MATIU 16:21 - Yataa 'a Dɔbɛnɛ Nama

²¹ A ka gbɛ an tima chɛ ma, Chisɔsi‑a a kuu sɔ wan a ɔ yian‑da a fɛ denɛ n na, mbɛ Yataa ta tima ɛ na tena wan che‑a a ta koe a Chuusaɛn duu ɔ. A ɔ, a sin nɔ mu mɔɛ n mbe an kun puin‑da a ma. A ɔ, nɔ chɛnyɛ gbakoo n ni ma, ni nɔ Chu n tɛ mɔɛ nu Yataa a, an 'na mansa nu, an bɛ Chu n 'na sawa kan mɔɛ n na, an mbe a bia‑a wan. A ɔ, mbɛ an‑na a a tɔɔya, mbɛ an yɛ‑a, an‑na a be a fa mɔɛ n ma. A ɔ, chɛɛ ni an‑na a fa, an ni a tɔn, a ɔ, tee fea a sawan bɔɛ ma, Yataa ɛ a kɔɔ sɔ‑a wan a ka saya ɔ.

MATIU 16:21 ပူးပေါင်းရင်းမြစ်များ

MATIU 12:40

N fan, Mɔ Gbu 'a Denɛ, n mbe tee sawa ni pimbi sawa ya‑a wan fii chima ɔ, yɔ Chona na‑a tee sawa ni pimbi sawa ya buɛ min dɔ nyɛ wa bu ɔ.

MATIU 16:22

Mbɛ Pita‑a Chisɔsi pɛn, a ɔ, an ni sɔ an fea a. An sɔ‑a kɛn, mbɛ Pita‑a a fɔ a ye, a ɔ, “I ma dua chɛ a, i fa koe a. Yataa wɛɛ ee dɔn‑da i ni fa.”

MATIU 16:28

N ni a ma din wo tena, mbɛ mɔɛ dɔ nu nɛ sɔ ɔ sanche, an mbe ma‑a wan fɔɛ ɔ aan an ni chɛ ɔ yen. An mbe a ɔ yen‑da wan n fan, Mɔ Gbu 'a Denɛ, n mbe na‑a tima min na n 'na mansaya ɔ.”

MATIU 17:12

Chɛɛ n ni a ma din wo tena, mbɛ Idaicha gbu na‑a na wan. Chɛɛ mɔ ɔ mɔ nii ma a sɔn ni, ni an mu Idaicha a. An sin na‑a wai min si a a, a nii ma dɔɔ. N fandi gbu wɛɛ, an mbe a ma‑a wan, n ni mɔnɛ ɔ bia, n fan, Mɔ Gbu 'a Denɛ.”

MATIU 17:9

Mbɛ an‑na a kuu sɔ kɔnkɔɛ yii‑a. An mbe yii tena kɔnkɔɛ chɛ an na, mbɛ Chisɔsi‑a a fɔ, a ɔ, “Wo‑a koe min dɔ yen ka, wo ma a ɔ yian mɔ dɔ mende kan kɔ kan na. Wo a sa wo yii ma, aan n 'na tee ni che, tee min ma, Yataa ɛ n na sɔ‑a a ka saya ɔ, n fan, Mɔ Gbu 'a Denɛ.”

MATIU 20:28

Koe min na mu, n fan, Mɔ Gbu 'a Denɛ wɛɛ, n ma na ni, mɔɛ n ni wai chɛ n ko a. Chɛɛ n na‑a, min mbe a ma, n ni mɔɛ n ma wai n chɛ. A yɛ to, n ni yɛ, n ni n fɔɛ be mɔ gbu n kun ka koe a.”

MATIU 26:2

“Wo‑a a ɔ sɔn fan, mbɛ a to‑a bi tee fea, mbɛ kun bɔ a ɔ bɛnɛ tima chɛ che‑a. A tima chɛ a, n fan, Mɔ Gbu 'a Denɛ, an mbe n be‑a wan mɔɛ chɛ n ma, miin mbe n fa‑a kɔn gbengbandenɛ ma.”

