MATIU 16:23 - Yataa 'a Dɔbɛnɛ Nama

²³ Chɛɛ Chisɔsi‑a a ya a mun, a ɔ Pita ma, “Ka n fɛ, e ka Sitana 'a wai an chɛ tena. E ee ka basan tena wan n ma. Koe min na mu, mɔ gbu yiinachii an mbe ka i ɔ. Yataa ta yiinachii ma chɛ a.”

MATIU 16:23 ပူးပေါင်းရင်းမြစ်များ

MATIU 16:22

Mbɛ Pita‑a Chisɔsi pɛn, a ɔ, an ni sɔ an fea a. An sɔ‑a kɛn, mbɛ Pita‑a a fɔ a ye, a ɔ, “I ma dua chɛ a, i fa koe a. Yataa wɛɛ ee dɔn‑da i ni fa.”

MATIU 18:7

A yau gba mɔɛ n ko a dunya ɔ, a mu min na, koe n mbe wan nɔ, miin mbe an na dɛ‑a ko yama ma ɔ. Ko yama gbu n mbe ma wan, chɛɛ a yau gba mɔɛ chɛ ko a, min mbe a bɔ mɔ gbu a dɛ‑a ko yama ma ɔ.

MATIU 4:10

Chɛɛ Chisɔsi‑a a fɔ a ma, a ɔ, “Ka n fɛ, Sitana, ta. Koe min na mu, Yataa 'a gboo ɔ te, ‘Mɔɛ e i 'a mansa Yataa dɔndɔ gbe an fai dechee, mbɛ i yɛ‑a, i‑a a ma wai chɛ.’ ”

MAKI 8:33

Chɛɛ Chisɔsi‑a a ya a mun fan, a‑a a fɛ denɛ tɔɛ n ma fɛn, mbɛ a ɔ Pita ma, “Ka n fɛ, e ka Sitana 'a wai an chɛ tena. E ka mɔ gbu yiinachii an chɛ tena, Yataa ta yiinachii ma chɛ a.”

DUKU 4:8

Chɛɛ Chisɔsi ɔ, “Yataa 'a gboo ɔ te, ‘Mɔ ɛ i 'a mansa Yataa dɔndɔ gbe an fai dechee, mbɛ i yɛ‑a, i‑a a ma wai chɛ.’ ”

CHƆN 6:70

Chisɔsi ɔ, “N fan‑na n boo sɔ wo mɔ tan kun ma fea n chɛ n ma, ma koe a n fɛ, a ee ka wan? Chɛɛ Sitana faa an mbe wo dɔndɔ bu ɔ.”

GBOO DOMI KO A 14:13

Chɛ an fɛ mu, mmɔ sɛmbɛ kaa a tɛ koe a, mmɔ bɔ Chisianɛ n bakoe ma, ko yama ma koe ko a. Chɛɛ wo e chɛ an ma. Wo ma koe ma, min mbe a ma, wo bɔɛ n ni ka Yataa 'a chia ma.

GBOO DOMI KO A 14:21

A nyin wo ni dasi chɛ n na min, ni an fan mbe a ma, wo ee mɔ dɔ mende n ka‑a Yataa 'a chia ma. Wo ma soe daun, a sin wo ma gbɛ min. A yɛ to, wo ma ko yama kan kɔ kan ma, min mbe a ma, wo bɔ Chisianɛ n bɛɛ ni ka Yataa 'a chia ma.

Gboo Fiipai Ko A 3:19

An 'na Yataa mu an 'na dunya ma buɔdia an na. Koe min ma mauen mu, a ma koe a, an mbe yonka tɛ an ma koe a. A sin, an yiima gbɛɛ ɛ dunya ma koe n fan ma. An danka, ɛ ma‑a kasaa an na.

Gboo Kɔdɔsai Ko A 3:2

Wo wo yii sɔ gban fen chɛ n ma banda bu ɔ, fen chɛ nu ma nɛ dunya chɛ ɔ.