MATIU 16:1 - Yataa 'a Dɔbɛnɛ Nama

¹ Tima ɛnden gbakɔ, Chu mɔɛ nu, miin ni Fayisii n na, an bɛ chɛ n na, miin ni Sadusii n na, an na‑a wan Chisɔsi tena. An toen ni an ni a bia a chen kɔ. Chɛ‑a a ma wan, an‑na a ɔ tisa, an dɔ, a ni kamaya koe ma an ye, min mbe a ɔ yian, mbɛ a 'a gbasaya kaen ni Yataa an tena.

MATIU 16:1 ပူးပေါင်းရင်းမြစ်များ

MATIU 12:14

Mbɛ Fayisii chɛ nu, an bɔ‑a. Mbɛ an ta‑a an kun puin tena Chisɔsi ma, an mbe ma buɛ min dɔ an ni a fa.

MATIU 15:1

Chɛ gbakɔ, Chu mɔɛ chɛ nu, miin ni Fayisii n na, an bɛ Chu n 'na sawa kan mɔɛ dɔ n na, an ka‑a wan Chuusaɛn duu ɔ, mbɛ an na‑a Chisɔsi tena. Mbɛ an‑na a fɔ, an dɔ,

MATIU 16:6

Mbɛ Chisɔsi ɔ an nu ma, “Yisinɛ min mbe mmɔ 'a mɔɛ chɛ n boo ɔ, miin mu Fayisii n na, an bɛ Sadusii n na, wo wo kun ma fɛn a boo ɔ.”

MATIU 19:3

Chu mɔɛ chɛ dɔ nu, miin ni Fayisii n na, an na‑a wan a tena. An toen ni an ni a bia a chen kɔ. Mbɛ an dɔ, “Nn toen mu nn ni a ɔ sɔn, ni mmɔ 'a sawa dɔnden fan mu musu si kai ni a boo ka a 'a musu a, yɔ a toen mu a a buɛ min dɔ.”

MATIU 22:15

Tima ɛnden gbakɔ, mbɛ Chu mɔɛ dɔ nu, miin ni Fayisii n na, an bɛn‑da wan, an kun puin koe a kaina dɔndɔ. An toen ni, an ni Chisɔsi ɔ chɛ tisa chɛ a a, mbɛ an‑na a bia.

MATIU 22:18

Chɛɛ Chisɔsi na‑a an 'na yiinachii yama chɛ kɔɔ sɔn fan, mbɛ a‑a a fɔ an ye, a ɔ, “Wo wan, nɛnɛn fea ti mu wo a. Fen mu wo toen mu wo ni n dɔ chɛ?

MATIU 22:23

A tee dɔndɔ gbe chɛ a, Chu mɔɛ chɛ dɔ nu, miin ni Sadusii n na, an na‑a wan Chisɔsi tena. Sadusii chɛ n nii ma dan ni a a, mbɛ mɔ gbu ɛ a kɔɔ sɔ wan a ka saya ɔ. Mbɛ an‑na a fɔ a ye,

MATIU 23:2

“Yataa‑a sawa min be Mosisi ma, a fasai koe wo tena, a gbasaya ɛ mmɔ 'a sawa kan mɔɛ n fan boo ɔ, a basan mɔɛ chɛ n na, miin mu Fayisii n na.

MATIU 27:62

Tee dɔndɔɛ ma, min ni suin tee a, Chu n tɛ mɔɛ nu Yataa a, an 'na mansa nu, an bɛn‑da wan Kɔfana Padeti tena. Chu mɔɛ chɛ n bɛɛ, miin ni Fayisii n na, an ni wan an bɛn chɛ ɔ.

MATIU 5:20

N mbe a fɔ tena wo ye, mbɛ wo ee don‑da Yataa 'a mansaya kɔɔ, mɔɔ ni wo‑a wo sɔɛ don Yataa faa ma koe ma koe a, a ben Chu n 'na sawa kan mɔɛ chɛ n ma, an bɛ Fayisii n na.”

