MATIU 15:31 - Yataa 'a Dɔbɛnɛ Nama

³¹ Mɔɛ chɛ n gbɛɛ tɛnɛ‑a wan a a, kɛn Chisɔsi‑a chɛ ma. An‑na a ɔ yen mumunɛ n koɔ‑a, namaa n tachɛ‑a, mbɛ ya te tɔɛ n‑na kaina yen. An‑na a ɔ yen fan to, miin bɛɛ boo n faen ni an ma, an baun‑da, a basan chɛ n na, miin chenɛ n faen ni an ma. Chɛ ko a, an‑na tando be wan Yataa ma, Chu mɔɛ n ni Yataa min fai.

MATIU 15:31 ပူးပေါင်းရင်းမြစ်များ

MATIU 15:30

Mɔ sɛsɛ a sɔn‑da wan a ma. Mɔɛ chɛ n na‑a wan gbandi mɔ sɛsɛ a. Dɔ n namaaenɛ ɛ, dɔ nu, an fiondenɛ ɛ, dɔ n mumundenɛ ɛ, dɔ n boo faenɛ ɛ an ma, a basan an chenɛ a. An na‑a an gbɛɛ a Chisɔsi chen kɔɔ, a sin, a‑a an gbɛɛ baun fan.

MATIU 18:8

“A sin, ni i boo‑a i a dɛ ko yama ɔ, a tɛ a a, i ni a a dɛ. Ni i chenɛ wɛɛ‑a i a dɛ ko yama ɔ, a wɛɛ tɛ a a, i ni a a dɛ. Koe min na mu, tamban tɔɛ wɛɛ ɛ kuɔ fɔ fɔɛ ma sɔn‑da wan, ni a ma dɛ ni ko yama ɔ. Chɛɛ a ma nyin, i boo fea a kandenɛ ni ma, a basan i chen fea a, mbɛ i ta‑a ta ɔ, min mbe ee dufɛn kuɔ fɔ ko a.

MATIU 21:14

Mbɛ ya te tɔɛ dɔ nu, an bɛ tamban tɔɛ n na, an na‑a wan nɔ a tena Yataa 'a kata chɛ ɔ, mbɛ a‑a an baun.

MATIU 8:10

Chisɔsi tɛnɛ‑a wan a a, bai chɛ a min koe a. Mbɛ a‑a a fɔ fanka wa chɛ ma, min ni a sɔ tena a fɛ, a ɔ, “N ni a ma din wo tena, mbɛ kɛn gba, n ma mɔ bonda chɛ yen nin bɛ Isɔɛɛ mɔɛ n gbɛɛ tɛ ɔ, min danden mu ka n na.

MATIU 9:32

Kamin fea chɛ nu, miin ya a ka‑a ka, an mbe ta‑a, mbɛ a yen ko, mɔɛ n na‑a kamin dɔndɔ a. A nii koɔ, koe min na mu, nyina yama an ni a fɛ.

MATIU 9:33

Chisɔsi‑a nyina yama chɛ gbain kɛn dechee kamin chɛ fɛ, mbɛ a ya kɔɔɛ a, a bun‑da koɔ‑a. Mɔɛ chɛ n gbɛɛ, miin ni nɔ, an da ɔ gbaa‑a wan. Mbɛ an dɔ, “Kɛn gba, nn ma ko bonda chɛ sima ɔ yen nin bɛ Isɔɛɛ mɔɛ n 'na chɛnyɛ gbɛɛ ɔ.”

MATIU 9:8

Mɔ fanka chɛ, miin ni ka nɔ, an‑na chɛ ɔ yen kɛn, an chian‑da wan. Mbɛ an‑na Yataa tando, gbasaya sima chɛ be koe a mɔ gbu ma.

MAKI 2:12

A ya kɔɔɛ a, an gbɛɛ ya to‑a ka wan kamin chɛ a, a‑a a kɔɔ sɔ, a‑a a 'a yaa ya, mbɛ a ta‑a gbae. An gbɛɛ da ɔ gbaa‑a wan gbechee, mbɛ an‑na Yataa tando. An dɔ, “Nn ma koe ɔ yen nin bɛ, yɔ chɛ nyɔn sima.”

MAKI 7:37

A sin, mɔɛ miin gbɛɛ na‑a a min, an da ɔ gbaa‑a wan gbechee. An dɔ, “Gba! A kosan a 'a wai chɛ‑a. Ɛ a ma wan too gbee tɔɛ wɛɛ ni koe a min, mumunɛ ni koɔ.”

MAKI 9:43

A sin, ni i boo‑a i a dɛ ko yama ɔ, a tɛ a a, i ni a a dɛ. Koe min na mu, tamban tɔɛ wɛɛ ɛ kuɔ fɔ fɔɛ ma sɔn‑da wan, ni a ma dɛ ni ko yama ɔ. Chɛɛ ni i dɛ‑a ko yama ɔ, i boo fea a kandenɛ ni ma wɛɛ, e ta ta an dɔ, min mbe ee dufɛn kuɔ fɔ ko a.

DUKU 14:13

Chɛɛ ni i‑a daun chɛ bɛnɛ ɔ bɛn, chɛ n chee miin yɔnden mu. Namaa n chee, i ni tamban tɔɛ n chee, a basan ya te tɔɛ n na.

DUKU 14:21

“Mbɛ bɔi den chɛ yɛ‑a, mbɛ a‑a koe chɛ n gbɛɛ ɔ yian a kun ti chɛ a. Kun ti chɛ faa tɛ‑a wan gbeden, mbɛ a‑a a fɔ bɔi den chɛ ye, a ɔ, ‘A a gbandia, i ni ta chia kuu chɛ n na, a basan duu tɔnkɔnɛ n gbɛɛ ɔ, i ni na yɔn tɔɛ n na, ya te tɔɛ nu, a basan namaa n na.’

DUKU 18:43

A ya kɔɔɛ a, kamin chɛ ya a ka‑a, mbɛ a‑a kaina yen gbadan. Mbɛ a‑a a sɔ Chisɔsi fɛ, ɛ ta‑a Yataa tando‑a. Mɔ fanka fanka chɛ‑a koe chɛ ɔ yen kɛn, an gbɛɛ‑a tando be wan Yataa ma.

DUKU 7:16

Chiandia‑a an gbɛɛ bia wan, mbɛ an‑na Yataa tando, an dɔ, “Yataa 'a gbonka chɛ mɔ wa na‑a mmɔ tɛ ɔ. A sin Yataa na‑a a 'a mɔɛ n baun koe a.”

CHƆN 9:24

Mbɛ an kamin chɛ, min fionden ni ka a kɔma a, an‑na a chee to, a gba fean bɔɛ ko a. Mbɛ an dɔ, “Yataa ɛ i yen tena wan i sɔ gba chɛ ɔ, tea fɔ wɛɛ nn ye, a tɔɛ ko a. Nn danden fan mu a a, mbɛ kamin chɛ, mbɛ ko yama ma mɔɛ mu a a.”