MATIU 18:10 - Yataa 'a Dɔbɛnɛ Nama

^10-11 Chisɔsi ɔ te to, “Wo wo kun ma fɛn. Wo ma wo ya a yii n fɛ denɛ den tachɛen bɛɛ ma. N ni a ma din wo tena, mbɛ maeka n mbe wan an boo ɔ banda bu ɔ, tɛɛ ee miin tɛ an bɛ Fa Yataa a.

MATIU 18:10 ပူးပေါင်းရင်းမြစ်များ

MATIU 1:20

Chɛɛ ɛ kɛn an yiinachii chɛ ɔ, a yen ko, Mansa Yataa 'a maeka na‑a a tena cho ɔ. Mbɛ a ɔ, “Chosɛfi, Mansa Defidi 'a dambi ɔ nyɔɛ, i ma sika Mɛi si koe a i 'a musu a. Koe min na mu, a‑a bu min ya ka, Yataa Nyina an‑na a be a ma.

MATIU 12:20

A ee a faa a kɔɔ‑a chɛ n ma, miin gboo ɔ faen mu. Ɛ toa si‑a wan chɛ n kɔɔ, miin fanka an fandi ma. Ɛ a ma‑a wan aan tea ni ma tea,

MATIU 18:14

A chia dɔndɔ gbe chɛ a mu, Fa Yataa wɛɛ, min mbe banda bu ɔ, a ma to ni n fɛ denɛ den tachɛen bɛɛ ni fo kuɔ fɔ fɔɛ a.”

MATIU 18:6

Chisɔsi ɔ, “Chɛɛ n fɛ denɛ den tachɛen bɛɛ, miin kai faen mu n na, mɔ ɔ mɔ kan kɔ kan, i wɛn mbe an na dɛ‑a ko yama ɔ, i‑a ko yama ma. Ɛ nyan‑da wan i mɔɛ chɛ ko a, an ni sen kanɛ chii i kan na, mbɛ an‑na i a dɛ yii wa ɔ.

MATIU 2:13

Yiimatɛ tɔɛ chɛ n taenɛ gbakɔ, Mansa Yataa 'a maeka na‑a Chosɛfi tena cho ɔ. Mbɛ a ɔ, “Chosɛfi, i a sɔ, i ni den chɛ ya, an fea a de a, i ni i nun a ta Ichipi chɛnyɛ ɔ. Wo ma na, aan ni tima min na, n mbe a fɔ‑a i ye, na koe a. Koe min na mu, Mansa Ɛdɔdi ɛ na tena wan a ya a kan‑da den chɛ a, a ni a kasaa.”

MATIU 2:19

Mbɛ Mansa Ɛdɔdi fa‑a. A faenɛ gbakɔ, mbɛ Mansa Yataa 'a maeka na‑a Chosɛfi tena cho ɔ Ichipi chɛnyɛ ɔ.

MATIU 24:31

Ni buu fɛ‑a gbankon, n mbe n 'na maeka n na ta‑a wan dunya gbɛɛ ɔ, an ni mɔɛ chɛ n na sɔn sɔn, n‑na n boo sɔ miin ma, ma koe a n 'na mɔɛ n na.”

DUKU 1:19

Mbɛ maeka chɛ ɔ, “N fan mu Chebɛɛ a. Yataa baima sɔ mɔɛ mu n fan na, a 'a wai chɛ koe a. A sin, a wan‑na n sɔ koɔ koe a i tena, a 'a sakana bai chɛndɛ chɛ a ben koe a.

DUKU 10:16

Mbɛ Chisɔsi‑a a fɔ a fɛ denɛ n ye, a ɔ, “Ni mɔ ɔ mɔ‑a a too ma sɔ wo ma, a‑a a too ma sɔ ka n fan ma. Ni mɔ ɔ mɔ ban‑da wo ɔ, a ban‑da ka n fan dɔ. Chɛɛ a sin mɔɛ min mbe ban‑da n dɔ, a ban‑da ka Yataa an dɔ, min‑na n na na.”

