MATIU 16:27 - Yataa 'a Dɔbɛnɛ Nama

²⁷ Chɛ an fɛ mu, wo ma ka n fɛ. Koe min na mu, n fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ n 'na maeka n na. Ni nn sin ma‑a na‑a, nn mbe ma‑a wan man‑da Fa Yataa 'a manɛ a. An tima chɛ a, n mbe mɔ ɔ mɔ pawa‑a wan a 'a wai ko a, ɛ min chɛ‑a.

MATIU 16:27 ပူးပေါင်းရင်းမြစ်များ

MATIU 13:41

N fan, Mɔ Gbu 'a Denɛ, n mbe n 'na maeka n na na wan mɔɛ chɛ n tɛ ɔ, miin mbe Yataa 'a mansaya kɔɔ. An mbe mɔɛ chɛ n gbɛɛ a sɔn sɔn‑da wan, mɔɛ miin mbe ko yama ma‑a, ni miin bɛɛ an bɔɛ n na dɛ‑a ko yama ɔ.

MATIU 13:49

Ɛ ma‑a ka wan dunya danka wɛɛ a. Maeka n mbe na‑a wan dunya ɔ, mbɛ an‑na mɔ yama n ya bɔ mɔ tandenɛ n na Yataa tena,

MATIU 24:30

Mbɛ fenɛ ɛ ma‑a wan banda ma, min mbe a ɔ yian‑da mɔɛ n na, mbɛ n fan, Mɔ Gbu 'a Denɛ, n mbe ka na‑a na. Ni n sin ma‑a na‑a, mɔɛ nu dunya gbɛɛ ɔ, an mbe di chɛ‑a wan chinchimaya ɔ. Koe min na mu, mɔɛ gbɛɛ ɛ n yen‑da wan na‑a gbasaya wa ɔ dugbu ɔ, a yɛ to, n mbe ma‑a wan man‑da Yataa 'a manɛ a.

MATIU 25:31

Chisɔsi ɔ, “N fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ maeka n gbɛɛ a. Ni n sin ma‑a na‑a, n mbe ma‑a wan man‑da, mbɛ n si‑a n 'na mansa sea chɛ a, Yataa 'a manɛ ɔ.

MATIU 26:64

Mbɛ Chisɔsi ɔ, “I‑a an fɔ ka. Chɛɛ n ni a ma din wo tena, mbɛ a ka sanche ma aan a ta, n fan, Mɔ Gbu 'a Denɛ, wo e n yen‑da wan si ɔ kaina ma bɛndenɛ Yataa boo nyima ɔ, gbasaya ɔ. A sin, wo e n yen‑da wan na‑a, banda a dugbu ɔ.”

MATIU 8:20

Mbɛ Chisɔsi ɔ, “Sonɛ n mbe fia ɔ, soe n boo ɔ, a sin konde n bɛɛ nyanɛ n mbe. Chɛɛ kaina kan kɔ kan mbe ee n boo ɔ, n fan, Mɔ Gbu 'a Denɛ, n mbe n gbɛnku kaina n ni n suin.”

MAKI 14:62

Mbɛ Chisɔsi ɔ, “N fan nɛ. A sin, n fan, Mɔ Gbu 'a Denɛ, wo e n yen‑da wan, n mbe si ɔ kaina ma bɛndenɛ Yataa boo nyima ɔ, gbasaya ɔ. A sin to, wo e n yen‑da wan na‑a, banda a dugbu ɔ.”

MAKI 8:38

Sanche, mɔ yama yama bonda chɛ n tɛ ɔ, miin mbe ee dan ko a, ni mɔ ɔ mɔ ban‑da n dɔ, a basan n da a kuiɛ a, n bɛɛ, n mbe na‑a wan banda a ɔ. N fan, Mɔ Gbu 'a Denɛ, n mbe na‑a tima min na mansaya ɔ, n mbe ban‑da wan a ɔ. A tima chɛ a, n mbe ma‑a wan man‑da, Fa Yataa 'a manɛ a, nn bɛ maeka n na.”

DUKU 21:27

Mbɛ an mbe n yen‑da wan, n fan, Mɔ Gbu 'a Denɛ, n mbe ma‑a na‑a gbasaya wa ɔ dugbu ɔ. A yɛ to, n mbe ma‑a wan man‑da Yataa 'a manɛ a.

DUKU 22:69

Chɛɛ a ka gbɛ sanche ma, n fan, Mɔ Gbu 'a Denɛ, n mbe ma‑a wan si ɔ Yataa boo nyima ɔ, gbasaya gbɛɛ ɛ min boo ɔ.”

DUKU 9:26

Ni mɔ ɔ mɔ ban‑da n dɔ, a basan n da a kuiɛ a, n bɛɛ, Mɔ Gbu 'a Denɛ, n mbe na‑a tima min na mansaya ɔ, n mbe ban‑da wan a ɔ. A tima chɛ a, n mbe ma‑a wan man‑da Fa Yataa 'a manɛ a, nn bɛ maeka n na.