MATIU 9:11

Mbɛ Fayisii n‑na chɛ ɔ yen kɛn, mbɛ an‑na a fɔ Chisɔsi fɛ denɛ n ye, an dɔ, “Wo kan mɔ yen ko, a ɛ daun chɛ‑a kaina dɔndɔɛ, an bɛ pawa kain mɔɛ n na, a basan mɔɛ n na, miin mbe ee sɔ ɔ Yataa 'a chia ma.”

MAKI 10:2

A sin, Chu mɔɛ dɔ nu, miin ni Fayisii n na, an na‑a wan a tena. An toen ni an ni a bia a chen kɔ. Mbɛ an dɔ, “Nn toen mu nn ni a ɔ sɔn, ni mmɔ 'a sawa dɔnden fan mu musu si kai ni a boo ka a 'a musu a.”

MAKI 12:15

Chɛɛ Chisɔsi na‑a an 'na yiinachii yama chɛ kɔɔ sɔn fan, mbɛ a‑a a fɔ an ye, “Fen mu wo toen mu wo ni n dɔ chɛ? Wo na n ye kain gbɛnsɛn dɔndɔ a, n mbe a ma fɛn.”

MAKI 12:18

Mbɛ Chu mɔɛ dɔ nu, miin ni Sadusii n na, miin nii ma dan ni mɔɛ kɔɔ sɔ koe a a ka saya ɔ, an bɛɛ na‑a Chisɔsi tena. Mbɛ an‑na a ɔ tisa, an dɔ,

DUKU 10:25

Mbɛ Chu n 'na sawa kan mɔ dɔndɔ yen ko, a toen ni a ni Chisɔsi ɔ siman. A‑a a kɔɔ sɔ, a sɔ‑a, a ɔ, “Ticha, n mbe fen ma, min mbe a ma, n ni kuɔ fɔ fɔɛ ma sɔn?”

DUKU 11:16

Mɔɛ dɔ n sin toen ni an ni Chisɔsi bia a chen kɔ, min‑na a ma, an‑na a ɔ tisa, an dɔ, a ni kamaya koe ma, min mbe a ɔ yian, mbɛ Yataa an‑na gbasaya chɛ be a ma tea tea a.

DUKU 20:23

Chɛɛ Chisɔsi na‑a an 'na yaa kɔɔ sɔn fan, mbɛ a wɛɛ‑a a fɔ an ye, a ɔ,

DUKU 20:27

Chɛ gbakɔ, Chu mɔɛ dɔ nu, miin ni Sadusii n na, an bɛɛ na‑a wan Chisɔsi tena. Sadusii n nii ma dan ni a a, mbɛ mɔ gbu ɛ a kɔɔ sɔ wan a ka saya ɔ. Mbɛ an‑na a fɔ a ye,

CHƆN 8:6

An‑na chɛ fɔ, min mbe a ma, an ni Chisɔsi bia a chen kɔ, a da a bai ɔ, mbɛ an‑na kun yama si a kun ma. Chɛɛ a‑a a kunɛ a bun fan, a bun‑da nyɛnɛ sa‑a gbangbanɛ ɔ, a boo denɛ a.

CHISƆSI 'A SƆ MƆƐ NU 4:1

Pita ni tun koɔ tena wan, an fea Chɔn na, mbɛ mɔɛ dɔ n na‑a, an‑na an tan. An mɔɛ chɛ n ni Chu n tɛ mɔɛ n fan na Yataa a, ni mɔɛ min ni ka Yataa 'a kata kun ma fɛn poesi n ya ɔ, a basan mɔɛ n na, an ni miin chee, an dɔ Sadusii mɔɛ nu.

CHISƆSI 'A SƆ MƆƐ NU 5:17

Mbɛ Chu n tɛ mɔ wa Yataa a, ni miin gbɛɛ ni a fɛ, miin ni Sadusii mɔɛ n na, an gbɛɛ too‑a wan yama yama Chisɔsi 'a sɔ mɔɛ chɛ n na. An gbɛɛ faa bɔ‑a wan.

GBOO SAA KƆYINDI KO A 1:22

Chu mɔɛ n tana, an toen mu kamaya koe n fan dɔ yen koe a, dan koe a a a. Mɔɛ chɛ n sin, miin ma Chu mɔ a, an mbe dan fan a a, ni an ta yiimatɛ‑a a fɔ an ye, mbɛ tea mu.