MATIU 21:23 - Yataa 'a Dɔbɛnɛ Nama

²³ Mbɛ Chisɔsi yɛ‑a to Yataa 'a kata chɛ ɔ. A yɛ‑a kɛn, a‑a a kuu sɔ wan mɔɛ n kan‑da, miin ni ka nɔ. Ɛ an kan tena chɛ wan, mbɛ Chu n tɛ mɔɛ nu Yataa a, an 'na mansa dɔ nu, an bɛ Chu gbakoo n na, an na‑a a tena, an dɔ, “E koe miin ma ka, gbasaya minan mbe i boo ɔ, an ma koe a? An gbasaya chɛ sin, nyɔn‑na a be i ma?”

MATIU 21:23 ပူးပေါင်းရင်းမြစ်များ

MATIU 20:4

Mbɛ a‑a a fɔ an bɛɛ ye, a ɔ, ‘Wo wɛɛ, wo na, wo ni ta wai chɛ n 'na yadi ɔ. N mbe wo buɔdia pawa chɛ‑a wan wo a.’

MATIU 21:24

Mbɛ Chisɔsi ɔ, “Ka wɛ, n mbe wo ɔ tisa, tisa dɔndɔ gbe a. Ni wo‑a a yɛman chɛndɛ, mbɛ n‑na a fɔ wo ye, mɔɛ min‑na gbasaya chɛ be n ma, koe chɛ n ma koe a.

MATIU 24:1

Mbɛ Chisɔsi bɔ‑a Yataa 'a kata chɛ ɔ, a bun‑da ta‑a. Mbɛ a fɛ denɛ n gbɛn‑da a ma, an dɔ, a ni a ya a yɛ Yataa 'a kata chɛ ma.

MATIU 26:55

Mbɛ Chisɔsi ɔ mɔ fanka chɛ ma, miin na‑a ka a bia‑a, a ɔ, “Wo nii wo wandi tɔɔ na koe a, chɛɛ chɛ mɛ n na wo boo ɔ, a basan kɔn ma tɛenɛ a, n bia koe a. Kanka ma chianden ma n na. Mmɔ‑a tee sɛsɛ wa chɛ gbɛɛ ban, Yataa 'a kata chɛ ɔ, n mbe kan chɛ‑a, wo ma n bia ni.

DUKU 19:47

Tee ɔ tee a gbɛ, Chisɔsi ni kanɛ chɛ wan Yataa 'a kata chɛ ɔ. Mɔɛ miin ni Chu n tɛ ɔ Yataa a, an 'na mansa nu, an toen ni an ni Chisɔsi fa. An bɛ Chu n 'na sawa kan mɔɛ n na, a basan ya ɔ sɔɛ gbakoo n na, an yiima ni dɔndɔ.

DUKU 20:1

Tee dɔndɔ a, Chisɔsi ni wan mɔɛ n kan‑da Yataa 'a kata ɔ, ɛ ta‑a Yataa 'a sakana bai chɛndɛ ɔ yian‑da an na. Mbɛ mɔɛ miin ni Chu n tɛ ɔ Yataa a, an 'na mansa nu, an na‑a a tena, an bɛ Chu n 'na sawa kan mɔɛ n na, a basan Chu gbakoo n na.

CHISƆSI 'A SƆ MƆƐ NU 4:7

An‑na a ma wan Chisɔsi 'a sɔ mɔɛ chɛ n sɔ‑a an chen kɔɔ. Mbɛ an‑na an dɔ tisa, an dɔ te, “Wo ma‑a ka ma namaa chɛ‑a tachɛ chɛ? Gbasaya minan dɔ mu, wo‑a ko bonda chɛ ma? Nyɔn 'na gbasaya ɔ mu, wo‑a koe chɛ ma?”

CHISƆSI 'A SƆ MƆƐ NU 7:27

Chɛɛ kaminɛ dɔndɔɛ min ni ka a bɔɛ chɛ gbasi tena, a‑a Mosisi a nyɔndɔn fan, a bɔ an tɛ ɔ. Mbɛ a‑a a fɔ Mosisi ye, a ɔ, ‘Nyɔn‑na i ma mansa a, kaa a tɛ koe a nn tɛ ɔ?