MATIU 20:19 - Yataa 'a Dɔbɛnɛ Nama

¹⁹ mbɛ an‑na n be mɔɛ chɛ n ma, miin ma Chu mɔ n na. An mbe n ma yɛn‑da wan, an ni n bosa, mbɛ an‑na n gbangban kɔn gbengbandenɛ ma, n mbe fa‑a kaina. Chɛɛ tee fea, a sawan bɔɛ, Yataa ɛ a ma‑a wan, n ni n kɔɔ sɔ a ka saya ɔ.”

MATIU 20:19 ပူးပေါင်းရင်းမြစ်များ

MATIU 12:40

N fan, Mɔ Gbu 'a Denɛ, n mbe tee sawa ni pimbi sawa ya‑a wan fii chima ɔ, yɔ Chona na‑a tee sawa ni pimbi sawa ya buɛ min dɔ nyɛ wa bu ɔ.

MATIU 16:21

A ka gbɛ an tima chɛ ma, Chisɔsi‑a a kuu sɔ wan a ɔ yian‑da a fɛ denɛ n na, mbɛ Yataa ta tima ɛ na tena wan che‑a a ta koe a Chuusaɛn duu ɔ. A ɔ, a sin nɔ mu mɔɛ n mbe an kun puin‑da a ma. A ɔ, nɔ chɛnyɛ gbakoo n ni ma, ni nɔ Chu n tɛ mɔɛ nu Yataa a, an 'na mansa nu, an bɛ Chu n 'na sawa kan mɔɛ n na, an mbe a bia‑a wan. A ɔ, mbɛ an‑na a a tɔɔya, mbɛ an yɛ‑a, an‑na a be a fa mɔɛ n ma. A ɔ, chɛɛ ni an‑na a fa, an ni a tɔn, a ɔ, tee fea a sawan bɔɛ ma, Yataa ɛ a kɔɔ sɔ‑a wan a ka saya ɔ.

MATIU 17:23

An mbe n fa‑a wan, chɛɛ tee fea ni a sawan bɔɛ gbakɔ, n mbe n kɔɔ sɔ‑a wan a ka saya ɔ.” A‑a bai chɛ fɔ kɛn, a fɛ denɛ n faa yɔn‑da wan kaka.

MATIU 27:26

Mbɛ Kɔfana Padeti‑a a boo ka Baabasi a an ye. Mbɛ a‑a a ma kɛn an‑na Chisɔsi boan pien, mbɛ a‑a a be, an ni a gbangban kɔn gbengbandenɛ ma, a ni fa nɔ.

MATIU 27:63

Mbɛ an dɔ, “Mansa, tima min na da ɔ gbaa tɔɛ chɛ ni fɔɛ ɔ, nn yii to‑a wan a ɔ, a na‑a bai min fɔ. A na‑a a fɔ wan, a ɔ, Yataa ɛ a kɔɔ sɔ‑a wan a ka saya ɔ, tee fea a sawan bɔɛ ma.

MAKI 14:65

Mbɛ an dɔ n bun‑da an da yii chɛ‑a a ma, mbɛ an‑na a ya a chii, an dɔ n sin‑na a tu botani a. An dɔ a ma, “A ɔ yian bɛ, mɔɛ min mbe ka i gbasi tena.” Mbɛ kata kun ma fɛn mɔɛ chɛ n sin, an‑na a gbasi.

MAKI 15:1

A sau sau chɛ ma, Chu n tɛ mɔɛ nu Yataa a, an 'na mansa nu, ni Chu gbakoo nu, a basan Chu n 'na sawa kan mɔɛ n na, an bɛ Chu kuti wa ɔ mɔɛ n gbɛɛ a, an bɛn‑da kun puinɛ ɔ. Mbɛ an‑na Chisɔsi chii fɔin, an ta‑a a a, mbɛ an‑na a konan Kɔfana Padeti ma.

MAKI 15:15

Mbɛ Kɔfana Padeti‑a a boo ka wan Baabasi a, fanka fanka chɛ faa chima koe a. Mbɛ a‑a a ma, an‑na Chisɔsi gbasi bosa a pien, mbɛ a‑a a be, an ni a gbangban kɔn gbengbandenɛ ma, a ni fa nɔ.

DUKU 18:32

An mbe n be‑a wan mɔɛ chɛ n ma, Chu mɔ ma miin na. An mɔɛ chɛ n mbe na‑a n ma yɛn‑da wan, an ni n main, mbɛ an‑na an da yii chɛ n ma.

DUKU 23:11

Mbɛ a tima chɛ a, Mansa Ɛdɔdi an bɛ a 'a soya n na, an‑na Chisɔsi ma yɛn fan, mbɛ an‑na mauma mauma koe sɛsɛ sɛ a ma. An‑na doma kai nyima nyima don fan a ma, mbɛ a‑a a a yɛ Kɔfana Padeti tena.

DUKU 24:46

Mbɛ a ɔ, “Chɛ an nyɛnden mu Yataa 'a gboo ɔ. Mbɛ n fan, kunka mansa, mbɛ n mbe tɔɔya ɔ bia‑a pɛn, mbɛ n‑na n kɔɔ sɔ gbɛ a ka saya ɔ, tee fea a sawan bɔɛ ma.

CHISƆSI 'A SƆ MƆƐ NU 2:23

Chɛ e na to ma‑a, Yataa wandi gbu na‑a a ɔ bɛn fan gbae a faa gbɛɛ a, mbɛ tima ɛ che‑a wan Chisɔsi ni be wo ma. A sin, wo e a ma‑a wan, mɔɛ miin mbe ee don Yataa 'a sawa kɔɔ, an ni a gbangban kɔn gbengbandenɛ ma, a ni fa nɔ.

CHISƆSI 'A SƆ MƆƐ NU 21:11

Akabɔsi chɛ na‑a wan nn tena, mbɛ a‑a Pɔɔ 'a bu tɛ chii yuu ya, a‑a a wandi chenɛ ɔ chii, a basan a boo a. Mbɛ a‑a a fɔ, a ɔ, “Yataa Nyina ɔ te, a ɔ, mɔɛ min ta mu bu tɛ chii yuu chɛ a, Chu mɔɛ n mbe a chii‑a ka wan Chuusaɛn duu ɔ. A ɔ, an sin mbe a be‑a wan mɔɛ chɛ n ma, miin ma Chu mɔ a.”

CHISƆSI 'A SƆ MƆƐ NU 4:27

Tea gbu sin ko a, nɛ ni Chuusaɛn duu chɛ ɔ, an‑na an kun puin kaina, i 'a wai chɛ mɔɛ Chisɔsi Chasi ma, min mbe tenchen i ko a. I‑a i boo sɔ an ma kunka mansa a. Mansa Ɛdɔdi, ni Kɔfana Pɔnchɔsi Padeti, an bɛ an na‑a an kun puin chɛ chɛ, an bɛ mɔɛ chɛ n na miin ma Chu mɔ n na, a basan Isɔɛɛ mɔɛ n gbɛɛ a, ko yama ma koe a kunka mansa chɛ a.