MATIU 18:4 - Yataa 'a Dɔbɛnɛ Nama

⁴ Mɔɛ min mbe ma‑a mɔ chenama a, mɔɛ chɛ n tɛ ɔ Yataa 'a mansaya kɔɔ, ɛ ma‑a mɔɛ an na, min mbe a wandi a yii‑a yɔ den mɛsɛ chɛ.

MATIU 18:4 ပူးပေါင်းရင်းမြစ်များ

MATIU 18:1

A tima chɛ a, Chisɔsi fɛ denɛ n na‑a wan a tena, an dɔ, “Nyɔn mbe ma‑a mɔ chenama a, mɔɛ chɛ n tɛ ɔ, miin mbe Yataa 'a mansaya kɔɔ?”

MATIU 18:3

Mbɛ Chisɔsi ɔ, “N ni a ma din wo tena, ni wo ma wo sɔnɛ mun ni, wo ni ma yɔ den mɛsɛ nu, wo ee don‑da Yataa 'a mansaya kɔɔ.

MATIU 18:5

A sin, ni mɔ ɔ mɔ‑a a boo si den den chɛ nyɔn sima kɔɔ n tɔɛ ɔ, a‑a a boo si ka n fan kɔɔ.”

MAKI 10:43

Chɛɛ a ee ka wo tɛ ɔ. Ni wo dɔndɔ wɛɛ toen mu, a ni ma mɔ chenama a wo tɛ, an mɔɛ chɛ ni a wandi ma bɔi denɛ a, wo gbɛɛ ko a.

MAKI 9:34

Chɛɛ an‑na a ɔ maun fan don. Koe min na mu, an na‑a chia ɔ bɔɛ chɛ wan, mɔ chenama wa koe ma an tɛ ɔ.

DUKU 14:11

Koe min na mu, ni mɔ ɔ mɔ‑a a wandi a sɛ, Yataa ɛ a mɔɛ chɛ a yii‑a wan. Chɛɛ ni mɔ ɔ mɔ‑a a wandi a yii, Yataa ɛ a mɔɛ chɛ a sɛ‑a wan.”

DUKU 9:48

Mbɛ a‑a a fɔ an ye, a ɔ, “Ni mɔ ɔ mɔ‑a a boo si den den chɛ nyɔn sima kɔɔ n tɔɛ ɔ, a‑a a boo si ka n fan kɔɔ. A sin, ni mɔ ɔ mɔ‑a a boo si n kɔɔ, a‑a a boo si ka Yataa an kɔɔ, min‑na n na na. A mu min na, mɔ ɔ mɔ min mu mɔ dɔma a wo gbɛɛ wo tɛ ɔ, an mu mɔ chenama a.”

CHIMISI 4:10

Wo kooya be Mansa Yataa chen kɔɔ, mbɛ a‑a wo a sɛ.

1 PITA 5:5

Wo wan mɔ tɔngbɔɛ n nan sin, a chia dɔndɔ gbe chɛ a, a nyin wo ni kooya be chenanɛ n ma. Wo ma dɔpandaya bɔ, wo e ma wai chɛ‑a wo nyɔn ye. Koe min na mu, Yataa 'a gboo‑a a fɔ wan, a ɔ, “Yataa ma to ni dɔpanda tɔɛ n na, chɛɛ ɛ koadia demanɛ chɛ‑a wan chɛ n na, miin dɔ ma panda ni.”