CHƆN 21:22

Mbɛ Chisɔsi ɔ, “Pita, i ta kuu? A ya mbɛ n gbu n‑na a fɔ, n dɔ, a fɔɛ ni to a sun da a, aan n ni yɛ to dunya chɛ ɔ. A a tun dechee ma koe a n fɛ denɛ a.”

CHƆN 21:23

Chɛ‑a a ma wan, bai fasan‑da a ɔ Chisɔsi fɛ mɔɛ n tɛ ɔ, mbɛ a fɛ den chɛ nɛnɛ ee fa‑a to. Chɛɛ Chisɔsi nii ma a fɔ ni, mbɛ a gbu ee fa‑a. A na‑a a fɔ wan dechee, a ɔ, “Pita, i ta kuu? A ya mbɛ n gbu n‑na a fɔ, n dɔ, a fɔɛ ɛ to‑a wan a sun da a, aan n ni yɛ to dunya chɛ ɔ.”

CHISƆSI 'A SƆ MƆƐ NU 1:11

Mbɛ mɔ fea chɛ n dɔ, “Kadidi mɔɛ nu, fen mu wo e sɔ ɔ banda a fɛn‑da tidan? Chisɔsi chɛ, Yataa sɛ‑a ka min na banda bu ɔ, ɛ na‑a wan to mɔya chɛ ɔ, yɔ wo‑a a yen ka buɛ min dɔ sɛ‑a banda bu ɔ.”

GBOO DOMI KO A 14:12

Chɛ an fɛ mu, mmɔ gbɛɛ, dɔndɔ, dɔndɔɛ a, mmɔ ɛ a ɔ yian‑da wan Yataa a, mmɔ ɛ wai min chɛ‑a dunya chɛ ɔ.

GBOO DOMI KO A 2:6

Koe min na mu, an tee chɛ ma, mɔ ɔ mɔ na‑a wai chɛ buɛ min dɔ, Yataa ɛ a ma‑a wan, a ni a tɔnɔnɛ ma sɔn a buɛ ɔ.

GBOO SAA KƆYINDI KO A 15:23

Chɛɛ ni a tima che‑a, chɛ ɛ ma‑a dɔndɔ dɔndɔɛ an na. Chasi pɛn mbe a kɔɔ sɔ‑a. Mbɛ ɛ yɛ‑a to tima min na dunya chɛ ɔ, ɛ a ma‑a wan, a ta mɔɛ n bɛɛ ni an kɔɔ sɔ, a ka saya ɔ.

GBOO SAA KƆYINDI KO A 3:13

Chɛɛ mɔ ɔ mɔ ta wai chɛ buɛ, ɛ bɔ‑a wan ya a ma, kaa a tɛ tee chɛ ma. A sin, ta an mbe a ɔ yian‑da, mɔ ɔ mɔ kan kɔ kan‑na a ta wai min chɛ.

GBOO SAA KƆYINDI KO A 8:8

Chɛɛ mmɔ ɛ daun fenɛ min daun, an mbe ee na mmɔ a Yataa baima. Mmɔ ni daunɛ chɛ, tɔnɔn kan kɔ kan mbe ee a ɔ, mmɔ ma a chɛ, mmɔ ee fo fen kɔ fen na.

GBOO FEAN BƆƐ KƆYINDI KO A 5:10

Koe min na mu, mmɔ gbɛɛ, mmɔ ɛ sɔ‑a wan Chisɔsi chen kɔɔ tee dankama tee ma, a ni kaa a tɛ mmɔ wakoe ma. Ɛ mmɔ gbɛmbo‑a wan dɔndɔ dɔndɔɛ a. Mɔ ɔ mɔ sin mbe koe miin ma‑a, dunya ma gboo chɛ ɔ, an koe n ni nyan, an ni yaua wan, mɔ ɔ mɔ ɛ an pawa ma sɔn‑da.

Gboo Ɛfisɔsi Ko A 6:8

Wo ni a ɔ sɔn, ko chɛndɛ kan kɔ kan, mɔɛ ɛ min ma, Mansa Chisɔsi ɛ a nyɔn sima tɔnɔnɛ be wan a ma. Chɛ ɛ ma wan, a mɔɛ chɛ ni ma yɔn fan na, chɛ ma, a ni ma mɔ dɔ mende wɛɛ a.

Gboo Kɔdɔsai Ko A 3:25

Chɛɛ ko yama ma mɔɛ, ɛ a 'a pawa ma sɔn‑da wan an koe chɛ ko a, a‑a min ma. A sin, Yataa ee mɔ ɔ mɔ a yɛ‑a a boo kɔ, ɛ ma‑a chɛ ma‑a.

Gboo Saa Tɛsadonika Ko A 1:10

A sin, a 'a denɛ na koe, a ka banda bu ɔ, wo e a ma kɔn tena wan. A 'a denɛ Chisɔsi, a‑a a ma min na a kɔɔ sɔ, a ka saya ɔ. A 'a den chɛ sin fan‑na mmɔ kun ka, Yataa ma na faatɛ a bɔ mmɔ ma ya ɔ ma.

