MATIU 16:6 - Yataa 'a Dɔbɛnɛ Nama

⁶ Mbɛ Chisɔsi ɔ an nu ma, “Yisinɛ min mbe mmɔ 'a mɔɛ chɛ n boo ɔ, miin mu Fayisii n na, an bɛ Sadusii n na, wo wo kun ma fɛn a boo ɔ.”

MATIU 16:6 ပူးပေါင်းရင်းမြစ်များ

MATIU 16:1

Tima ɛnden gbakɔ, Chu mɔɛ nu, miin ni Fayisii n na, an bɛ chɛ n na, miin ni Sadusii n na, an na‑a wan Chisɔsi tena. An toen ni an ni a bia a chen kɔ. Chɛ‑a a ma wan, an‑na a ɔ tisa, an dɔ, a ni kamaya koe ma an ye, min mbe a ɔ yian, mbɛ a 'a gbasaya kaen ni Yataa an tena.

MATIU 16:11

N‑na a fɔɛ min chɛ wo ye, n dɔ, yisinɛ min mbe Fayisii chɛ n boo ɔ, an bɛ Sadusii chɛ n na, n dɔ, wo ni wo kun ma fɛn a a, n mbe ee bai sa tena a si biidi an ma. Wo ni che wan chɛ ɔ gbɛ‑a. Ka n mbe yɛ to n da a kuiɛ ɔ, an 'na yisin chɛ an boo ɔ, wo wo kun ma fɛn a a.”

MATIU 16:12

Mbɛ an‑na a ɔ gbɛ wan gbɛ, mbɛ a ni an na si tena a si kanɛ an ma, Fayisii chɛ n ni min chɛ mɔɛ n na, an bɛ Sadusii n na. Chɛɛ a nii koɔ tena a si yisinɛ an ma, an mbe min chɛ biidi ɔ.

MATIU 16:5

Chisɔsi n bɛ a fɛ denɛ n na, an sɛ‑a wan dɛndɛ ɔ, mbɛ an‑na yii wa chɛ tɛ a kaka dɔndɔɛ ma. Chɛɛ a fɛ denɛ n na‑a nyina wan ta koe a daun fenɛ a an boo ɔ.

MATIU 16:7

Mbɛ an bun‑da a tɛnsɛ‑a an nyɔn tɛ ɔ, an dɔ, “A‑a chɛ fɔ, a mu min na, mmɔ nyina‑a mmɔ ma na ni biidi a mmɔ boo ɔ.”

MATIU 3:7

Chɔn‑na a ɔ yen, mbɛ Chu mɔ kuun chɛ nu, an ni miin chee Fayisii nu, a basan chɛ n na, miin ni Sadusii a, an na‑a a tena. An dɔ, a ni yii chɛ an kunɛ ɔ, Yataa chia a. Chɛɛ a ɔ, “Wo yauaen ba chɛ nu, yɔ ka. Wo ee che wo nun‑da Yataa 'a mɔnɛ ma, min mbe wo ko a.

MAKI 8:15

Mbɛ Chisɔsi‑a an na si, a ɔ, “Yisinɛ min mbe Chu mɔɛ chɛ n boo ɔ, miin mu ka Fayisii n na, ni Mansa Ɛdɔdi 'a yisinɛ, wo wo kun ma fɛn a boo ɔ.”

DUKU 12:1

A tima chɛ a, mɔ wu sɛsɛ a kan‑da wan Chisɔsi tena. Mɔɛ n da a ni koo, an ni ka wan tɛn tɛn‑da an nyɔn ma. Mbɛ Chisɔsi‑a a kuu sɔ a fɔ‑a a fɛ denɛ n pɛn ye, a ɔ, “Mmɔ 'a Chu mɔɛ chɛ nu, miin mu Fayisii n na, yisinɛ ɛ wan an boo ɔ. Wo wo kun ma fɛn an yisinɛ chɛ boo ɔ. Yisin chɛ mu an 'na nɛnɛn feaya an na.

DUKU 12:15

Mbɛ a‑a a fɔ an ye, a ɔ, “Wo wo kun ma fɛn, fen koya yama min kɔ min boo ɔ. Koe min na mu, mɔ gbu ni nyan boo ɔ boo, chɛ an mbe ee a ma i ni fɔɛ chɛndɛ ma sɔn.”

CHƆN 4:33

Mbɛ a fɛ den chɛ nu, an bun‑da an nyɔn dɔ tisa‑a, an dɔ, “Mɔɛ an mbe na na daun fenɛ a kai chɛ ye?”

Gboo Kadesia Ko A 5:9

An mbe chɛ an fɔ, an dɔ, yisin denɛ chɛenɛ feawa funku ɔ, an dɔ, an mbe a ma, feawa funku gbu ɛ sɛ wa chɛ.