MATIU 2:4 - Yataa 'a Dɔbɛnɛ Nama

⁴ Mbɛ a‑a Chu n tɛ mɔɛ nu Yataa a, an 'na mansa n gbɛɛ, a‑a an na kan, a basan Chu n 'na sawa kan mɔɛ n na. A‑a an dɔ tisa, an ni a ɔ yian a a, ni Chasi suun‑da kaina min, kunka mansa chɛ.

MATIU 2:4 ပူးပေါင်းရင်းမြစ်များ

MATIU 13:52

Mbɛ a ɔ, “Chɛ ma yau. Koe min na mu, ni mɔ ɔ mɔ‑a Yataa 'a sawa sɔn, ni mɔ ɔ mɔ‑a n 'na kanɛ sɔn, a si Yataa 'a mansaya ma, ɛ wan yɔ chen ti. Ni a boo fenɛ ma gbɔsɔɛ‑a a bia, ɛ a bɔ wan a ka a sa tena ɔ bɛn tena, a boo fenɛ kɔma basan a nama a.”

MATIU 2:3

Mansa Ɛdɔdi‑a chɛ a min kɛn, a ma‑a wan a ma faayɔn ba a, an bɛ Chuusaɛn mɔɛ n gbɛɛ a.

MATIU 2:5

Mbɛ an dɔ, “Ɛ suun tena Bɛtɛɛn fan, Chudia chɛnyɛ ɔ. A mu min na, Yataa 'a gbonka chɛ mɔɛ chɛ na‑a a nyɛn ka wan, a ɔ,

MATIU 21:15

Mbɛ den mɛsɛ n bun‑da yee tɛ‑a Yataa 'a kata chɛ ɔ, an dɔ, “I wɛn bɔ‑a Mansa Defidi 'a dambi ɔ, nn ni i tando.” Chu n tɛ mɔɛ nu Yataa a, an 'na mansa dɔ n ni wan nɔ, an bɛ Chu n 'na sawa kan mɔɛ n na. An faa tɛ‑a wan, kɛn an‑na yee chɛ a min, a basan kamaya koe chɛ n na, an‑na Chisɔsi yen miin ma‑a.

MATIU 21:23

Mbɛ Chisɔsi yɛ‑a to Yataa 'a kata chɛ ɔ. A yɛ‑a kɛn, a‑a a kuu sɔ wan mɔɛ n kan‑da, miin ni ka nɔ. Ɛ an kan tena chɛ wan, mbɛ Chu n tɛ mɔɛ nu Yataa a, an 'na mansa dɔ nu, an bɛ Chu gbakoo n na, an na‑a a tena, an dɔ, “E koe miin ma ka, gbasaya minan mbe i boo ɔ, an ma koe a? An gbasaya chɛ sin, nyɔn‑na a be i ma?”

MATIU 26:3

Mbɛ Chu n tɛ ɔ mɔɛ nu Yataa a, an 'na mansa nu, a basan Chu gbakoo n na, an bɛn‑da kaina dɔndɔ, an 'na tɛ mɔ wa Yataa tena, a 'a chenɛ a. An 'na tɛ mɔ wa chɛ tɔ ni Kayafasi.

MATIU 26:47

Chisɔsi to‑a koɔ an na, mbɛ Chudasi, min ni a fɛ den tan kun ma fea chɛ n dɔndɔ a, a na‑a, an bɛ mɔ fanka a. Kɔn kundu ma tɛenɛ, a basan chɛɛ chɛ mɛ a, ɛ an boo ɔ. Chu n tɛ mɔɛ nu Yataa a, an 'na mansa nu, an bɛ Chu gbakoo n na, an fan na‑a mɔɛ chɛ n na na.

MATIU 27:1

A banda ka sayi ma, Chu n tɛ mɔɛ nu Yataa a, an 'na mansa n bɛn‑da an bɛ Chu gbakoo n na. Mbɛ an gbɛɛ kuiɛ bɛn‑da kaina dɔndɔɛ, mbɛ an mbe Chisɔsi fa wan.

MATIU 7:29

Koe min na mu, a nii ma an kan ni, yɔ Chu n 'na sawa kan mɔɛ chɛ n ni an kan buɛ min dɔ. Chɛɛ a tana, a‑a an kan gbasaya wa an na.

