MATIU 16:3 - Yataa 'a Dɔbɛnɛ Nama

³ Tee dɔ n na, ni banda ɔ ka‑a, wo e banda yen fan a yawaenɛ ɛ, a maenɛ ɛ to digbi digbi. Ni chɛ ma‑a, wo‑a a fɔ wan, wo ɔ, ‘Sona ɛ na‑a wan bi. A mu min na, banda yawa‑a, a sin sona gbiienɛ ɛ to.’ Wo e banda ma fɛn fan, mbɛ wo‑a a ɔ sɔn, ni ɛ nyan tena wan, chɛ ma, ni a ee nyan tena. Wo e chɛ n dɔ gbɛ wan, chɛɛ wo ee sanche koe n dɔ gbɛ, miin mbe ma tena.

MATIU 16:3 ပူးပေါင်းရင်းမြစ်များ

MATIU 11:5

Wo a fɔ a ye, wo ta yiima ɔ, mbɛ ya te tɔɛ nu, an‑na kaina ɔ yen, wo ɔ, namaa an sɔ‑a. Wo a fɔ to, wo ta yiima ɔ, wo ɔ, gbandi yama ni miin gboo ma, an baun‑da, wo ɔ, too gbee tɔɛ nu, an‑na koe a min, wo ɔ, miin faen ni, an‑na fɔɛ ma sɔn to, wo ɔ, yɔn tɔɛ n bɛɛ, an‑na sakana bai chɛndɛ chɛ a min.

MATIU 15:7

Wo wan, nɛnɛn fea ti nu. Yataa 'a gbonka chɛ mɔɛ Aisaya teayaen fan ni suun, a na‑a bai sa kɛn a si wo ma, a ɔ,

MATIU 22:18

Chɛɛ Chisɔsi na‑a an 'na yiinachii yama chɛ kɔɔ sɔn fan, mbɛ a‑a a fɔ an ye, a ɔ, “Wo wan, nɛnɛn fea ti mu wo a. Fen mu wo toen mu wo ni n dɔ chɛ?

MATIU 23:13

Mbɛ Chisɔsi‑a a fɔ, a ɔ, “Wo wan sawa kan mɔɛ chɛ nu, wo wan Fayisii nu, koe min mbe wo tan‑da, a yau gba wo ko a. Nɛnɛn fea ti mu wo a. Koe min na mu, wo ban‑da don koe a Yataa 'a mansaya kɔɔ, mbɛ wo‑a chia tɛ wo bɔ n bɛɛ ya ɔ don koe a nɔ.

MATIU 4:23

Chisɔsi ben ben‑da wan Kadidi chɛnyɛ gbɛɛ ɔ, ɛ ta‑a mɔɛ n kan‑da Chu mɔɛ n 'na samun chɛ chenɛ n na. A ni sakana bai chɛndɛ chɛ ɔ yian fan to mɔɛ n na, a si Yataa 'a mansaya ma, mbɛ a‑a mɔɛ n baun an 'na gbandi kan kɔ kan dɔ, miin ni an ma.

MATIU 7:5

Wo wan nɛnɛn fea ti chɛ nu, wo kɔn gbondo chɛ bɔ pɛn wo ta ya a, mbɛ wo kun‑da gbɛ kaina yen koe a gbadan, a bubuu chɛ bɔ koe a wo bɔɛ ya a.

DUKU 11:44

Koe min mbe wo tan‑da, a yau gba wo ko a. A mu min na, wo ma buɛ ee a ɔ yian mɔɛ n na, mbɛ wo sɔnɛ n yau wan. An mbe ee a ɔ sɔn ni wo sɔnɛ n yau wan, chɛɛ ni an gbɛn‑da dechee wo ma, mbɛ wo‑a wo sɔn yama chɛ n chɛ an dɔ, mbɛ an ma‑a yɔ wo e buɛ min dɔ.”

DUKU 12:56

Wo wan nɛnɛn fea ti nu, wo e banda ma fɛn fan, an fea duu gboo a, mbɛ wo‑a a ɔ sɔn ni banda ɛ na tena wan nyan‑da. Wo e a ɔ sɔn fan to ni a ee nyan tena. Chɛɛ wo ee che koe chɛ n sin fasai‑a, miin mbe ma tena sanche.

DUKU 13:15

Chɛɛ Mansa Chisɔsi ɔ, “Wo wan nɛnɛn fea ti nu, wo dɔndɔ wɛɛ ee nɛ, min 'na ninchi kanɛ a ɛ gbaa, a 'a sofɛ kanɛ a ni gbaa, suin tee wɛɛ ma a, ni a ee a fuin‑da, a ni ta a a yii da a, a ni a min. Ni wo e chɛ ma wan, mbɛ wo‑a wai an chɛ ka suin tee ma.

GBOO IBU MƆƐ N KO A 5:14

Chɛɛ daun fen dɔ gbɛama tana, ɛ mɔɛ n fan ko a, miin kunɛ kɔɔen mu. Mɔɛ nu, miin yiima kɔɔen mu, an‑na a kan, mɔ gbu ɛ ko chɛndɛ tɛ bɔ ka ma, a fea ko yama a.