MATIU 18:19 - Yataa 'a Dɔbɛnɛ Nama

¹⁹ “N ni a ma din to wo tena. Ni wo mɔ fea gbe wɛɛ dɔn‑da nɛ dunya chɛ ɔ ko dɔndɔɛ ma koe a, mbɛ wo‑a Fa Yataa ɔ tisa an koe chɛ ko a, ɛ a ma‑a wan wo ye.

MATIU 18:19 ပူးပေါင်းရင်းမြစ်များ

MATIU 21:22

Ni danaya ma‑a wo ɔ Yataa ko a, ɛ ko ɔ ko chɛ‑a wan wo ye, wo e samunɛ chɛ‑a min ko a.”

MATIU 5:24

i 'a yasi chɛ to nɔ, yasi minda gbengbe chɛ ya kɔɔ. Mbɛ i ta‑a a ya kɔɔɛ a, mbɛ i‑a a ma wo tɛ bai sa‑a, wo fea i suun ma nyɔɛ chɛ a. E yɛ‑a wan gbɛ, i ni i 'a yasi chɛ bɔ Yataa tena.

MATIU 7:7

Chisɔsi ɔ, “Wo a a tun Yataa ɔ tisa koe a fen kɔ fen ko a, ɛ a be‑a wan wo ma. Wo a a tun wo ya a kan koe a chɛndɛ chɛ, wo e min yan tena, wo e a yen‑da wan. Wo a a tun chenɛ da tu koe a, Yataa ɛ a da a ka‑a wan wo ye.

MAKI 11:24

Chɛ an fɛ mu, n ni a ma din wo tena, mbɛ ni wo‑a samunɛ chɛ fen fen ko a, wo kai faenɛ ɛ Yataa a, wo dan dechee a a, mbɛ wo‑a a ma sɔn fan.

CHƆN 15:16

Wo wan ma n ya ni, ma koe a wo kan mɔ a, chɛɛ n fan‑na wo ya, ma koe a n fɛ mɔɛ n na. N fan‑na wo ya, mbɛ n‑na wai be wo ma, wo ni ta, wo chɛ chɛ wai ni koa. Wo chɛ chɛ wai chɛ n sin, an ni ma kuɔ fɔ wai n na. Ni wo‑a chɛ ma, Fa ɛ fen kɔ fen be‑a wan wo ma, wo e a ɔ tisa‑a min ko a, n tɔɛ ɔ.

CHƆN 15:7

Ni mmɔ bɛ ma‑a mɔ dɔndɔya ɔ, mbɛ wo‑a n 'na bai n sa wo yii ma gban, ɛ nyan‑da wan. Fen kɔ fen, wo toen mu min na, mbɛ wo‑a Fa Yataa ɔ tisa a ko a, ɛ a be‑a wan wo ma.

CHƆN 16:23

“Ni an tee chɛ che‑a, wo ee n dɔ tisa‑a to a si ko ɔ ko ma. Ka n mbe chɛ ma din wo tena, mbɛ ni wo‑a Fa ɔ tisa fen kɔ fen ko a, n tɔɛ ɔ, ɛ a be‑a wan wo ma.

CHISƆSI 'A SƆ MƆƐ NU 1:14

An gbɛɛ ni wan kuiɛ dɔndɔya ɔ, samunɛ chɛ koe a tima ɔ tima ko a. An bɛ an ni ma musu chɛ n na, miin na‑a ta Chisɔsi san‑da. Chisɔsi de Mɛi wɛɛ, a ni ma wan nɔ, ni Chisɔsi suun ma nyɔɛ kaima nu.

CHISƆSI 'A SƆ MƆƐ NU 12:5

Mbɛ an‑na Pita ma gban pimbi chenɛ a. Chɛɛ a tima chɛ a, chɔchi mɔɛ chɛ n ni wan Yataa fai‑a a ko a, an faa gbɛɛ a.

CHISƆSI 'A SƆ MƆƐ NU 16:10

Pɔɔ ban‑da kɛn dechee an koe chɛ ɔ yen‑da, a ya kɔɔɛ a, a wan Pɔɔ ni ma, ni nn fan, nn bun‑da nn ma bɛn‑da, ta koe a Masidonia chɛnyɛ ɔ. Koe min na mu, nn‑na nn yii na chii wan, mbɛ Yataa an‑na nn chee ka, ta koe a nɔ. Chɛ ni a ma, nn ni sakana bai chɛndɛ chɛ ɔ yian nɔ mɔɛ n na, a si Chisɔsi ma.

CHISƆSI 'A SƆ MƆƐ NU 6:4

Mbɛ nn tana sin, nn ma gbɔsɔɛ ɛ ma‑a dechee samun chɛ an na, ni Yataa 'a bai sa koe a.”

Gboo Fiipai Ko A 1:19

Koe min na mu, wo e samunɛ min chɛ n ko a, ɛ a ma‑a wan, n kunɛ ni bɔ a ɔ. A sin to, Chisɔsi Chasi Nyina wɛɛ, ɛ deman chɛ chɛ‑a wan n na.

1 CHƆN 3:22

A sin, mmɔ ɛ fen kɔ fen sɔn‑da wan, mmɔ ɛ min dɔ tisa‑a a ma. Koe min na mu, mmɔ ɛ a da a kuiɛ ma, a sin, mmɔ ɛ a faa ma koe ma.