MAKI 8:31

Mbɛ Chisɔsi‑a a kuu sɔ a fɛ denɛ n kan‑da, a ɔ, “N fan, Mɔ Gbu 'a Denɛ, n mbe tɔɔ‑a wan kaka. Mmɔ 'a chɛnyɛ gbakoo nu, an bɛ mɔɛ miin mbe Chu n tɛ ɔ Yataa a, an 'na mansa n na, an mbe an kan kɔ sɔ‑a wan n na. Mmɔ 'a sawa kan mɔɛ n bɛɛ, an mbe toa si‑a wan an kɔɔ. N mbe fa‑a wan mɔ boo ɔ. Chɛɛ n mbe n kɔɔ sɔ‑a wan a ka saya ɔ, tee fea a sawan bɔɛ ma.”

DUKU 20:19

A tima chɛ a, Chu n 'na sawa kan mɔɛ chɛ nu, an bɛ Chu n tɛ ɔ mɔɛ n na Yataa a, an 'na mansa n na, an na‑a a ɔ sɔn fan, mbɛ Chisɔsi ni tai chɛ tɛ tena a si an fan ma. Chɛ‑a a ma wan, an toen ni, an ni a bia nɔ a gba chɛ ɔ. Chɛɛ an chian‑da wan mɔɛ n ma.

DUKU 23:10

Chɛ gbakɔ, mɔɛ miin ni Chu n tɛ ɔ Yataa a, an 'na mansa chɛ nu, an bɛ Chu n 'na sawa kan mɔɛ chɛ n na, an bun‑da kun sɛsɛ si‑a to Chisɔsi kun ma.

CHƆN 18:3

Mbɛ Chudasi na‑a an kaina chɛ, ɛ na‑a an bɛ Domi chɛnyɛ ɔ soya kuunɛ n na. An bɛ ni poesi n na na‑a, miin ni Yataa 'a kata kun ma fɛn. Fayisii mɔɛ dɔ nu, an bɛ Chu n tɛ mɔɛ nu Yataa a, an 'na mansa nu, an fan na‑a an sɔ. Chɛɛ chɛ feanka n ni wan an boo ɔ, ni sanku manɛ, a basan dambo n na.

CHƆN 3:10

Mbɛ Chisɔsi wɛɛ ɔ, “I sin, i ticha wa chɛ Isɔɛɛ mɔɛ n tɛ ɔ, fen mu ee chɛ n dɔ gbɛ?

CHƆN 7:32

Mbɛ Chu mɔɛ chɛ dɔ nu, miin ni Fayisii n na, an‑na fanka chɛ wɛwɛɛ kuiɛ a min bai chɛ n na, a si Chisɔsi ma. Chɛ ko a, an fan, an bɛ Chu n tɛ mɔɛ n na Yataa a, an 'na mansa n na, an‑na kata chɛ ɔ poesi n sɔ, a bia koe a.

CHƆN 8:3

Chu n 'na sawa kan mɔɛ nu, an bɛ Fayisii mɔɛ dɔ n na, an don‑da wan musu dɔndɔ a. An na‑a a bia, an dɔ, a‑a waa ma basan mɔ kaima a, min ma a fuu kai a. Mbɛ an‑na a ma, a sɔ‑a den, mɔɛ gbɛɛ ya kɔɔ.

CHISƆSI 'A SƆ MƆƐ NU 23:9

Mbɛ an gbɛɛ bun‑da sɔnkɔ sɔnkɔ wa chɛ‑a. Mbɛ Chu mɔɛ n 'na sawa kan mɔɛ dɔ nu, miin ni Fayisii gbee a, an sɔ‑a. Mbɛ an dɔ, “Nn ma bai yama kan kɔ kan yen ni, Pɔɔ‑a min fɔ. Mmɔ ma a ɔ sɔn, kɔkɔɛ maeka mu, min koɔ‑a a tena, chɛ ma, kɔkɔɛ nyina dɔ mende nu mu.”

CHISƆSI 'A SƆ MƆƐ NU 4:5

Banda ɔ ka‑a kɛn, Chu n kun ti nu, ni Chu n 'na gbakoo nu, an bɛ Chu n 'na sawa kan mɔɛ n na, an gbɛɛ bɛn‑da Chuusaɛn duu chɛ ɔ.

CHISƆSI 'A SƆ MƆƐ NU 6:12

Bai chɛ‑a a ma wan, mɔɛ n gbɛɛ a kan‑da, an bɛ basan Chu gbakoo n na, ni Chu n 'na sawa kan mɔɛ nu. Mbɛ an gbɛɛ faa tɛ‑a Sitibin ma, min‑na a ma, an‑na a bia, mbɛ an na‑a a a Chu kuti wa ɔ.