MATIU 26:47

Chisɔsi to‑a koɔ an na, mbɛ Chudasi, min ni a fɛ den tan kun ma fea chɛ n dɔndɔ a, a na‑a, an bɛ mɔ fanka a. Kɔn kundu ma tɛenɛ, a basan chɛɛ chɛ mɛ a, ɛ an boo ɔ. Chu n tɛ mɔɛ nu Yataa a, an 'na mansa nu, an bɛ Chu gbakoo n na, an fan na‑a mɔɛ chɛ n na na.

MATIU 27:12

Chɛɛ Chu n tɛ mɔɛ nu Yataa a, an 'na mansa nu, an bɛ gbakoo n na, an‑na kun sɛsɛ si a kun ma, chɛɛ a ma bai ɔ bai fɔ ni.

MATIU 27:63

Mbɛ an dɔ, “Mansa, tima min na da ɔ gbaa tɔɛ chɛ ni fɔɛ ɔ, nn yii to‑a wan a ɔ, a na‑a bai min fɔ. A na‑a a fɔ wan, a ɔ, Yataa ɛ a kɔɔ sɔ‑a wan a ka saya ɔ, tee fea a sawan bɔɛ ma.

MATIU 28:6

A ee nɛ. Yataa‑a a ma, a‑a a a sɔ a ka saya ɔ, yɔ a wandi na‑a a fɔ buɛ min dɔ, mbɛ ɛ ma‑a ka wan. Wo na nɛ. Wo ni nɔ yen, a ni sa ɔ kaina min.

MAKI 8:31

Mbɛ Chisɔsi‑a a kuu sɔ a fɛ denɛ n kan‑da, a ɔ, “N fan, Mɔ Gbu 'a Denɛ, n mbe tɔɔ‑a wan kaka. Mmɔ 'a chɛnyɛ gbakoo nu, an bɛ mɔɛ miin mbe Chu n tɛ ɔ Yataa a, an 'na mansa n na, an mbe an kan kɔ sɔ‑a wan n na. Mmɔ 'a sawa kan mɔɛ n bɛɛ, an mbe toa si‑a wan an kɔɔ. N mbe fa‑a wan mɔ boo ɔ. Chɛɛ n mbe n kɔɔ sɔ‑a wan a ka saya ɔ, tee fea a sawan bɔɛ ma.”

MAKI 9:12

Mbɛ Chisɔsi ɔ, “Tea gbu mu, Idaicha an mu ya ɔ sɔɛ a. An mbe ko ɔ ko sɔ‑a a chia ma. Chɛɛ a nyɛnden fan mu gbɛ Yataa 'a gboo ɔ, mbɛ n fan, Mɔ Gbu 'a Denɛ, n mbe mɔnɛ sɛsɛ ɔ bia‑a wan, mbɛ an ban‑da n dɔ. Fen ko a mu chɛ ɛ ma?

DUKU 17:25

Chɛɛ chɛ e na to ma‑a, n mbe tɔɔ‑a wan kaka, mbɛ mɔ bonda chɛ siman‑na an kan kɔ sɔ n na.

DUKU 24:46

Mbɛ a ɔ, “Chɛ an nyɛnden mu Yataa 'a gboo ɔ. Mbɛ n fan, kunka mansa, mbɛ n mbe tɔɔya ɔ bia‑a pɛn, mbɛ n‑na n kɔɔ sɔ gbɛ a ka saya ɔ, tee fea a sawan bɔɛ ma.

DUKU 9:31

An ni man tena Yataa 'a manɛ an na. An sin ni chia ɔ bɔɛ chɛ tena, a si Chisɔsi ɛ fa‑a buɛ min dɔ Chuusaɛn duu ɔ.