MATIU 20:34 - Yataa 'a Dɔbɛnɛ Nama

³⁴ Mbɛ an ma chinchinɛ‑a a bia. Mbɛ a tu‑a an ya n na. Mbɛ an‑na kaina yen a ya kɔɔɛ a. An‑na kaina yen kɛn, mbɛ an bea‑a Chisɔsi fɛ.

MATIU 20:34 ပူးပေါင်းရင်းမြစ်များ

MATIU 14:14

Chisɔsi puin‑da a bɔ dɛndɛ chɛ ɔ, mbɛ a‑a mɔ fanka wa chɛ yen, miin‑na a sɔ ka a fɛ. Mbɛ an ma chinchinɛ‑a a bia, a‑a an gbɛɛ baun miin gbandien ni ka.

MATIU 15:32

Mbɛ Chisɔsi‑a a fɛ denɛ n chee wan kaina dɔndɔ, a ɔ, “Mɔɛ chɛ n ma chinchinden mu n ye. Tee sawa an nɛ ka gbɛ, an mbe nɛ mmɔ fɛ, daun fen mbe ee nɔ. Ni n‑na a ma sunɛ an ni ta an kɔnkɔ tɔɛ a, an mbe ka‑a wan an chenɛ kɔɔ chia a, an ni bɔn a ma.”

MATIU 20:33

Mbɛ an dɔ, “Mansa, a ma nn ya a ni ka.”

MATIU 21:1

Mbɛ Chisɔsi‑a a fo Bɛfachi konko baima, an bɛ a fɛ denɛ n na. Bɛfachi chɛ ni Wodifi kɔnkɔɛ ma wan, a sin dɔ nii ma yansan Chuusaɛn duu ɔ a. Nɔ ni, a‑a a fɛ den fea n na ta an ya ɔ,

MATIU 8:15

Mbɛ Chisɔsi tu‑a a boo a, mbɛ chima gbandi chɛ bɔ‑a musu chɛ gboo ɔ. Mbɛ a‑a a kɔɔ sɔ, mbɛ a‑a daun fenɛ be Chisɔsi ma, a daun koe a.

MATIU 9:29

Mbɛ Chisɔsi‑a a boo a ta, mbɛ a tu‑a an ya a, a ɔ, “A ni ma ka, yɔ wo 'a danaya, a‑a min fɔ.”

MATIU 9:36

Mɔ fanka ni wan a fɛ. A‑a mɔ fanka chɛ ma fɛn, mbɛ an ma chinchinɛ‑a a bia. Koe min na mu, an 'na yakɔɔtawa da a koo, a yɛ to, an ma a ɔ sɔn an mbe ma ka ma. An mbe wan yɔ sa nu, miin kun ma fɛn mɔ ee.

MAKI 7:33

Mbɛ Chisɔsi‑a mɔ kaima chɛ ya, a ka‑a a fanka chɛ baima. Mbɛ a‑a a boo don kamin chɛ too fea ɔ. Mbɛ a‑a a da yii a bɔ, mbɛ a tu‑a mumun chɛ nɛnɛnɛ a.

DUKU 18:43

A ya kɔɔɛ a, kamin chɛ ya a ka‑a, mbɛ a‑a kaina yen gbadan. Mbɛ a‑a a sɔ Chisɔsi fɛ, ɛ ta‑a Yataa tando‑a. Mɔ fanka fanka chɛ‑a koe chɛ ɔ yen kɛn, an gbɛɛ‑a tando be wan Yataa ma.

DUKU 22:51

Chɛɛ Chisɔsi ɔ, “Sɛmbɛ, ɛn to ka.” Mbɛ a tu‑a kamin chɛ too a, mbɛ a too chɛ yɛ‑a to a gba ɔ.

DUKU 7:13

Mansa Chisɔsi‑a sunkun chɛ yen kɛn, a ma chinchinɛ‑a a bia wan, mbɛ a‑a a fɔ a ye, a ɔ, “Sɛmbɛ di‑a.”

CHISƆSI 'A SƆ MƆƐ NU 26:18

i ni an ya a ka, i ni an bɔ pimbi ɔ, a na manɛ ɔ, i ni an bɔ Sitana boo ɔ, an ni ma Yataa 'a gbasaya kɔɔ. Chɛ ni a ma, Yataa ni a boo bɔ an 'na ko yama n dɔ, mbɛ an‑na an si tena ma sɔn, Yataa 'a mɔɛ n tɛ ɔ. Mɔɛ chɛ nu, Yataa ɛ a ma, miin mbe ma tenchen a ko a, koe min na mu, an‑na an kai fa n na.’

GBOO IBU MƆƐ N KO A 2:17

Chɛ an na‑a a ma, a na‑a ma wan mɔ gbu a, chia ɔ chia a, yɔ Yataa‑a a suun ma nyɔɛ n na dan buɛ min dɔ. Chɛ ni a ma, a ni chinchincha yian. A yɛ to, a ni ma tɛ mɔ wa a, mɔ gbu n tɛ Yataa a, min danayaen mu Yataa 'a wai ɔ. A ni a ma, Yataa ni a boo bɔ mɔɛ n 'na ko yama n dɔ.

1 PITA 3:8

Ka n mbe n da a bai chɛ kunɛ a bia nɛ, mbɛ wo yiima ni ma dɔndɔ. Wo ni to wo nyɔn na wo faa gbɛɛ a. Chinchimaya ni ma wo ɔ wo nyɔn ko a, wo sin ma dɔpandaya bɔ.