MATIU 15:27 - Yataa 'a Dɔbɛnɛ Nama

²⁷ Mbɛ musu chɛ ɔ, “Mansa, i‑a tea fɔ. Chɛɛ wuu miin bɛɛ ɛ ma si ɔ den mɛsɛ n baima, ni an da a pɛɛ bea‑a duu ma, an mbe a daun fan.”

MATIU 15:27 ပူးပေါင်းရင်းမြစ်များ

MATIU 15:26

Mbɛ a ɔ, “A ma nyin mɔ ni den mɛsɛ n 'na daun fenɛ bɔ an da a, i ni a be wuu n ma.”

MATIU 15:28

Mbɛ Chisɔsi ɔ te gbɛ, “E. Bɔɔɛ, i 'a danaya n ko a, a da a koo. I toen mu koe min na, n mbe a chɛ‑a wan i ye.” A tima chɛ a, Yataa‑a a 'a den chɛ baun fan.

MATIU 5:45

Ni wo‑a chɛ ma, wo e ma‑a wan Fa Yataa, min mbe banda bu ɔ, a gbɔgbɔɔ denɛ n na. Koe min na mu, a wan Yataa dɔndɔ gbe chɛ, an mbe a ma, mɔ yama n mbe tee ma sɔn, an basan mɔ chɛndɛ n bɛɛ a. Ɛ a ma wan to, mbɛ mɔɛ chɛndɛ n‑na sona ma sɔn, an basan mɔ yama n bɛɛ a.

MATIU 8:8

Chɛɛ soya gbakoo chɛ ɔ, “Fa, i ma ta n baa. A mu min na, mɔ a tenden ma n na i don koe a n 'na chenɛ a. Chɛɛ i da a kuiɛ a ben dechee, n 'na bɔi denɛ ɛ baun‑da wan.

MAKI 7:28

Chɛɛ musu chɛ ɔ, “Kai, wuu gbu wɛɛ ɛ ma si ɔ den mɛsɛ n baima, ni an da a pɛɛ bea‑a duu ma, an mbe a daun fan.”

DUKU 16:21

An ni chɛ ma, min mbe a ma, yɔn tɔɛ chɛ ɛ kun fan a ni daun fen pɛɛ mɛsɛ chɛ n sɔn sɔn a daun koe a a boo ɔ. A tima chɛ n na, wuu n bɛɛ ni na wan, an mbe a 'a tɛɛ chɛ n na fian fian.

DUKU 18:13

“Chɛɛ pawa kain mɔɛ chɛ sɔ‑a wan pɔɔ, a 'a ko yama maenɛ koa‑a a ma, a‑a a kunɛ a bun gbudu. Mbɛ a‑a a boo bun a kaa ɔ, a ɔ, ‘Yataa, chinchin n ma. Ko yama ma mɔɛ mu n na.’ ”

GBOO DOMI KO A 10:12

Mɔ ɔ mɔ ɛ wan chɛ ɔ. Koe min na mu, tɛ bɔ ee Chu mɔɛ n ma, an bɛ mɔɛ n na miin nii ma Chu mɔɛ n na. Mansa Yataa dɔndɔ gbe an mbe mɔɛ gbɛɛ ko a, a sin‑na mɔ ɔ mɔ dua wan chɛndɛ chɛ, mɔɛ min mbe a tɔɛ chee demanɛ ko a.

GBOO DOMI KO A 3:19

Mmɔ‑a a ɔ sɔn gbɛ sanche, mbɛ sawa chɛ‑a min gbɛɛ fɔ, a sien mu chɛ n fan ma, miin mbe sawa gbu kɔɔ. An mbe a ma, an mbe ee kafai kan kɔ kan be ko yama ma koe a. A sin to, ɛ a ma‑a wan Yataa ni kaa a tɛ, a si mmɔ gbɛɛ a ko yama ma.

GBOO DOMI KO A 3:29

Yataa ee dechee Chu mɔɛ n fan ko a, ɛ wan mɔɛ chɛ n bɛɛ ko a, miin ma Chu mɔɛ n na. Ɛ ka wan tea gbu a.

GBOO DOMI KO A 3:4

A an, chɛ ma ma wo 'a yiinachii ɔ. Mɔ gbu da a kuiɛ ma funka nin bɛɛ boo ɔ boo tima ɔ tima ko a, chɛɛ Yataa tana, ɛ a da a kuiɛ to wan a ma. A sin, a 'a gboo‑a a fɔ ka wan, a si Yataa wandi ma, a ɔ, “Ni a koɔ‑a tima ɔ tima, mɔɛ gbɛɛ‑a a ɔ yen fan, mbɛ a teaen fan mu. A sin to, mɔɛ min mbe kunɛ si‑a a kun ma, ni a koɔ‑a dechee, fanka ee ma‑a to a mɔɛ chɛ da a kuiɛ a, a mu min na, Yataa gbu ma ko yama ma ni.”

Gboo Ɛfisɔsi Ko A 3:19

A gbu sin nyin, n mbe samunɛ chɛ tena, wo ni a 'a koadia a tinsɔn. Chɛɛ a gbu sin, a ma koe a, mɔɛ ee min dɔ gbɛ, ɛnden bɛɛ a. Chɛ sin fan fɛ mu, wo sɔnɛ n ni ma yɔ Yataa wandi gbu ta.

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.