MATIU 2:13 - Yataa 'a Dɔbɛnɛ Nama

¹³ Yiimatɛ tɔɛ chɛ n taenɛ gbakɔ, Mansa Yataa 'a maeka na‑a Chosɛfi tena cho ɔ. Mbɛ a ɔ, “Chosɛfi, i a sɔ, i ni den chɛ ya, an fea a de a, i ni i nun a ta Ichipi chɛnyɛ ɔ. Wo ma na, aan ni tima min na, n mbe a fɔ‑a i ye, na koe a. Koe min na mu, Mansa Ɛdɔdi ɛ na tena wan a ya a kan‑da den chɛ a, a ni a kasaa.”

MATIU 2:13 ပူးပေါင်းရင်းမြစ်များ

MATIU 1:20

Chɛɛ ɛ kɛn an yiinachii chɛ ɔ, a yen ko, Mansa Yataa 'a maeka na‑a a tena cho ɔ. Mbɛ a ɔ, “Chosɛfi, Mansa Defidi 'a dambi ɔ nyɔɛ, i ma sika Mɛi si koe a i 'a musu a. Koe min na mu, a‑a bu min ya ka, Yataa Nyina an‑na a be a ma.

MATIU 10:23

Ni an‑na ko yawaenɛ sa wo ma duu min dɔ, wo ben bui a, a ta duu dɔ mende ɔ. Ka n ni chɛ ma din wo tena. Wo ee Chu duu chɛ n na bɛn‑da, mbɛ tima che‑a n na koe a. N fan, Mɔ Gbu 'a Denɛ, n mbe na‑a tima min na.

MATIU 2:12

Mbɛ Yataa‑a an na si wan cho ɔ, mbɛ an ma bɔ Mansa Ɛdɔdi waa chia a. An‑na chia dɔ mende ya wan, an yɛ‑a.

MATIU 2:14

Mbɛ a‑a a a sɔ, a‑a den chɛ ya, ni a de, an‑na an nun su ɔ, an‑na tachɛ bun a ma Ichipi chɛnyɛ ɔ.

MATIU 2:16

Mbɛ Mansa Ɛdɔdi faa gbandia‑a, a‑a a ɔ yen kɛn, mbɛ yiimatɛ tɔɛ chɛ n‑na yaa an na tachɛ a a. Mbɛ a‑a mɔɛ n sɔ, Bɛtɛɛn duu ɔ, a basan a tanda chɛ gbɛɛ ɔ a, denɛ n fa koe a. Den kaima kan kɔ kan, a ka a den toaya ɔ, a ta san fea ɔ, an mbe a fa wan. A‑a a ma, yɔ yiimatɛ tɔɛ chɛ n na‑a tima min nyɔn sima yian a a.

MATIU 2:22

Chɛɛ a‑a a a min kɛn, mbɛ Akɛdaɔsi an yɛ‑a a fa Ɛdɔdi gbaa mansaya ɔ, Chudia chɛnyɛ ɔ, a chian‑da ta koe a nɔ. A sin, a na‑a dasi ma sɔn fan cho ɔ, min‑na a ma, a ta‑a Kadidi chɛnyɛ ɔ.

CHISƆSI 'A SƆ MƆƐ NU 10:22

Mbɛ an dɔ, “Kaminɛ min mbe soya chɛmɛ dɔndɔɛ chɛ n ya ɔ, an‑na nn sɔ. A tɔ mu Kɔniyɔsi. A ɛ kooya be wan Yataa ma, a sin tanden mu. A sin to, Chu mɔɛ n gbɛɛ‑a basɔmaya be wan a ma. Maeka an bɔ‑a Kɔniyɔsi chɛ ya a, mbɛ a‑a a fɔ a ye, a ɔ, a ni i chee a 'a chenɛ a. A ɔ, a ni i da a bai a min, e min fɔ‑a.”

CHISƆSI 'A SƆ MƆƐ NU 10:7

Mbɛ maeka chɛ ban‑da kɛn koɔ‑a Kɔniyɔsi tena, a ta‑a gbae. Mbɛ Kɔniyɔsi‑a bɔi den fea n ya, miin ni wai chɛ tena a kɔɔ a 'a chenɛ a, ni soya mɔ dɔndɔ. An soya mɔɛ chɛ wɛɛ, a Yataa koen ni kaka, a sin fan ni Kɔniyɔsi fɛ basan koe a a ma.

