MATIU 17:22 - Yataa 'a Dɔbɛnɛ Nama

²² Tima dɔndɔ a, Chisɔsi fɛ denɛ n gbɛɛ a kan‑da wan a ma Kadidi chɛnyɛ ɔ, mbɛ a ɔ, “N fan, Mɔ Gbu 'a Denɛ, an mbe na tena wan n ma tachɛ‑a, mɔɛ n ma.

MATIU 17:22 ပူးပေါင်းရင်းမြစ်များ

MATIU 16:21

A ka gbɛ an tima chɛ ma, Chisɔsi‑a a kuu sɔ wan a ɔ yian‑da a fɛ denɛ n na, mbɛ Yataa ta tima ɛ na tena wan che‑a a ta koe a Chuusaɛn duu ɔ. A ɔ, a sin nɔ mu mɔɛ n mbe an kun puin‑da a ma. A ɔ, nɔ chɛnyɛ gbakoo n ni ma, ni nɔ Chu n tɛ mɔɛ nu Yataa a, an 'na mansa nu, an bɛ Chu n 'na sawa kan mɔɛ n na, an mbe a bia‑a wan. A ɔ, mbɛ an‑na a a tɔɔya, mbɛ an yɛ‑a, an‑na a be a fa mɔɛ n ma. A ɔ, chɛɛ ni an‑na a fa, an ni a tɔn, a ɔ, tee fea a sawan bɔɛ ma, Yataa ɛ a kɔɔ sɔ‑a wan a ka saya ɔ.

MATIU 16:28

N ni a ma din wo tena, mbɛ mɔɛ dɔ nu nɛ sɔ ɔ sanche, an mbe ma‑a wan fɔɛ ɔ aan an ni chɛ ɔ yen. An mbe a ɔ yen‑da wan n fan, Mɔ Gbu 'a Denɛ, n mbe na‑a tima min na n 'na mansaya ɔ.”

MATIU 17:12

Chɛɛ n ni a ma din wo tena, mbɛ Idaicha gbu na‑a na wan. Chɛɛ mɔ ɔ mɔ nii ma a sɔn ni, ni an mu Idaicha a. An sin na‑a wai min si a a, a nii ma dɔɔ. N fandi gbu wɛɛ, an mbe a ma‑a wan, n ni mɔnɛ ɔ bia, n fan, Mɔ Gbu 'a Denɛ.”

MATIU 17:23

An mbe n fa‑a wan, chɛɛ tee fea ni a sawan bɔɛ gbakɔ, n mbe n kɔɔ sɔ‑a wan a ka saya ɔ.” A‑a bai chɛ fɔ kɛn, a fɛ denɛ n faa yɔn‑da wan kaka.

MATIU 17:9

Mbɛ an‑na a kuu sɔ kɔnkɔɛ yii‑a. An mbe yii tena kɔnkɔɛ chɛ an na, mbɛ Chisɔsi‑a a fɔ, a ɔ, “Wo‑a koe min dɔ yen ka, wo ma a ɔ yian mɔ dɔ mende kan kɔ kan na. Wo a sa wo yii ma, aan n 'na tee ni che, tee min ma, Yataa ɛ n na sɔ‑a a ka saya ɔ, n fan, Mɔ Gbu 'a Denɛ.”

MATIU 24:10

N fɛ mɔɛ n sɛsɛ mbe ka‑a wan n fɛ a tima chɛ a. An mbe too‑a wan an nyɔn na, mbɛ an‑na an nyɔn ma tachɛ ya ɔ sɔɛ n ma.

MATIU 26:16

A ka gbɛ a tee chɛ ma, Chudasi ni wan gbɛ chia yan‑da, ɛ kun buɛ min dɔ a ni Chisɔsi ma tachɛ mɔɛ chɛ n ma.

MATIU 26:46

Wo wo a sɔ, mmɔ ni bun ta‑a. Wo wo ya a ta pan. Mɔɛ min mbe n ma tachɛ tena, a yen ko na‑a.”

MAKI 8:31

Mbɛ Chisɔsi‑a a kuu sɔ a fɛ denɛ n kan‑da, a ɔ, “N fan, Mɔ Gbu 'a Denɛ, n mbe tɔɔ‑a wan kaka. Mmɔ 'a chɛnyɛ gbakoo nu, an bɛ mɔɛ miin mbe Chu n tɛ ɔ Yataa a, an 'na mansa n na, an mbe an kan kɔ sɔ‑a wan n na. Mmɔ 'a sawa kan mɔɛ n bɛɛ, an mbe toa si‑a wan an kɔɔ. N mbe fa‑a wan mɔ boo ɔ. Chɛɛ n mbe n kɔɔ sɔ‑a wan a ka saya ɔ, tee fea a sawan bɔɛ ma.”

DUKU 24:26

A ma biaen fan ni kunka mansa ko a, a ni mɔnɛ ɔ bia. Chɛ an ni ma, Yataa e na to a kɔɔ sɔ‑a saya ɔ, a ni a sɛmbɛn banda bu ɔ.”

DUKU 24:46

Mbɛ a ɔ, “Chɛ an nyɛnden mu Yataa 'a gboo ɔ. Mbɛ n fan, kunka mansa, mbɛ n mbe tɔɔya ɔ bia‑a pɛn, mbɛ n‑na n kɔɔ sɔ gbɛ a ka saya ɔ, tee fea a sawan bɔɛ ma.

DUKU 9:22

Chisɔsi yɛ‑a wan to, mbɛ a‑a a fɔ an ye, a ɔ, “N fan, Mɔ Gbu 'a Denɛ, n mbe tɔɔ‑a wan kaka. Mmɔ 'a chɛnyɛ gbakoo nu, an bɛ mɔɛ miin mbe Chu n tɛ ɔ Yataa a, an 'na mansa n na, an mbe an kan kɔ sɔ‑a wan n na. Mmɔ 'a sawa kan mɔɛ n bɛɛ‑a toa si wan an kɔɔ. N mbe fa‑a wan mɔ boo ɔ. Chɛɛ n mbe n kɔɔ sɔ‑a wan a ka saya ɔ, tee fea a sawan bɔɛ ma.”

DUKU 9:43

Mɔɛ miin gbɛɛ ni ka nɔ, an da a fa‑a wan, a si Yataa 'a gbasaya ko wa chɛ ma. Mɔɛ chɛ n to‑a da ɔ gbaa chɛ an dɔ, a si koe chɛ n gbɛɛ ma, Chisɔsi ni miin ma tena, mbɛ a‑a a fɔ a fɛ denɛ n ye, a ɔ,

CHISƆSI 'A SƆ MƆƐ NU 7:52

Yataa 'a gbonka chɛ mɔ kan kɔ kan nii nɔ, ni wo bemba n ta bemba n ma ko ma gbaaenɛ sa ni min ma. An‑na Yataa 'a gbonka chɛ mɔɛ chɛ n fa wan, miin na‑a a gbonka suun, a si Yataa 'a wai chɛ mɔɛ ma. Mbɛ an wai chɛ mɔɛ chɛ, min tanden mu a chen kɔɔ, ɛ na‑a wan. Chɛɛ wo gbu‑a a ma tachɛ gbɛ, mbɛ wo‑a a fa.

GBOO SAA KƆYINDI KO A 11:23

Koe min na mu, n bɛɛ n‑na min na ben wo tena, n‑na a ma sɔn Mansa Chisɔsi an na. An na‑a a ma tachɛ ka yɛɛ min ma, a‑a biidi gbugbu ya wan.