MATIU 19:16 - Yataa 'a Dɔbɛnɛ Nama

¹⁶ Tima dɔndɔ a, kamin dɔndɔ na‑a wan Chisɔsi tena, mbɛ a ɔ, “Ticha, n mbe ko chɛndɛ minan nyɔn sima ma, min mbe a ma, n ni kuɔ fɔ fɔɛ ma sɔn?”

MATIU 19:16 ပူးပေါင်းရင်းမြစ်များ

MATIU 19:15

Mbɛ Chisɔsi‑a a boo bun den mɛsɛ chɛ n ma, dɔndɔ dɔndɔɛ a, ɛ ta‑a an dua‑a. Mbɛ a ka‑a an kaina chɛ, a ta‑a.

MATIU 19:26

Mbɛ Chisɔsi‑a an gbɛɛ ma fɛn, mbɛ a‑a a fɔ an ye, a ɔ, “Mɔ gbu ee che koe chɛ n ma‑a, chɛɛ Yataa ɛ che wan ko ɔ ko ma‑a.”

MATIU 19:29

Chenɛ, suun ma nyɔɛ nu, woo mɔɛ nu, denɛ nu, a basan sɛnɛ n na, an nyin fan. Chɛɛ mɔɛ min mbe an dɔndɔ wɛɛ to‑a n ko a, Yataa ɛ a kɔ‑a wan an fen chɛ a, a si tena chɛmɛ dɔndɔ ni a kun ma a a. A sin, Yataa ɛ kuɔ fɔ fɔɛ be‑a wan to a ma.

MATIU 25:46

A sin, Yataa ɛ mɔ bonda chɛ n na ta‑a wan kaina, an mbe ma‑a kaina mɔnɛ ɔ bia‑a kuɔ fɔ ko a. Chɛɛ mɔɛ tɔɛ chɛ nu, miin tanden mu Yataa tena, an mbe kuɔ fɔ fɔɛ ma sɔn‑da wan.”

CHƆN 10:28

N fɛ mɔɛ nu, n mbe kuɔ fɔ fɔɛ an be‑a an ma, min mbe a ma, an mbe ee fa‑a, an ni to saya ɔ. Mɔ ɔ mɔ ee che an bɔ‑a n boo ɔ.

CHƆN 12:25

Mɔɛ miin gbɔsɔen mu an fandi ko a dechee, an mbe fo‑a wan an fɔɛ a. Chɛɛ mɔɛ miin mbe an fɔɛ be‑a Yataa ma dunya chɛ ɔ, an mbe kuɔ fɔ fɔɛ ma sɔn‑da wan.

CHƆN 3:15

Chɛ ɛ a ma‑a wan, mɔ ɔ mɔ min kai faen mu n na, an ni kuɔ fɔ fɔɛ ma sɔn.”

CHƆN 4:14

Chɛɛ mɔ ɔ mɔ min mbe yii chɛ min, n mbe min be‑a a ma, a kanɛ a ee gbaa‑a to kuɔ fɔ. N mbe yii chɛ min be‑a a ma, ɛ ma‑a wan a faa ɔ. A sin, an yii chɛ ɔ ee tɛ‑a, ɛ a ma‑a wan, a ni kuɔ fɔ fɔɛ ma sɔn.”

CHƆN 5:39

Wo e Yataa 'a gboo kan fan chɛndɛ chɛ, koe min na mu, ɛ wo yii ma, an mbe a ma‑a, wo ni kuɔ fɔ fɔɛ ma sɔn. Bai miin gbu sin nyɛnden mu gboo chɛ ɔ, an sien mu n fan ma.

CHƆN 6:47

N mbe chɛ ma din tena wo tena, mbɛ mɔɛ min mbe a kai fa‑a n na, an mbe kuɔ fɔ fɔɛ ma sɔn‑da.

CHƆN 6:68

Mbɛ Saimɔn Pita ɔ, “Mansa, nn mbe ta‑a gbɛ nyɔn tena? A yen ko, i da a bai, an mbe a ma kɛn, mɔ gbu ni kuɔ fɔ fɔɛ ma sɔn.

