bia buɛ min dɔ. Bɔi den chɛ, ɛ ma‑a wan kaina dɔndɔɛ, di chɛ a, a basan mɔnɛ ɔ nyin na daunɛ a, an bɛ nɛnɛn fea ti chɛ n na.”

MATIU 25:30

Min sien mu sɛn dɔ kamin fufafuu chɛ ma, wo a a dɛ baa ma pimbi pimbi ɔ. Ɛ ma‑a kaina di chɛ‑a, a basan a nyinɛ a daunɛ a tɔɔya a.’ ”

MATIU 8:12

A tima chɛ a, Isɔɛɛ mɔɛ n sɛsɛ, kaina ɔ bɛnden ni miin ko a Yataa 'a mansaya kɔɔ, an na ɛ dɛ‑a wan baa ma, pimbi pimbi ɔ. An mbe ma‑a kaina di chɛ‑a, a basan an nyinɛ a daunɛ a tɔɔya a.”

DUKU 13:28

A tima chɛ a, wo e Ebeami yen‑da wan, wo ni Aisaki yen, mbɛ wo‑a Chekɔpi yen. Wo e Yataa 'a gbonka chɛ mɔɛ chɛ n gbɛɛ yen‑da wan. An gbɛɛ ɛ ma‑a wan Yataa 'a mansaya kɔɔ, wo sin mbe sɔ ɔ baa ma, wo ee che don‑da. Wo e ma‑a wan di chɛ‑a fiko fiko faayɔn ba ɔ, wo e ta‑a wo nyinɛ a daun‑da.

CHƆN 21:18

A ɔ te to, “Ka n mbe chɛ ma din i tena, mbɛ i ni tima min na i tɔngbɔ tɔɛ a, i ni i ma bɛn fan, mbɛ i ta‑a i faa ma kaina nu, mbɛ i‑a i faa ma koe n ma. Chɛɛ tima min na e chenancha‑a, e i boo ɔ sawan‑da wan, mbɛ an‑na i chii fɔin. Mbɛ an ta‑a i a kaina, i ma to ni i ni ta kaina min.”

CHISƆSI 'A SƆ MƆƐ NU 21:11

Akabɔsi chɛ na‑a wan nn tena, mbɛ a‑a Pɔɔ 'a bu tɛ chii yuu ya, a‑a a wandi chenɛ ɔ chii, a basan a boo a. Mbɛ a‑a a fɔ, a ɔ, “Yataa Nyina ɔ te, a ɔ, mɔɛ min ta mu bu tɛ chii yuu chɛ a, Chu mɔɛ n mbe a chii‑a ka wan Chuusaɛn duu ɔ. A ɔ, an sin mbe a be‑a wan mɔɛ chɛ n ma, miin ma Chu mɔ a.”

CHISƆSI 'A SƆ MƆƐ NU 7:54

An‑na bai chɛ a min kɛn, an faa tɛ‑a wan gbeden Sitibin da a bai chɛ ma. Mbɛ an bun‑da an nyinɛ a daun‑da mɔnɛ ɔ, a si a ma.

GBOO FEAN BƆƐ TƐSADONIKA KO A 1:9

Yataa ɛ a ma‑a wan, an ni tɔɔya ɔ yen, an ni kasaa kuɔ fɔ ko a. An tɛ duenɛ an mbe ma‑a mmɔ 'a mansa a, an mbe ee ma‑a a 'a manɛ kɔɔ.

2 PITA 2:17

An mɔɛ chɛ nu, mɔ a tenden ma an na, yɔ yii mɛsɛ mɛsɛ nu, ni an gbaa‑a. An maenɛ ɛ to yɔ banda gbii, fia wa ɛ ben min na. Yataa‑a kaina ɔ bɛn an ko a, pimbi pimbi wa ɔ.

2 PITA 2:4

Mmɔ‑a a ɔ sɔn fan, mbɛ Yataa nii ma maeka chɛ n boo ka ni, miin na‑a ko yama ma. Chɛɛ a na‑a an na dɛ wan ta ɔ. An chiienɛ ɛ wan nɔ yɔɔɛ a, kaina ɔ pimbienɛ ɔ, an mbe an gbɛmbo tee ma kɔnɛ a.

CHUDA 1:13

A yɛ to, ni yii fa‑a, ɛ fenɛ n na fɔnɔ wan tindi ma, mbɛ a yɛ‑a. Mɔɛ chɛ n bɛɛ, an mbe ka wan. An mbe an 'na mauma koe n to ka wan an gbaa, mbɛ an ta‑a. An mbe wan to yɔ tɔmbuaka chɛ nu, miin ka‑a chia chɛ ma, Yataa‑a min yian an na, mbɛ an ta‑a an ta gbee a. Yataa‑a kaina ɔ bɛn an ko a, ma koe a pimbi pimbi ɔ kuɔ fɔ ko a.

CHUDA 1:6

Koe chɛ wɛɛ to‑a wan wo yii ma, a si maeka chɛ n bɛɛ ma, miin faa nii ma chima ni an 'na sɔ tena a banda bu ɔ. An na‑a a boo ka wan, mbɛ an bɔ‑a nɔ. Chɛ ko a, Yataa‑a a ma wan, an chii‑a yɔɔɛ a kuɔ fɔ ko a, pimbi pimbi ɔ. Yataa sin 'na gbasaya ɔ, an mbe ma tena nɔ wan chii chɛ ɔ, aan tee chɛ ni che, gbɛmbo tee wa chɛ. An tee chɛ ma mu, Yataa ɛ kaa a tɛ‑a an bakoe ma.

KO Ɔ NUNDENƐ 21:27

Chɛɛ ko yama kan kɔ kan mbe ee don‑da an duu chɛ ɔ, n mbe ee baa mɔɛ ma, min mbe mauma koe n ma, chɛ ma, fania fɔ mɔɛ nu. Chɛɛ mɔɛ miin mbe don‑da dechee, an nɛ yɔ mɔɛ chɛ nu, miin tɔɛ nyɛnden mu sa tɔngbɔɛ chɛ 'a gboo ɔ. Gboo chɛ, mɔɛ miin mbe kuɔ fɔ fɔɛ ma sɔn‑da, an tɔɛ ɛ ka min dɔ.