MATIU 2:11 - Yataa 'a Dɔbɛnɛ Nama

¹¹ An don‑da kɛn chen chɛ a, mbɛ an‑na den chɛ tan, an fea a de Mɛi a. Mbɛ an‑na an kumbai gbangban, an‑na tando be a ma. An‑na samba n na bɔ, samba baa gbɛɛ ma nu, an na‑a miin na den toa chɛ ye. Sanu ni wan nɔ, ni fen kunyɛ a diama fea, an ni miin chee, an dɔ, fankinsɛnsi, ni dɔndɔɛ min tɔ ni maa.

MATIU 2:11 ပူးပေါင်းရင်းမြစ်များ

MATIU 1:18

Chisɔsi Chasi suun‑da ka wan. Kamin dɔndɔ ni wan nɔ, min tɔ ni Chosɛfi. A na‑a Chisɔsi de Mɛi too ɔ dia wan, a si koe a musu a. Chɛɛ yatina, an mbe e na to si‑a, Yataa Nyina‑a a ma wan Mɛi bu ma‑a.

MATIU 12:46

Chisɔsi ɛ koɔ tena chɛ wan mɔ fanka chɛ tena, mbɛ a de na‑a, a sɔ‑a baa ma, an bɛ a dɔ kaima n na. An toen ni an ni a yen.

MATIU 14:33

Mbɛ Chisɔsi fɛ den chɛ n gbɛɛ dɛndɛ chɛ ɔ, an‑na Chisɔsi tando, an dɔ, “Tea a, Yataa 'a denɛ mu i a.”

MATIU 2:10

An‑na tɔmbuaka chɛ yen kɛn, an‑na buɔdia min bɔ, a da a ni koo.

MATIU 2:2

Mbɛ an dɔ, “Den toa chɛ ɛ mende, min suunden mu ma koe a Chu mɔɛ n 'na mansa wa a? Koe min na mu, nn‑na a tɔmbuaka yen fan pan tee bɔ, a sin, nn na‑a, nn ni tando be a ma.”

DUKU 2:16

An‑na a a gbandia, mbɛ an ta‑a, an‑na an ya a kan. Mbɛ an‑na Mɛi yen, an fea den toa chɛ a, a basan Chosɛfi a. Den toa chɛ ni sa ɔ fen chɛ ɔ wan, an ni daun fenɛ be min dɔ sɔ fenɛ n ma.

DUKU 2:38

A tima dɔndɔ gbe chɛ kɔɔ, a wɛɛ‑a Chisɔsi n tan fan, an bɛ a woo n na. Mbɛ a bun‑da Yataa wai bɔ‑a. A‑a bai sa wan, a si den chɛ ma, mɔɛ chɛ n gbɛɛ tena, mɔɛ miin ni Chuusaɛn kun ka koe ma kɔn tena.

CHƆN 19:39

Nikɔdemɔsi wɛɛ na‑a a sɔ wan Chosɛfi fɛ. Nikɔdemɔsi chɛ, an na‑a ta a saa a Chisɔsi tena su ɔ. A ta‑a wan buii a a boo ɔ, min kunyɛ a ni di kaka, su chɛ ko a. An buii chɛ nyandenɛ ni fen fea an na, an ni fenɛ miin chee, an dɔ, maa, ni adosi. Ni mɔ na‑a an buii chɛ sa sechee a, a dɛnɛ ni paun bi wɔnfea kun ma duu ya wan.

KO Ɔ NUNDENƐ 19:10

Mbɛ n‑na n kumbai gbangban a chen kɔɔ, a fai koe a. Chɛɛ a ɔ te n ma, a ɔ, “I ma chɛ ma. Yataa an fai. N mbe wai chɛ an ko a, yɔ wo e wai chɛ buɛ min dɔ a ko a. Wo gbɛɛ, wo wɛn kai faen mu tea chɛ a, min ka‑a Chisɔsi tena. An tea chɛ, an mbe a ma, mɔɛ n ni Yataa bai sa.” Koe min na mu, Chisɔsi‑a bai min fɔ, an mu Yataa 'a sakana bai kunɛ a mɔ gbu n tena.

KO Ɔ NUNDENƐ 5:8

Sa tɔngbɔɛ chɛ‑a a bia kɛn, mbɛ fɔɛ fen naanin chɛ nu, an bɛ gbakoo bi fea kun ma naanin chɛ n na, an‑na an kumbai gbangban a chen kɔɔ. Kɔninka an ni gbakoo chɛ n gbɛɛ boo a, ni sanu pani nu. Fen kunyɛ a diama an ni pani chɛ n gbɛɛ ɔ. Fen kunyɛ a diama chɛ n sin ni samunɛ an na, Yataa 'a mɔɛ n ni miin chɛ.