MATIU 20:2 - Yataa 'a Dɔbɛnɛ Nama

² An kuiɛ bɛn‑da wan kaina dɔndɔ, an bɛ mɔɛ chɛ n na, mbɛ ɛ an pawa‑a wan yɔ an ni debea n pawa min nyɔn na tee ma. An‑na dɔbɛn chɛ chɛ kɛn, mbɛ a‑a an na ta a 'a yadi chɛ ɔ wai chɛ tena.

MATIU 20:2 ပူးပေါင်းရင်းမြစ်များ

MATIU 18:28

“Chɛɛ kamin chɛ ta‑a kɛn dechee, mbɛ a‑a a bɔ wai chɛ mɔ dɔndɔ tan. A 'a kuiɛ ni wan a ma kɔpɔɛ a min sɛmbɛnden ni ɛnden na. Mbɛ a‑a a bɔɛ chɛ bia a kanɛ a fɔin, a ɔ, ‘N 'na kuiɛ min gbɛɛ ɛ i ma, a bɔ bi.’

MATIU 20:1

Chisɔsi ɔ, “N‑na chɛ fɔ koe min na, Yataa 'a mansaya maen fan mu yɔ min ma‑a tai chɛ ɔ. Kamin dɔndɔ ni wan nɔ, yadi ni min boo ɔ. Mbɛ tee dɔndɔ a, a‑a a kɔɔ sɔ sau sau ma, mbɛ a ta‑a wan wai chɛ mɔ yan tena. A toen ni mɔɛ n fan na, miin mbe wai chɛ a 'a yadi chɛ ɔ, ɛ miin pawa tee ma.

MATIU 20:13

“Mbɛ yadi ti chɛ‑a a fɔ an dɔndɔ ye, a ɔ, ‘N dia nyɔɛ, i too ma sɔ. N ma wo kafa ni ɛnden bɛɛ a. Mmɔ na‑a a ɔ bɛn, mbɛ n mbe mɔ ɔ mɔ pawa tee dɔndɔ debea pawa an na. A ma ma ni ka wan?

MATIU 20:3

Tee kain 'na kɔɔɛ a, mbɛ a ta‑a machiti ɔ. A‑a mɔɛ dɔ n tan fan nɔ sɔ ɔ gbama gbama a, an mbe ee wai ɔ wai‑a.

MATIU 20:9

Mɔɛ miin danka‑a ka na‑a wai chɛ tena chɛ, a‑a an pawa tee dɔndɔ 'a pawa da faenɛ a gban.

MATIU 22:19

Wo kain gbɛnsɛn dɔndɔ yian bɛ n na, wo e pawa chɛ min na.” Mbɛ an na‑a kain gbɛnsɛnɛ gbu a a tena.

MATIU 9:37

Mbɛ a‑a a fɔ a fɛ denɛ n ye, a ɔ, “Chin fen chɛ a sɔndenɛ kaina dɔndɔɛ, a koo kaka. Chɛɛ a 'a sɔn mɔɛ n ma kɔkoo.

MAKI 12:15

Chɛɛ Chisɔsi na‑a an 'na yiinachii yama chɛ kɔɔ sɔn fan, mbɛ a‑a a fɔ an ye, “Fen mu wo toen mu wo ni n dɔ chɛ? Wo na n ye kain gbɛnsɛn dɔndɔ a, n mbe a ma fɛn.”

DUKU 1:15

Koe min na mu, ɛ ma‑a wan mɔ chenama a Mansa Yataa tena. A ma gbɛ kan kɔ kan min. A de e na to a suun‑da, Yataa Nyina ɛ ma‑a wan den chɛ fɛ gban.

DUKU 10:35

Mbɛ banda ɔ ka‑a, Samayia kaminɛ chɛ toen ni a ni ta. Mbɛ a‑a kɔpɔɛ ɛnden ya, mbɛ a‑a a be chen ti chɛ ma, a ɔ, ‘N dia nyɔɛ, i dimu, kamin chɛ danda n ye. Ni kɔpɔɛ chɛ ma a kun ni, n mbe ma‑a yɛ‑a to nɛ chia a, n mbe i ta a a yɛ‑a wan, e min sa‑a chɛ kun ma.’ ”

DUKU 20:24

“Wo kain gbɛnsɛn dɔndɔ yian bɛ n na. Nyɔn ya kɔɔɛ ɛ ka a ma, a basan a tɔɛ a?” Mbɛ an dɔ, “Domi kun ti wa an nɛ.”

2 TIMOTI 3:15

A sin, a ni ma i yii ma, mbɛ i‑a bai chɛ kan fan a ka i den mɛsɛ tɔɛ ma, bai chɛ min mbe Yataa 'a gboo ɔ. Chɛ ɛ kun fan a ni yiima be i ma, min mbe che i sɔ‑a chia ma bauncha ma sɔn koe a, min mbe ka danaya ɔ Chisɔsi Chasi a.

KO Ɔ NUNDENƐ 6:6

Mbɛ n‑na fenɛ kuiɛ a min, yɔ mɔ gbu kuiɛ. An kuiɛ chɛ bɔ‑a fɔɛ fen naanin chɛ n fan tɛ ɔ. A ɔ, “Tee dɔndɔ pawa, ɛ biidi dɔndɔ gbe an san‑da. Chɛɛ i ma tu ban, a basan gbɛ a.”