CHISƆSI 'A SƆ MƆƐ NU 16:30

Mbɛ a sɔ‑a an ya ɔ, a bɔ pimbi chen chɛ a. Mbɛ a ɔ, “Fa nu, n mbe fen ma gbɛ, bauncha ma sɔn koe a?”

GBOO DOMI KO A 2:7

Mɔɛ dɔ nu, an mbe ko chɛndɛ an ma tima ɔ tima, an mbe Yataa 'a dua yanɛ a, a 'a tando, a basan kuɔ fɔ fɔɛ a, ɛ min be. An mɔɛ chɛ nu, Yataa ɛ an kuɔ fɔ fɔɛ be‑a wan an ma.

GBOO DOMI KO A 5:21

N da a bai kunɛ a bia koe a, ko yama‑a gbasaya ɔ yian buɛ min dɔ saya ɔ, Yataa 'a koadia demanɛ a ta gbasaya wɛɛ ɔ, mmɔ ya‑a ka wan mɔ tandenɛ n na a chen kɔɔ. Chɛ‑a a ma wan, mmɔ‑a kuɔ fɔ fɔɛ ma sɔn, mmɔ 'a mansa Chisɔsi Chasi‑a min be.

1 TIMOTI 1:16

Chɛɛ Yataa chinchin‑da n ma, min mbe a ma, Chisɔsi Chasi ni kun a ɔ yian‑da mɔɛ n na, ɛ a faa bia buɛ min dɔ ko yama ma mɔɛ n na. A 'a tɔmɔsi ma‑a n fan na, n fan mansa chɛ, ko yama ma mɔɛ n ko a. A 'a tɔmɔsi ma‑a n na, mɔɛ chɛ n gbɛɛ tena, miin mbe an kai fa‑a Chasi a, kuɔ fɔ fɔɛ ko a.

1 TIMOTI 6:12

Butuinɛ chɛ i 'a danaya ko a Chisɔsi a, butuin chɛndɛ an nɛ. I che‑a wan kuɔ fɔ fɔɛ ma sɔn‑da. I sin‑na a fɔ wan den mɔ sɛsɛ ya kɔ, mbɛ i‑a i kai fa Chisɔsi Chasi a. Kuɔ fɔ fɔɛ chɛ bia i boo fea a.

1 TIMOTI 6:19

Ni an‑na chɛ ma, an mbe ma‑a ka nyanɛ an kuu chɛ‑a an fandi ko a, dunya nama chɛ ɔ min mbe na tena. Chɛ ɛ a ma‑a wan, an ni fɔɛ ma sɔn, min mu tea fɔɛ a.

TAITƆSI 3:7

Yataa‑a chɛ ma, min mbe a ma, a ni mmɔ sɔ chia ma kuɔ fɔ fɔɛ ma sɔn koe a. Koe min na mu, a 'a koadia demanɛ ɔ, a‑a mmɔ ya mmɔ tandenɛ n na a tena.

1 CHƆN 1:2

A wɛn tɔ mu ka Fɔɛ, a na‑a kɛn dunya chɛ ɔ, a ma na ni nun dɔ. Nn gbɛɛ, nn‑na a yen fan, nn sin mbe koe ɔ yian fan, a si a ma. Mbɛ nn‑na a wakoe ɔ yian wo a, a wɛn mu kuɔ fɔ Fɔɛ a. An fea ni mmɔ Fa Yataa a, a sin fan‑na a yian nn na.

1 CHƆN 2:25

A‑a mmɔ too ɔ dia chɛ an na, kuɔ fɔ fɔɛ.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.

CHUDA 1:21

Wo ma bɔ Yataa 'a koadia kɔɔ. Wo chinchimaya chɛ ma kɔn, mmɔ 'a mansa Chisɔsi Chasi ɛ min chɛ‑a, min mbe na‑a kuɔ fɔ fɔɛ a.