DUKU 16:22

“Tima che‑a wan, mbɛ yɔn tɔɛ chɛ fa‑a, mbɛ maeka n ta‑a a a, an‑na a si kai Ebeami baima, banda bu ɔ. Mbɛ chɛ gbakɔ, nyan tɔɛ chɛ wɛɛ fa‑a, mbɛ an‑na a tɔn,

CHISƆSI 'A SƆ MƆƐ NU 10:3

Tee kɔ kai ma ni, tee dɔndɔ a, mbɛ Kɔniyɔsi‑a koe ɔ yen, yɔ a ni cho ɔ wan. A‑a maeka yen fan pɛnɛnɛ a wandi ya a, a na‑a a tena, mbɛ a‑a a fɔ a ye, a ɔ, “Kɔniyɔsi!”

CHISƆSI 'A SƆ MƆƐ NU 12:15

Mbɛ mɔɛ chɛ n‑na a fɔ a ye, an dɔ, “I wooen fan mu.” Chɛɛ yɔn musu chɛ chii‑a wan a ma, mbɛ tea mu. Mbɛ an‑na a fɔ a ye, an dɔ, mbɛ Pita 'a maeka an nɛ.

CHISƆSI 'A SƆ MƆƐ NU 12:23

A ya kɔɔɛ a, Mansa Yataa 'a maeka‑a a boo yii wan Mansa Ɛdɔdi a. Koe min na mu, a nii ma basɔmaya be ni Yataa ma. A sin, tɔnɛnɛ n fan‑na a daun, mbɛ a fa‑a.

CHISƆSI 'A SƆ MƆƐ NU 27:23

Koe min na mu, kunun yɛɛ ma, Yataa min ta mu n na, a yɛ to, n mbe min fai, a 'a maeka ni wan sɔ ɔ n baima,

CHISƆSI 'A SƆ MƆƐ NU 5:19

Chɛɛ a yɛɛ chɛ ma, Mansa Yataa 'a maeka na‑a wan, mbɛ a‑a pimbi chen chɛ da gbɛɛ a ka gbasi. Mbɛ a‑a a ma, Chisɔsi 'a sɔ mɔɛ chɛ n bɔ‑a pimbi chen chɛ a. Mbɛ a‑a a fɔ an ye, a ɔ,

GBOO DOMI KO A 14:10

Wo dɔ nu, wo ma kaa a tɛ, wo bɔ Chisianɛ n ma, ko yama ma koe a. A sin to, wo dɔ n bɛɛ, wo ma wo kunɛ dɛn wo bɔ Chisianɛ n kun ma. Koe min na mu, mmɔ gbɛɛ, mmɔ ɛ sɔ‑a wan Yataa chen kɔɔ tee dankama tee ma, a ni kaa a tɛ mmɔ wakoe ma.

GBOO DOMI KO A 14:21

A nyin wo ni dasi chɛ n na min, ni an fan mbe a ma, wo ee mɔ dɔ mende n ka‑a Yataa 'a chia ma. Wo ma soe daun, a sin wo ma gbɛ min. A yɛ to, wo ma ko yama kan kɔ kan ma, min mbe a ma, wo bɔ Chisianɛ n bɛɛ ni ka Yataa 'a chia ma.

GBOO DOMI KO A 15:1

Mmɔ gbɛɛ, mmɔ wɛn 'na danaya Yataa a, a ɔ gbɛ gbechen, mmɔ faa ma gbaa dechee mmɔ wandi an deman koe a. Chɛɛ mmɔ mɔɛ chɛ n deman, miin 'na Chisian danaya ɔ ma gbɛ.

GBOO SAA KƆYINDI KO A 11:22

Gba! Chenɛ n mbe wan wo boo ɔ, wo e daunɛ chɛ kaina min, wo e fenɛ n min nɔ. Chɛ ma, wo ma wo yii dɛn Yataa 'a chɔchi kun ma. Wo ma mɔɛ chɛ n na mau, fen mbe ee miin boo ɔ. N ma a ɔ sɔn, n mbe fen fɔ wo ye, a si chɛ ma. Wo toen mu, n ni wo tando wan. Chɛɛ n mbe ee che wo tando‑a chɛ ko a, ɛnden bɛɛ a.

