MATIU 2:1 - Yataa 'a Dɔbɛnɛ Nama

¹ Chisɔsi na‑a suun gbɛ Bɛtɛɛn duu ɔ wan, Chudia chɛnyɛ ɔ. Mansa Ɛdɔdi 'a tima kɔɔ ni. A tima chɛ a, a yen ko, yiimatɛ tɔɛ n na‑a Chuusaɛn duu ɔ, a ka tee bɔ, chɛnyɛ ɔ yansama ɔ.

MATIU 2:1 ပူးပေါင်းရင်းမြစ်များ

MATIU 1:25

Chɛɛ a nii ma a sɔn ni a 'a musu a, aan tima chɛ a, tima min na a‑a den kaien chɛ suun. Mbɛ Chosɛfi‑a a tɔɛ si, a ɔ, Chisɔsi.

MATIU 2:16

Mbɛ Mansa Ɛdɔdi faa gbandia‑a, a‑a a ɔ yen kɛn, mbɛ yiimatɛ tɔɛ chɛ n‑na yaa an na tachɛ a a. Mbɛ a‑a mɔɛ n sɔ, Bɛtɛɛn duu ɔ, a basan a tanda chɛ gbɛɛ ɔ a, denɛ n fa koe a. Den kaima kan kɔ kan, a ka a den toaya ɔ, a ta san fea ɔ, an mbe a fa wan. A‑a a ma, yɔ yiimatɛ tɔɛ chɛ n na‑a tima min nyɔn sima yian a a.

MATIU 2:19

Mbɛ Mansa Ɛdɔdi fa‑a. A faenɛ gbakɔ, mbɛ Mansa Yataa 'a maeka na‑a Chosɛfi tena cho ɔ Ichipi chɛnyɛ ɔ.

MATIU 2:3

Mansa Ɛdɔdi‑a chɛ a min kɛn, a ma‑a wan a ma faayɔn ba a, an bɛ Chuusaɛn mɔɛ n gbɛɛ a.

MATIU 2:5

Mbɛ an dɔ, “Ɛ suun tena Bɛtɛɛn fan, Chudia chɛnyɛ ɔ. A mu min na, Yataa 'a gbonka chɛ mɔɛ chɛ na‑a a nyɛn ka wan, a ɔ,

MATIU 2:7

Mbɛ Mansa Ɛdɔdi‑a sonda chɛ n chee, miin‑na tɔmbuaka sɔn ka. An dechee chɛ tɛ ɔ, a‑a a ɔ gbɛ chɛndɛ chɛ a ka an na, tɔmbuaka chɛ bɔ‑a tima min gbu a.

DUKU 1:5

Tima min na Ɛdɔdi ni mansa a Chu chɛnyɛ gbɛɛ kun ma, mɔɛ ni wan nɔ, min ni Chu n tɛ ɔ Yataa a, a tɔ ni Sakaaya. A 'a wai chɛ dɔbɛnɛ tɔ ni Abicha dɔbɛnɛ. A 'a musu tɔ ni Disabɛti. A wɛɛ na‑a bɔ mɔ kuun chɛ n fan tɛ ɔ, miin ni Chu n tɛ mɔɛ n na Yataa a.

DUKU 2:11

Den toa suun‑da Mansa Defidi 'a duu ɔ bi tee chɛ a. An den toa chɛ, an mbe wo baun‑da. An mu kunka mansa a, tea Mansa.

DUKU 2:15

Mbɛ maeka chɛ n yɛ‑a banda bu ɔ. Chɛ gbakɔ, sa kun ma fɛn mɔɛ chɛ n‑na a fɔ an nyɔn ye, an dɔ, “Mmɔ ta taiya a pan Bɛtɛɛn duu chɛ ɔ, mmɔ ni koe chɛ ɔ yen, Mansa Yataa 'a maeka‑a min dɔ yian ka mmɔ a.”

CHƆN 7:42

Yataa 'a gboo ɔ te, mbɛ kunka mansa ɛ na‑a bɔ‑a Mansa Defidi 'a dambi ɔ wan. A sin mbe suun‑da Chudia chɛnyɛ ɔ wan, Bɛtɛɛn duu ɔ, a wan Mansa Defidi waa a.”