MATIU 17:3 - Yataa 'a Dɔbɛnɛ Nama

³ Mbɛ a ya kɔɔɛ a, an‑na Mosisi yen, an fea Idaicha a, an mbe chia ɔ bɔɛ chɛ‑a an bɛ Chisɔsi a.

MATIU 17:3 ပူးပေါင်းရင်းမြစ်များ

MATIU 17:2

An ya to‑a wan Chisɔsi a, mbɛ a ya kɔɔɛ bun‑da man‑da yɔ tee, mbɛ a ma doma gbɛ‑a fo fo, ɛ ta‑a man‑da taun a ben doma kan kɔ kan ma. Chisɔsi ma fan‑da ka wan.

MATIU 17:4

Mbɛ Pita‑a a fɔ Chisɔsi ye, a ɔ, “Mansa, a nyan‑da wan mmɔ ɛ nɛ chɛ. Ni i toen fan mu a a, n mbe ku dɔndɔ dɔndɔ bun‑da wan nɛ wo sawa chɛ ko a. Dɔndɔ i ko a, dɔndɔ kai Mosisi ko a, a sawan bɔɛ kai Idaicha ko a.”

MAKI 9:4

Mbɛ Mosisi an fea Idaicha a, an bɔ‑a fɛ den sawa chɛ n ya a, an mbe chia ɔ bɔɛ chɛ‑a, an bɛ Chisɔsi a.

DUKU 1:17

Yataa Nyina ɛ gbasaya be‑a wan a ma, yɔ a‑a a be buɛ min dɔ Idaicha ma, min ni a 'a gbonka chɛ mɔɛ a suun. Ɛ na‑a wan Mansa Yataa ya ɔ, mɔ sɛsɛ n sɔ koe a chia ma. Ɛ a ma‑a wan, denɛ n ni na kuiɛ a kanɛ ɔ, an bɛ an fa n na. Ɛ a ma‑a wan to, tooɔgbɛa tɔɛ n bɛɛ ni bea tea fɛ, yɔ mɔ tandenɛ nu.”

DUKU 16:16

“Yataa‑a sawa miin be Mosisi ma, a basan da a bai chɛ n na, Yataa 'a gbonka chɛ mɔɛ chɛ n‑na miin nyɛn, an ni wan nɔ gbau gbau a. Mɔɛ n ni wan an kɔɔ aan Chɔn na‑a tima min na, min ni yii chɛ mɔɛ n kunɛ ɔ, Yataa chia a. A ka gbɛ a tima chɛ ma, sakana bai chɛndɛ a si Yataa 'a mansaya ma, an mbe gbɛ fɔ tena mɔɛ n ye, mbɛ a sin, mɔ ɔ mɔ ɛ gbɛ butuinɛ an chɛ tena don koe a an mansaya chɛ kɔɔ.

DUKU 24:27

Mbɛ a‑a a ɔ yian an na, koe miin nyɛnden ni a si a ma Yataa 'a gboo gbɛɛ ɔ. A‑a a kuu sɔ chɛ an ma, Mosisi‑a miin nyɛn, a ta Yataa 'a gbonka chɛ mɔɛ n gbɛɛ‑a miin nyɛn.

DUKU 24:44

Mbɛ a ɔ, “Tima min na mmɔ bɛ ni, n na‑a a fɔ wan wo ye, mbɛ koe miin gbɛɛ nyɛndenɛ ɛ a si n ma, mbɛ an gbɛɛ ɛ bɔ‑a wan a a. Mbɛ ko ɔ ko sawa chɛ ɔ, Yataa‑a min be Mosisi ma, an bɛ Yataa 'a gbonka chɛ mɔɛ tɔɛ n na, a basan Yataa tando si gboo a, an gbɛɛ ɛ bɔ‑a wan a a.”

DUKU 9:33

Mosisi an fea Idaicha a, an ni gbɛ Chisɔsi to an na, an mbe ta‑a. Mbɛ Pita‑a a fɔ, a ɔ, “Kan mɔ, a nyan‑da wan mmɔ ɛ nɛ chɛ. Ka nn mbe ku sawa bun. Ku dɔndɔ i ko a, dɔndɔ kai Mosisi ko a, mbɛ dɔndɔɛ ma‑a kai Idaicha ko a.” Chɛɛ Pita gbu nii ma a ɔ sɔn ni, a ni ka fen fɔ tena.

CHƆN 1:17

Yataa na‑a a 'a sawa n na ben Mosisi an na, chɛɛ koadia chinchimaya tana, a basan danaya a, mmɔ‑a an ma sɔn Chisɔsi Chasi an na.