GBOO SAA KƆYINDI KO A 16:11

Chɛ ko a, wo ma dɔn mɔ ɔ mɔ wo tɛ ɔ, a ni baa bɔ a ma. Chɛɛ wo ni basan a ma, a ni a 'a tachɛ a tun a ma, faachima ɔ. Chɛ ɛ a ma‑a wan, a ni yɛ to nɛ, n tena. Koe min na mu, n mbe ma tena wan, a ya ɔ fɛn‑da nɛ, an bɛ mmɔ suun ma nyɔɛ chɛ n na Chasi ɔ.

GBOO SAA KƆYINDI KO A 9:22

Ni n ma‑a wai chɛ‑a mɔɛ chɛ n tɛ ɔ, miin 'na danaya ɔ ma gbɛ, Chisɔsi a, n bɛɛ, n mbe a ma wan yɔ n ta wɛɛ ɔ ma gbɛ. N mbe chɛ ma, n ni an ma sawan Chasi tena. Chɛ ɛ a ɔ yian, mbɛ n mbe mun fan mɔ kan kɔ kan na, mɔɛ kan kɔ kan tena. N mbe chɛ ma, an dɔ n baun koe an na, chia ɔ chia a.

GBOO FEAN BƆƐ KƆYINDI KO A 10:1

N fan Pɔɔ, n fan mbe ka wo disa tena. N fɛn mu ka, an dɔ, n ma chimaen mu, n mbe ma wo baima, n sin mbe wo bia wan chinchincha a. An dɔ, chɛɛ ni n ka‑a wo baima, n mbe wo bia wan faaakɔɔɛ a. N mbe wo disa tena, machimaya ɔ, a basan chinchincha a, Chasi ni min yian.

GBOO FEAN BƆƐ KƆYINDI KO A 10:10

Mɔɛ n mbe a fɔ wan, an dɔ, “Pɔɔ ɛ bai miin nyɛn a 'a gboo n dɔ, an kɔɔ fanka wan, dimaya wɛɛ an dɔ. Chɛɛ,” an dɔ, “ni a ma‑a mmɔ tɛ ɔ, a ma chimaen mu, baa wɛɛ ee a da a kuiɛ ma.”

Gboo Kadesia Ko A 6:1

N suun ma nyɔɛ nu Chasi ɔ, wo e a ɔ yen‑da wan, mbɛ mɔɛ ɛ wo tɛ ɔ, ko yama kun‑da min ma. Yataa Nyina ɛ wo wɛn sɔ tena wɛ chia chɛndɛ ma, wo tima ya, wo ni an mɔɛ chɛ sɔ chia chɛ ma. Wo wandi gbu wɛɛ, wo wo kun ma fɛn, wo yiima ma na mun, a ka an chia ma.

Gboo Saa Tɛsadonika Ko A 4:8

Chɛ an‑na a fɔ, mɔ ɔ mɔ min mbe ban‑da kan chɛ ɔ, a ee ma‑a ka ban‑da mɔ gbu an dɔ. Chɛɛ ɛ ma‑a ka a kan kɔ sɔ‑a Yataa an na, min‑na a Nyina bea wo fɛ.

1 TIMOTI 4:12

I ma a ma mɔ ɔ mɔ ni a yii dɛn i ta kun ma, i kamin tɔngbɔya koe a. Chɛɛ ma tɔmɔsi a an ko a chia sɛsɛ a, i da a bai basan i sɔnɛ ɔ, koadia ɔ, danaya ɔ Chisɔsi a, a sin ma bɔ ee i sɔnɛ ma.

GBOO IBU MƆƐ N KO A 1:14

Chɛɛ maeka chɛ n tana, Yataa‑a an sɔ, an ni na wai chɛ a ko a dunya ɔ. An ni basan mɔɛ chɛ n ma, miin mbe na‑a bauncha ma sɔn‑da.

GBOO IBU MƆƐ N KO A 9:24

Koe min na mu, Chasi don‑da banda bu ɔ wan. A nii ma don ni kaina chɛ wan, Yataa ɛ fai kaina, mɔɛ n‑na min nyan. A don‑da gbɛ banda bu ɔ, ma koe an na, Yataa chen kɔɔ, mmɔ ko a.

KO Ɔ NUNDENƐ 8:2

Mbɛ n‑na maeka wɔnfea n yen, miin mbe ma Yataa baima, wai chɛ koe a. An‑na buu wɔnfea an be wan an ma.