MATIU 2:12 - Yataa 'a Dɔbɛnɛ Nama

¹² Mbɛ Yataa‑a an na si wan cho ɔ, mbɛ an ma bɔ Mansa Ɛdɔdi waa chia a. An‑na chia dɔ mende ya wan, an yɛ‑a.

MATIU 2:12 ပူးပေါင်းရင်းမြစ်များ

MATIU 1:20

Chɛɛ ɛ kɛn an yiinachii chɛ ɔ, a yen ko, Mansa Yataa 'a maeka na‑a a tena cho ɔ. Mbɛ a ɔ, “Chosɛfi, Mansa Defidi 'a dambi ɔ nyɔɛ, i ma sika Mɛi si koe a i 'a musu a. Koe min na mu, a‑a bu min ya ka, Yataa Nyina an‑na a be a ma.

MATIU 2:13

Yiimatɛ tɔɛ chɛ n taenɛ gbakɔ, Mansa Yataa 'a maeka na‑a Chosɛfi tena cho ɔ. Mbɛ a ɔ, “Chosɛfi, i a sɔ, i ni den chɛ ya, an fea a de a, i ni i nun a ta Ichipi chɛnyɛ ɔ. Wo ma na, aan ni tima min na, n mbe a fɔ‑a i ye, na koe a. Koe min na mu, Mansa Ɛdɔdi ɛ na tena wan a ya a kan‑da den chɛ a, a ni a kasaa.”

MATIU 2:19

Mbɛ Mansa Ɛdɔdi fa‑a. A faenɛ gbakɔ, mbɛ Mansa Yataa 'a maeka na‑a Chosɛfi tena cho ɔ Ichipi chɛnyɛ ɔ.

MATIU 2:22

Chɛɛ a‑a a a min kɛn, mbɛ Akɛdaɔsi an yɛ‑a a fa Ɛdɔdi gbaa mansaya ɔ, Chudia chɛnyɛ ɔ, a chian‑da ta koe a nɔ. A sin, a na‑a dasi ma sɔn fan cho ɔ, min‑na a ma, a ta‑a Kadidi chɛnyɛ ɔ.

MATIU 27:19

Kɔfana Padeti to‑a si ɔ tongbo kɔɔ wan bai chɛ kun ma, mbɛ a 'a musu‑a sakana a na a tena, a si Chisɔsi ma. Musu chɛ‑a a fɔ wan sakana chɛ ɔ, mbɛ Kɔfana Padeti ma a boo kan kɔ kan chɛ Chisɔsi fa koe ɔ. A ɔ, Chisɔsi mu mɔ tanden ba an na, min ma ko yama kan kɔ kan ma ni. A ɔ, a faa gbaaen ba mu, a si cho ma, a‑a min chɛ an su chɛ ɔ, a si Chisɔsi ma.

DUKU 2:26

Yataa Nyina chɛ sin na‑a a yiima dia wan, mbɛ a ee fa‑a, ni a ma kunka mansa yen ni, Mansa Yataa ɛ min sɔ‑a.

CHISƆSI 'A SƆ MƆƐ NU 10:22

Mbɛ an dɔ, “Kaminɛ min mbe soya chɛmɛ dɔndɔɛ chɛ n ya ɔ, an‑na nn sɔ. A tɔ mu Kɔniyɔsi. A ɛ kooya be wan Yataa ma, a sin tanden mu. A sin to, Chu mɔɛ n gbɛɛ‑a basɔmaya be wan a ma. Maeka an bɔ‑a Kɔniyɔsi chɛ ya a, mbɛ a‑a a fɔ a ye, a ɔ, a ni i chee a 'a chenɛ a. A ɔ, a ni i da a bai a min, e min fɔ‑a.”

CHISƆSI 'A SƆ MƆƐ NU 4:19

Chɛɛ Pita an fea Chɔn na, an dɔ, “Wo wandi gbu, wo a fɔ wɛ, ni a ma bɛnden fan mu Yataa chen kɔɔ, nn ni nn too ma sɔ a ma, chɛ ma, ni nn mbe a ma sɔ wo wan ma.

CHISƆSI 'A SƆ MƆƐ NU 5:29

Chɛɛ Pita n bɛ Chisɔsi 'a sɔ mɔɛ tɔɛ chɛ n na, an‑na a fɔ wan mɔɛ chɛ n ye, an dɔ te, “A ma bɛnden mu nn ni Yataa faa ma koe an ma. Chɛɛ a ma din ni nn ma, nn ni mɔ gbu n fan faa ma koe n ma.

GBOO SAA KƆYINDI KO A 3:19

Koe min na mu, dunya chɛ ɔ yiimatɛ, a mu wooya koe an na Yataa tena. A 'a gboo‑a a fɔ wan, a ɔ, “Yataa ɛ yiimatɛ tɔ wa an bia, an 'na yaa wa an fan dɔ.”

GBOO IBU MƆƐ N KO A 11:7

Nowa na‑a a kai fa wan Yataa a, an na‑a a ma, a na‑a a too ma sɔ Yataa 'a dasi ma, a si koe n ma miin ni na tena ma‑a, a nii ma miin sima ɔ yen nin bɛ. A na‑a Yataa da a kuiɛ a min fan, mbɛ a‑a dɛndɛ nyan, min na‑a a baun, an bɛ a 'a mɔɛ n na. Yataa na‑a Nowa ya wan mɔ tandenɛ a, min mbe bɔ dechee a 'a kaifa ɔ Yataa a. An kaifa chɛ sin dɔ, Nowa na‑a koe min ma ka, a na‑a a yian fan, mbɛ dunya ma mɔɛ n yau kaka.

GBOO IBU MƆƐ N KO A 8:5

An mbe wai min chɛ Yataa 'a tɛndi kɔɔ, a ɛ wan dechee yɔ koe miin mbe ma banda bu ɔ, an nininɛ gbama, an mbe buɛ min dɔ. Koe min na mu, Mosisi ni tima min na Yataa 'a tɛndi chɛ sɔ‑a, Yataa na‑a koɔ wan a tena, a ɔ, “Fen kɔ fen min sien mu tɛndi chɛ ma, a nyan yɔ i‑a a nyandenɛ yen buɛ min dɔ, Saina kɔnkɔɛ kun ma.”