MATIU 18:8 - Yataa 'a Dɔbɛnɛ Nama

⁸ “A sin, ni i boo‑a i a dɛ ko yama ɔ, a tɛ a a, i ni a a dɛ. Ni i chenɛ wɛɛ‑a i a dɛ ko yama ɔ, a wɛɛ tɛ a a, i ni a a dɛ. Koe min na mu, tamban tɔɛ wɛɛ ɛ kuɔ fɔ fɔɛ ma sɔn‑da wan, ni a ma dɛ ni ko yama ɔ. Chɛɛ a ma nyin, i boo fea a kandenɛ ni ma, a basan i chen fea a, mbɛ i ta‑a ta ɔ, min mbe ee dufɛn kuɔ fɔ ko a.

MATIU 18:8 ပူးပေါင်းရင်းမြစ်များ

MATIU 17:27

Chɛɛ min mbe a ma, mɔɛ chɛ n faa ma na tɛ mɔ ma, i 'a duinɛ ya, i ni ta Kadidi yii wa chɛ da a, duin na dɛ tena. E nyɛ saa saa min bɔ‑a, a da a ka, e kɔpɔɛ yen‑da wan a da ɔ. A kɔpɔɛ chɛ ɛ kun fan, a ni mɔ fea ma pawa chɛ Yataa 'a kata chɛ ko a. A ya, i ni ta a a, i ni mɔ fea ma pawa chɛ a a.” Mbɛ Pita ta‑a, a‑a a ma yɔ Chisɔsi‑a a fɔ buɛ min dɔ a ye, a ma koe a.

MATIU 25:41

“Mbɛ n fan mansa chɛ, mɔɛ chɛ nu n manɛ ɔ, n mbe a fɔ‑a wan an ye, n dɔ, an ni ka n ya a. N dɔ, Yataa‑a an danka. N dɔ, an ni ta pan kuɔ fɔ ta man chɛ ɔ, Yataa‑a min dɔ bɛn Sitana ko a, nyina yama n kun ti, an bɛ a 'a nyina yama n na.

MATIU 25:46

A sin, Yataa ɛ mɔ bonda chɛ n na ta‑a wan kaina, an mbe ma‑a kaina mɔnɛ ɔ bia‑a kuɔ fɔ ko a. Chɛɛ mɔɛ tɔɛ chɛ nu, miin tanden mu Yataa tena, an mbe kuɔ fɔ fɔɛ ma sɔn‑da wan.”

DUKU 14:33

Chɛ an‑na a fɔ, wo dɔndɔ wɛɛ ee che ma‑a n fɛ denɛ a, mɔɔ ni a mɔɛ chɛ‑a a kan kɔ sɔ fen kɔ fen na, min mbe a boo ɔ.

DUKU 16:24

Mbɛ a‑a chee chɛ, a ɔ, ‘Fa Ebeami, n mbe nɛ tɔɔya wa an dɔ ta chɛ ɔ. Chinchin n ma, i ni Dasayɔsi sɔ n tena. A ni a boo ɛndenɛ don yii ɔ, a ni na, mbɛ a‑a a puin n da ɔ, min mbe a ma, n nɛnɛnɛ ma ni chima.’

GBOO DOMI KO A 13:12

Banda ɔ ka tena wan gbɛ, a ɔ ma yansan to tee bɔ‑a. A nyin fan mmɔ ni sɛmbɛ koe chɛ n ma koe a, pimbi ɔ ko yama chɛ nu. Mbɛ mmɔ‑a butuin chɛ feanka chɛ n ya, mmɔ ɛ butuinɛ chɛ‑a miin na tee a den.

KO Ɔ NUNDENƐ 14:10

A ɔ, “Yataa wɛɛ, ɛ a 'a faagbandia gbɛ be‑a wan an mɔɛ chɛ n gbɛɛ ma.” A ɔ, “An mbe a 'a faatɛ tɔmbua a faenɛ ɛ gban, an mbe a min‑da wan.” A ɔ, “An mɔɛ chɛ n mbe tɔɔya‑a wan, ta a, a basan sen gbandi ma yawaenɛ a yɔ ta.” A ɔ, “Chɛ ɛ ma‑a wan an na, sa tɔngbɔɛ ya kɔɔ, a basan a 'a maeka n gbɛɛ a.”

KO Ɔ NUNDENƐ 20:15

A sin, mɔ ɔ mɔ min tɔɛ nii ma bɔ ni gboo chɛ ɔ, mɔɛ miin‑na kuɔ fɔ fɔɛ ma sɔn, an tɔɛ ɛ gboo min dɔ, an mɔɛ chɛ a dɛ‑a wan ta man ba ɔ.

KO Ɔ NUNDENƐ 21:8

Chɛɛ mɔɛ chɛ n tana, an gbɛɛ, an baa ɛ ma‑a ta man ba chɛ an na, sen gbandima chɛ ɛ ka min dɔ. Mɔɛ chɛ nu, miin mbe chian sɔ koe a gban Chisɔsi ko a, miin mbe sɛmbɛ dan koe a Chisɔsi a, a basan chɛ n na, miin mbe ko yama sɛsɛ ma. A yɛ to, mɔ fa mɔɛ chɛ nu, ko yama tɛ mɔɛ nu, sua chɛ nu, miin mbe fenɛ n fai, miin ma Yataa a, an bɛ fania fɔ mɔɛ n gbɛɛ a. An mbe ma min chɛ‑a ta chɛ ɔ, an mu an 'na saya fean bɔɛ a, a dankama.”