MATIU 16:13 - Yataa 'a Dɔbɛnɛ Nama

¹³ Chisɔsi ta‑a Sisayea Fiipai tanda ɔ, an bɛ a fɛ denɛ n na. Mbɛ a‑a a fɔ an ye, a ɔ, “Mɔɛ n ta yiima ɔ, n fan, Mɔ Gbu 'a Denɛ, n mu nyɔn na?”

MATIU 16:13 ပူးပေါင်းရင်းမြစ်များ

MATIU 12:32

N fan, Mɔ Gbu 'a Denɛ, ni mɔ ɔ mɔ‑a n main, Yataa ɛ kun fan a ni a boo bɔ a ɔ. Chɛɛ ni mɔ ɔ mɔ‑a Yataa Nyina main, a ee a boo bɔ‑a a mɔ sima chɛ 'a main chɛ ɔ, dunya chɛ ɔ, a basan dunya nama a, min mbe na tena.

MATIU 12:40

N fan, Mɔ Gbu 'a Denɛ, n mbe tee sawa ni pimbi sawa ya‑a wan fii chima ɔ, yɔ Chona na‑a tee sawa ni pimbi sawa ya buɛ min dɔ nyɛ wa bu ɔ.

MATIU 12:8

N fan, Mɔ Gbu 'a Denɛ, n fan mu mansa a suin tee ko a.”

MATIU 13:37

Mbɛ Chisɔsi ɔ, “Kamin chɛ min‑na chin fen suu chɛndɛ chɛ ya ka, mbɛ a‑a a fɛn a 'a sɛnɛ ɔ, a mu n fan na, Mɔ Gbu 'a Denɛ.

MATIU 13:41

N fan, Mɔ Gbu 'a Denɛ, n mbe n 'na maeka n na na wan mɔɛ chɛ n tɛ ɔ, miin mbe Yataa 'a mansaya kɔɔ. An mbe mɔɛ chɛ n gbɛɛ a sɔn sɔn‑da wan, mɔɛ miin mbe ko yama ma‑a, ni miin bɛɛ an bɔɛ n na dɛ‑a ko yama ɔ.

MATIU 15:21

Chɛ gbakɔ, Chisɔsi bɔ‑a wan nɔ, an bɛ a fɛ denɛ n na, mbɛ an ta‑a Taya tanda ɔ, ni Sidon.

MATIU 16:27

Chɛ an fɛ mu, wo ma ka n fɛ. Koe min na mu, n fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ n 'na maeka n na. Ni nn sin ma‑a na‑a, nn mbe ma‑a wan man‑da Fa Yataa 'a manɛ a. An tima chɛ a, n mbe mɔ ɔ mɔ pawa‑a wan a 'a wai ko a, ɛ min chɛ‑a.

MATIU 16:28

N ni a ma din wo tena, mbɛ mɔɛ dɔ nu nɛ sɔ ɔ sanche, an mbe ma‑a wan fɔɛ ɔ aan an ni chɛ ɔ yen. An mbe a ɔ yen‑da wan n fan, Mɔ Gbu 'a Denɛ, n mbe na‑a tima min na n 'na mansaya ɔ.”

MATIU 25:31

Chisɔsi ɔ, “N fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ maeka n gbɛɛ a. Ni n sin ma‑a na‑a, n mbe ma‑a wan man‑da, mbɛ n si‑a n 'na mansa sea chɛ a, Yataa 'a manɛ ɔ.

MATIU 8:20

Mbɛ Chisɔsi ɔ, “Sonɛ n mbe fia ɔ, soe n boo ɔ, a sin konde n bɛɛ nyanɛ n mbe. Chɛɛ kaina kan kɔ kan mbe ee n boo ɔ, n fan, Mɔ Gbu 'a Denɛ, n mbe n gbɛnku kaina n ni n suin.”

MATIU 9:6

N mbe a ɔ yian‑da wan gbɛ wo a, mbɛ gbasaya ɛ wan n fan, Mɔ Gbu 'a Denɛ, n boo ɔ dunya chɛ ɔ, n boo bɔ koe a ko yama ɔ.” Mbɛ a‑a a fɔ namaa chɛ ma, a ɔ, “N mbe a fɔ tena gbɛ i ye, mbɛ i ni i kɔɔ sɔ, i ni i 'a yaa ya, i ni ta i waa a.”

MAKI 10:45

Koe min na mu, n fan, Mɔ Gbu 'a Denɛ wɛɛ, n ma na ni, mɔɛ n ni wai chɛ n ko a. Chɛɛ n na‑a, min mbe a ma, n ni mɔɛ n ma wai n chɛ. A yɛ to, n ni yɛ, n ni n fɔɛ be mɔ gbu n kun ka koe a.”

MAKI 8:38

Sanche, mɔ yama yama bonda chɛ n tɛ ɔ, miin mbe ee dan ko a, ni mɔ ɔ mɔ ban‑da n dɔ, a basan n da a kuiɛ a, n bɛɛ, n mbe na‑a wan banda a ɔ. N fan, Mɔ Gbu 'a Denɛ, n mbe na‑a tima min na mansaya ɔ, n mbe ban‑da wan a ɔ. A tima chɛ a, n mbe ma‑a wan man‑da, Fa Yataa 'a manɛ a, nn bɛ maeka n na.”

CHƆN 1:51

Mbɛ a‑a a fɔ an ye, a ɔ, “Ka wɛ n ni chɛ ma din wo tena. Wo e a ɔ yen‑da wan, banda bu ɔ da a ni ka, mbɛ Yataa 'a maeka n yii‑a. An mbe sɛ‑a wan, an mbe yii, n na tindanɛ, n fan, Mɔ Gbu 'a Denɛ.”

CHƆN 12:34

Mbɛ fanka chɛ koɔ‑a, an dɔ, “Mmɔ 'a sawa‑a a fɔ wan mmɔ ye, mbɛ kunka mansa ɛ ma‑a wan nn tɛ ɔ kuɔ fɔ ko a. Chɛɛ e gbɛ a fɔ‑a nn ye, mbɛ an mbe Mɔ Gbu 'a Denɛ a sɛ‑a wan kɔn gbengbandenɛ ma, a ni fa. Nyɔn mu an Mɔ Gbu 'a Den chɛ a?”

CHƆN 3:14

Mosisi ni tima min na suun fuinɛ ma, ka chɛ, min nyandenɛ ni kundu ɔ, a na‑a a dɛn fan kɔnɛ a. A chia dɔndɔ gbe chɛ a, n fan, Mɔ Gbu 'a Denɛ wɛɛ, an mbe n dɛn‑da ka wan.

CHƆN 5:27

A sin‑na n si ka wan to a gbasaya chɛ ɔ, kaa a tɛ koe a. Koe min na mu a‑a chɛ ma, n fan mu Mɔ Gbu 'a Denɛ a.

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

CHISƆSI 'A SƆ MƆƐ NU 7:56

Mbɛ a‑a a fɔ, a ɔ, “A yen ko, n‑na banda bu ɔ yen, a da a kaenɛ ɛ. A sin, an ni min chee, an dɔ, Mɔ Gbu 'a Denɛ, ɛ sɔ ɔ Yataa boo nyima ɔ.”