MATIU 17:12 - Yataa 'a Dɔbɛnɛ Nama

¹² Chɛɛ n ni a ma din wo tena, mbɛ Idaicha gbu na‑a na wan. Chɛɛ mɔ ɔ mɔ nii ma a sɔn ni, ni an mu Idaicha a. An sin na‑a wai min si a a, a nii ma dɔɔ. N fandi gbu wɛɛ, an mbe a ma‑a wan, n ni mɔnɛ ɔ bia, n fan, Mɔ Gbu 'a Denɛ.”

MATIU 17:12 ပူးပေါင်းရင်းမြစ်များ

MATIU 11:2

A tima chɛ a, Chɔn min ni yii chɛ mɔɛ n kunɛ ɔ, Yataa chia a, a ni wan pimbi chenɛ a. Chɛɛ a‑a Chisɔsi Chasi ma tɔɛ a min kɛn, a‑a a fɛ denɛ dɔ n na ta wan Chisɔsi tena, min mbe a ma, an ni a wakoe ɔ gbɛ.

MATIU 16:21

A ka gbɛ an tima chɛ ma, Chisɔsi‑a a kuu sɔ wan a ɔ yian‑da a fɛ denɛ n na, mbɛ Yataa ta tima ɛ na tena wan che‑a a ta koe a Chuusaɛn duu ɔ. A ɔ, a sin nɔ mu mɔɛ n mbe an kun puin‑da a ma. A ɔ, nɔ chɛnyɛ gbakoo n ni ma, ni nɔ Chu n tɛ mɔɛ nu Yataa a, an 'na mansa nu, an bɛ Chu n 'na sawa kan mɔɛ n na, an mbe a bia‑a wan. A ɔ, mbɛ an‑na a a tɔɔya, mbɛ an yɛ‑a, an‑na a be a fa mɔɛ n ma. A ɔ, chɛɛ ni an‑na a fa, an ni a tɔn, a ɔ, tee fea a sawan bɔɛ ma, Yataa ɛ a kɔɔ sɔ‑a wan a ka saya ɔ.

MATIU 17:11

Mbɛ Chisɔsi ɔ, “Tea gbu mu, Idaicha an mu ya ɔ sɔɛ a. An mbe ko ɔ ko sɔ a chia ma kunka mansa ya ɔ.

MATIU 17:13

Mbɛ an na‑a a ɔ gbɛ wan gbɛ, mbɛ Chisɔsi ni bai min sa tena a sien ni Chɔn fan ma, min ni yii chɛ mɔɛ n kunɛ ɔ, Yataa chia a.

MATIU 17:22

Tima dɔndɔ a, Chisɔsi fɛ denɛ n gbɛɛ a kan‑da wan a ma Kadidi chɛnyɛ ɔ, mbɛ a ɔ, “N fan, Mɔ Gbu 'a Denɛ, an mbe na tena wan n ma tachɛ‑a, mɔɛ n ma.

MATIU 17:9

Mbɛ an‑na a kuu sɔ kɔnkɔɛ yii‑a. An mbe yii tena kɔnkɔɛ chɛ an na, mbɛ Chisɔsi‑a a fɔ, a ɔ, “Wo‑a koe min dɔ yen ka, wo ma a ɔ yian mɔ dɔ mende kan kɔ kan na. Wo a sa wo yii ma, aan n 'na tee ni che, tee min ma, Yataa ɛ n na sɔ‑a a ka saya ɔ, n fan, Mɔ Gbu 'a Denɛ.”

MATIU 21:32

A mu min na, Chɔn na‑a wan, mbɛ a‑a a ɔ yian Chu mɔɛ n gbɛɛ a, Yataa toen mu a ni wo sɔ buɛ min dɔ chia ma dunya chɛ ɔ. Chɛɛ wo ma dan ni a a. Mɔɛ miin dan‑da a 'a sakana bai a, an fan nɛ pawa bia mɔɛ chɛ n na, an bɛ duu dia chɛ n na. Wo‑a chɛ ɔ yen bɛɛ, chɛ gbɛɛ ɔ, wo ma wo yiima mun ni, wo ni dan sakana bai chɛ a, a‑a min fɔ wo ye.”

MATIU 8:20

Mbɛ Chisɔsi ɔ, “Sonɛ n mbe fia ɔ, soe n boo ɔ, a sin konde n bɛɛ nyanɛ n mbe. Chɛɛ kaina kan kɔ kan mbe ee n boo ɔ, n fan, Mɔ Gbu 'a Denɛ, n mbe n gbɛnku kaina n ni n suin.”

DUKU 7:33

Chɛ tɛen mu min ma, Chɔn min ni yii chɛ mɔɛ n kunɛ ɔ, Yataa chia a, a na‑a wan. A yɛ to, a ni sunɛ bia wan, a sin nii gbɛ min. Wo ɔ te, ɛ dama. Wo ɔ, nyina yama an mbe a fɛ.

CHƆN 1:11

A ta‑a wan a waa a, chɛɛ a ta mɔɛ chɛ nu, an ma an boo a si ni a kɔɔ.

CHISƆSI 'A SƆ MƆƐ NU 2:23

Chɛ e na to ma‑a, Yataa wandi gbu na‑a a ɔ bɛn fan gbae a faa gbɛɛ a, mbɛ tima ɛ che‑a wan Chisɔsi ni be wo ma. A sin, wo e a ma‑a wan, mɔɛ miin mbe ee don Yataa 'a sawa kɔɔ, an ni a gbangban kɔn gbengbandenɛ ma, a ni fa nɔ.

CHISƆSI 'A SƆ MƆƐ NU 4:10

Nn mbe a ɔ yian‑da wan gbɛ wo a, a basan mɔɛ tɔɛ n gbɛɛ a Isɔɛɛ chɛnyɛ ɔ, kamin chɛ ɛ sɔ ɔ nɛ, mɔɛ min 'na gbasaya ɔ. Nasaɛti duu ɔ mɔɛ chɛ mu, Chisɔsi Chasi, wo‑a min gbangban kɔn gbengbandenɛ ma, mbɛ a fa‑a. Chɛɛ Yataa‑a Chisɔsi kɔɔ sɔ wan, a ka saya ɔ. An Chisɔsi Chasi chɛ 'a gbasaya ɔ mu kamin chɛ, wo e ka min yen tena, a‑a bauncha ma sɔn.

CHISƆSI 'A SƆ MƆƐ NU 7:52

Yataa 'a gbonka chɛ mɔ kan kɔ kan nii nɔ, ni wo bemba n ta bemba n ma ko ma gbaaenɛ sa ni min ma. An‑na Yataa 'a gbonka chɛ mɔɛ chɛ n fa wan, miin na‑a a gbonka suun, a si Yataa 'a wai chɛ mɔɛ ma. Mbɛ an wai chɛ mɔɛ chɛ, min tanden mu a chen kɔɔ, ɛ na‑a wan. Chɛɛ wo gbu‑a a ma tachɛ gbɛ, mbɛ wo‑a a fa.