CHISƆSI 'A SƆ MƆƐ NU 12:11

Mbɛ a tima gbu a ni gbɛ, Pita‑a a wandi a tinsɔn. Mbɛ a ɔ, “Sanche mu gbɛ, n‑na a ɔ gbɛ, mbɛ n nii ka cho ɔ. Mansa Yataa an‑na a 'a maeka a na ka, n bɔ koe a Mansa Ɛdɔdi boo ɔ. A ni n bɔ koe gbɛɛ ɔ, miin ni Chu mɔɛ n 'na yiinachii ɔ, n ko a.”

CHISƆSI 'A SƆ MƆƐ NU 12:7

Mbɛ a yen ko, Mansa Yataa 'a maeka bɔ‑a a pimbi chen chɛ a. Pimbi chenɛ gbu, a dumu bu ɔ, Pita ni kaina, maeka chɛ 'a manɛ‑a a ɔ ka wan. Mbɛ maeka chɛ‑a Pita tɔnfɛ ma gbasi, a‑a Pita a kunɛ, a ɔ, “I a sɔ bui chɛ a.” Mbɛ a ya kɔɔɛ a, yɔɔɛ min ni ka Pita boo ma, a fuin‑da, mbɛ a bea‑a.

CHISƆSI 'A SƆ MƆƐ NU 16:36

Mbɛ pimbi chen kun ma fɛn mɔɛ chɛ, a‑a bai chɛ ɔ yian Pɔɔ a, a ɔ, “Mansa n‑na sakana a na, mbɛ wo ni ta, wo fea Sidasi a. Chɛ an fɛ mu gbɛ, wo bɔ gbɛ, wo ni ta wo faa chimaenɛ a.”

CHISƆSI 'A SƆ MƆƐ NU 5:19

Chɛɛ a yɛɛ chɛ ma, Mansa Yataa 'a maeka na‑a wan, mbɛ a‑a pimbi chen chɛ da gbɛɛ a ka gbasi. Mbɛ a‑a a ma, Chisɔsi 'a sɔ mɔɛ chɛ n bɔ‑a pimbi chen chɛ a. Mbɛ a‑a a fɔ an ye, a ɔ,

CHISƆSI 'A SƆ MƆƐ NU 7:19

A‑a yaa a ben fan mmɔ 'a mɔɛ n na, mbɛ a yɛ‑a to, a‑a ko ma gbaaenɛ n sa an ma. Mbɛ a yɛ‑a wan to, a‑a a din an ma, kɔ an ni an 'na denɛ n na dɛ fia ɔ, min mbe a ma, an ni fa.

KO Ɔ NUNDENƐ 12:14

Chɛɛ musu chɛ‑a kamban fea ma sɔn fan, a kambanɛ bɔ‑a yɔ kochɛ. Mbɛ a tin‑da, a ta‑a pɔɔ fuinɛ ma, a ka‑a ka chɛ baima. A ta‑a an kaina chɛ, Yataa‑a kaina min dɔ bɛn a ko a, an mbe a kun ma fɛn‑da kaina min san sawa, ni a tɔɛ ko a.

KO Ɔ NUNDENƐ 12:4

Tɔmbuaka chɛ nu, miin ni banda a, ni an du‑a sawa a, a fɛ‑a si tena dɔndɔɛ fian fan, a‑a an bondan duu gboo ma. Fɔɛ fen ma chianden chɛ sɔ‑a wan musu chɛ ya kɔɔ, a ma bɛndenɛ ɛ a 'a den chɛ kanun koe a, ni a‑a a suun dechee.

KO Ɔ NUNDENƐ 12:6

Musu chɛ‑a bui sa wan a a, a ta‑a fuinɛ ma, Yataa na‑a kaina ɔ bɛn kaina a ko a. A ɛ ma‑a nɔ wan, a kun ma ni fɛn kau bi naanin kun ma fea (42) ko a.