Chisɔsi ɔ, “Chɛɛ n fɛ denɛ den tachɛen bɛɛ, miin kai faen mu n na, mɔ ɔ mɔ kan kɔ kan, i wɛn mbe an na dɛ‑a ko yama ɔ, i‑a ko yama ma. Ɛ nyan‑da wan i mɔɛ chɛ ko a, an ni sen kanɛ chii i kan na, mbɛ an‑na i a dɛ yii wa ɔ.
Mbɛ n fan mansa chɛ, n mbe a fɔ‑a wan, n dɔ, n ni a ma din an ye, mbɛ ni an na‑a koe chɛ n gbɛɛ chɛ wan n fɛ mɔɛ den tachɛen bɛɛ ye, baa ee miin ma an tɛ ɔ, n dɔ, an nii ma a chɛ ni ka an fan ye, an na‑a a chɛ ka n fan ye.
Mbɛ n fan mansa chɛ, n mbe a fɔ‑a wan, n dɔ, n ni a ma din an ye, mbɛ ni an ban‑da wan koe chɛ n chɛ koe a, n fɛ mɔɛ den tachɛen bɛɛ ye, mbɛ an ban‑da ka a chɛ koe a n fan ye.
Koe min na mu, mɔ ɔ mɔ min mbe a a tun‑da Yataa ɔ tisa koe a fen kɔ fen ko a, ɛ a be‑a wan an mɔɛ chɛ ma. Mɔ ɔ mɔ min mbe a a tun‑da a ya a kan‑da fenɛ a chɛndɛ chɛ, ɛ a yen‑da wan. Mɔ ɔ mɔ min mbe a a tun‑da chenɛ da tu koe a, Yataa ɛ a da a ka‑a wan a ye.
“Mɔ ɔ mɔ min mbe a boo si‑a den mɛsɛ bonda chɛ kɔɔ, a‑a a boo si ka n fan kɔɔ. A sin, mɔ ɔ mɔ min mbe a boo si‑a n kɔɔ, a‑a a boo si ka Yataa an kɔɔ, min‑na n sɔ.”
Ka n mbe chɛ ma din wo tena. Mbɛ ni mɔ ɔ mɔ‑a yii be wo ma, n tɔɛ ɔ, a ɔ koe min na mu, n fan kunka mansa, n fɛ mɔɛ mu wo a, a gbu an mbe a tɔnɔnɛ ma sɔn‑da.”
Mbɛ a‑a a fɔ an ye, a ɔ, “Ni mɔ ɔ mɔ‑a a boo si den den chɛ nyɔn sima kɔɔ n tɔɛ ɔ, a‑a a boo si ka n fan kɔɔ. A sin, ni mɔ ɔ mɔ‑a a boo si n kɔɔ, a‑a a boo si ka Yataa an kɔɔ, min‑na n na na. A mu min na, mɔ ɔ mɔ min mu mɔ dɔma a wo gbɛɛ wo tɛ ɔ, an mu mɔ chenama a.”
N mbe chɛ ma din wo tena, mbɛ mɔ ɔ mɔ min mbe a boo si‑a mɔɛ kɔɔ, n‑na miin sɔ, a‑a a boo si ka n fandi wɛɛ an kɔɔ. A sin, mɔ ɔ mɔ min mbe a boo a si‑a n kɔɔ, ɛ ma‑a ka a boo a si‑a Yataa an kɔɔ, min‑na n sɔ.”
A sin, n gboo ɔ yauaen ni boo ɔ boo, min ni kɔndɔfii a wo tena, wo nii ma n tinɔ ni, chɛ ma, wo ni wo boo bɔ n kɔɔ. Chɛɛ wo na‑a n bia wan, yɔ Yataa 'a maeka, yɔ Chisɔsi Chasi wɛɛ.