Gboo Saa Tɛsadonika Ko A 4:16

Kuiɛ ɛ a fɔ‑a wan mɔɛ n ye, an mbe koe min ma. Chɛ ɛ ma‑a Yataa 'a maeka chenama kuiɛ an na, Yataa 'a buu kuiɛ. A sin, Mansa Chisɔsi wandi ɛ yii‑a wan, a ka banda bu ɔ. Chɛ gbakɔ, mbɛ mɔɛ miin na‑a an kai fa Chisɔsi a, aan an fa‑a, an pɛn mbe an kɔɔ sɔ‑a, an ni yɛ fɔɛ ɔ.

CHIMISI 5:7

N suun ma nyɔɛ nu Chasi ɔ, wo ma faabia ɔ, wo e ta‑a mmɔ 'a mansa Chisɔsi Chasi yɛ tima ma kɔn‑da dunya chɛ ɔ. Wo a ɔ yen bɛ sɛnɛ sa mɔɛ ɛ faabia min chɛ, sama ma kɔnɛ a, sona ni chɛ. Ɛ a faa bia wan aan, tima ma kɔnɛ a, a 'a chin fen nyima ni che a ya tena.

1 PITA 1:17

Ni wo ma‑a samun‑da a tena, wo e a chee wo Fa an na. A sin mbe ma kaa a tɛ‑a, a ee a boo don mɔɛ n tɛ ɔ. Ɛ kaa a tɛ mɔ ɔ mɔ chɛ chɛ wai n fan ma. Chɛ an‑na a fɔ, sonda mu ka buɛ min dɔ wo 'a fɔɛ chɛ ɔ nɛ dunya ma, wo chian Yataa ma, aan a che tee dankama tee ma.

1 CHƆN 2:28

N 'na denɛ nu, tea ko a, wo wo boo a chii, ma koe a mɔ dɔndɔɛ a, wo bɛ a a. Chɛ ɛ a ma‑a wan, mmɔ kunɛ kɔɔ sɔenɛ ni ma a tena, mmɔ ee na‑a mmɔ ya kɔɔɛ nun‑da a ma tima chɛ a, ɛ na‑a to tima min na.

CHUDA 1:14

Adami mama denɛ ta mama denɛ ta mama n denɛ dɔndɔ ni wan nɔ, min tɔ ni Ɛnoku. A na‑a bai sa wan suun, a si an mɔ bonda chɛ n ma. A ɔ, a yen ko, mbɛ Mansa Chisɔsi ɛ na‑a wan, a ɔ, an bɛ a 'a maeka wu sɛsɛ sɛsɛ n na.

KO Ɔ NUNDENƐ 1:7

A yen ko, Chisɔsi ɛ na tena wan dugbu ɔ. A sin, mɔ ɔ mɔ ɛ a yen‑da wan, a basan chɛ n bɛɛ a, miin na‑a a sɔɔ a kaa fɛ. A sin, mɔɛ n gbɛɛ dunya ɔ, an mbe di‑a wan gbafi gbafi a ko a. A ɛ ma‑a ka wan. A ni ma ka.

KO Ɔ NUNDENƐ 2:23

Mɔɛ chɛ n gbɛɛ, miin mbe a fɛ, n mbe an fa‑a wan. A sin chɔchi chɛ n gbɛɛ, an mbe a ɔ sɔn‑da wan, mbɛ n fan‑na mɔ ɔ mɔ yii ma sɔn, a basan mɔ ɔ mɔ faa ɔ koe a. Dɔndɔ, dɔndɔɛ a mu, n mbe an gbɛɛ pawa‑a, yɔ an mbe wai chɛ‑a buɛ min dɔ.”

KO Ɔ NUNDENƐ 20:12

Mbɛ mansa sea chɛ ya kɔɔ to, n‑na mɔɛ n yen fan sɔ ɔ, yɔn tɔɛ n bɛ nyan tɔɛ n na, miin na‑a fa tee. Gboo n bɛɛ da a kaen fan ni, mɔ gbu gbɛɛ dunya ma, an chɛ chɛ wai nu, an nyɛn‑da gboo miin dɔ. Mbɛ gboo dɔ mende wɛɛ da a kaen fan ni, mɔɛ n tɔɛ ni gboo min dɔ, mɔɛ nu, miin mbe ma‑a fɔɛ ɔ kuɔ fɔ ko a Yataa chen kɔɔ. Mɔɛ chɛ n gbɛɛ, miin na‑a fa, kaa a tɛ‑a wan an bakoe ma. Dɔndɔ dɔndɔɛ a, mɔ ɔ mɔ na‑a min ma dunya chɛ ɔ, a nyɛndenɛ ɛ gboo chɛ ɔ, kaa a tɛ‑a an ma.