MATIU 15:26 - Yataa 'a Dɔbɛnɛ Nama

²⁶ Mbɛ a ɔ, “A ma nyin mɔ ni den mɛsɛ n 'na daun fenɛ bɔ an da a, i ni a be wuu n ma.”

MATIU 15:26 ပူးပေါင်းရင်းမြစ်များ

MATIU 15:25

Chɛɛ musu chɛ na‑a wan, mbɛ a bea‑a a chen na disa‑a, a ɔ, “Mansa, basan n ma.”

MATIU 15:27

Mbɛ musu chɛ ɔ, “Mansa, i‑a tea fɔ. Chɛɛ wuu miin bɛɛ ɛ ma si ɔ den mɛsɛ n baima, ni an da a pɛɛ bea‑a duu ma, an mbe a daun fan.”

MATIU 7:6

“Wo ma fen chɛ n be wuu n ma, Yataa ta mu fenɛ miin na. Ni wo‑a chɛ ma, an mbe an ya a yɛ‑a wan wo ma, mbɛ an‑na wo ma chin chin. A sin to, wo ma wo 'a fen baa gbandenɛ a bea kɔɛnya n ya ɔ. Ni wo‑a chɛ ma, an mbe tɛn tɛn‑da wan an dɔ.”

GBOO DOMI KO A 9:4

An mu Isɔɛɛ mɔɛ n fan na, Yataa‑a a boo sɔ miin ma, a ɔ, a ta mɔɛ mu an na. A na‑a an ma wan a 'a denɛ n na, mbɛ a‑a a ɔ yian an na, a kamayaen mu buɛ min dɔ. A na‑a a 'a dɔbɛnɛ n chɛ wan an na, mbɛ a‑a a 'a sawa wɛɛ be Mosisi ma an ko a. Yataa na‑a a ɔ yian fan to an na, an mbe a fai buɛ min dɔ teaya ɔ. Yataa na‑a tooɔdia sɛsɛ chɛ wan an na.

Gboo Kadesia Ko A 2:15

Mmɔ wandi gbu, mmɔ wɛn mu ka Chu mɔɛ n na, mmɔ ma mɔɛ chɛ n na, mɔɛ min nii sɔ ɔ Yataa 'a chia ma, mɔɛ miin ma ka Chu mɔ a.

Gboo Ɛfisɔsi Ko A 2:12

Chɛ ni ma wo yii ma, mbɛ a tima chɛ a, wo tɛ duen fan ni wo bɛ Chisɔsi Chasi a. A yɛ to, wo kaen fan ni mɔɛ tɔɛ n kaa a, a bɔ kuiɛ dɔndɔya dɔbɛn chɛ ɔ Isɔɛɛ mɔɛ n tɛ. A sin, wo ma‑a sonda n na, dɔbɛn nama chɛ kɔɔ, Yataa‑a Isɔɛɛ mɔɛ n too ɔ dia min na. Yataa ee wo boo ɔ, dunya chɛ ɔ, wo sin yii na ma tɛ ni fen kɔ fen ma.

Gboo Fiipai Ko A 3:2

Wo wo kun ma fɛn, wuu chɛ n boo ɔ, mɔ yama chɛ nu. An fɛn mbe mɔɛ n na kamincha ka, wo wo kun ma fɛn an boo ɔ.

KO Ɔ NUNDENƐ 22:15

Chɛɛ mɔɛ chɛ n nɛnɛ nu, wuu chɛ nu, an mbe ma‑a an duu wa chɛ fɛnsi kɔ wan. Mɔɛ nu, miin mbe suaya a, ni miin mbe ko tɛ a. Chɛ n bɛɛ miin mbe mɔɛ fa, ni miin mbe fenɛ n fai, min ma Yataa a. A basan chɛ n gbɛɛ a, miin toen mu fania koe n na, an sin mbe fania fɔ tima ɔ tima ko a.