MATIU 15:14 - Yataa 'a Dɔbɛnɛ Nama

¹⁴ Wo faa ma gbaa Fayisii mɔɛ chɛ n ko a. An maen fan mu yɔ ya te tɔɛ nu, miin toen mu an ni chia yian an bɔ ya te tɔɛ n na. Ni ya te tɔɛ‑a chia yian ya te tɔɛ a, an fea gbɛɛ ɛ bea wan sonɛ ɔ chia kuu a.”

MATIU 15:14 ပူးပေါင်းရင်းမြစ်များ

DUKU 6:39

Mbɛ Chisɔsi‑a tai chɛ tɛ an tena, a ɔ, “Ya te tɔɛ ee che chia yian‑da a bɔɛ ya te tɔɛ a. Ni a‑a chɛ ma, an fea gbɛɛ ɛ bea‑a wan sonɛ ɔ.

CHƆN 9:39

Mbɛ Chisɔsi ɔ, “N na‑a dunya chɛ ɔ, n ni mɔɛ n 'na ko yama n na bɔ ya a ma. Min mbe a ma, mɔɛ miin fiondenɛ ɛ, an ya ni kaina yen. Miin sin, an ya ɛ kaina yen, an ni ma fion tɔɛ n na.”

1 TIMOTI 6:5

An sin mbe ma an nyɔn dɔ sawan sawanɛ an na su ɔ tee a, mɔɛ miin yiima a ma ko ni, a sin tea sima wɛɛ ee a ɔ. Ɛ wan an yii ma, mbɛ Yataa koe ee ta nyanɛ gbaa.

2 PITA 2:1

Chɛɛ mɔ sɛsɛ n bɛɛ bɔ‑a wan suun, Isɔɛɛ mɔɛ n tɛ ɔ, an‑na fania fɔ, mbɛ Yataa 'a gbonka chɛ mɔɛ mu an na. A chia dɔndɔ gbe chɛ a mu, fania kan chɛ mɔɛ n mbe bɔ‑a wo wɛɛ tɛ ɔ. An mbe fania kanɛ chɛ‑a wan, min mbe na kasaa a. An mbe mansa chɛ kɔɔsa bia wan, a wɛn‑na an kun ka. Chɛ sin fan mbe a ma‑a, an ni na kasaa a an fandi kun ma.

2 PITA 2:17

An mɔɛ chɛ nu, mɔ a tenden ma an na, yɔ yii mɛsɛ mɛsɛ nu, ni an gbaa‑a. An maenɛ ɛ to yɔ banda gbii, fia wa ɛ ben min na. Yataa‑a kaina ɔ bɛn an ko a, pimbi pimbi wa ɔ.

KO Ɔ NUNDENƐ 19:20

Mbɛ an‑na soe yama chɛ bia wan, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. A‑a kamaya koe n ma wan an soe yama chɛ ya kɔɔɛ ma. An koe chɛ n fan na‑a mɔɛ chɛ n bun, miin na‑a soe yama chɛ 'a nyɛnɛ sa an ma, miin bɛɛ na‑a fen chɛ fai, fenɛ min bɔen ni soe yama chɛ a. Soe yama chɛ, an fea soe yama fean bɔɛ chɛ a, an na dɛ‑a wan ta man ba chɛ ɔ, sen gbandima wa faen ni min na.

KO Ɔ NUNDENƐ 22:15

Chɛɛ mɔɛ chɛ n nɛnɛ nu, wuu chɛ nu, an mbe ma‑a an duu wa chɛ fɛnsi kɔ wan. Mɔɛ nu, miin mbe suaya a, ni miin mbe ko tɛ a. Chɛ n bɛɛ miin mbe mɔɛ fa, ni miin mbe fenɛ n fai, min ma Yataa a. A basan chɛ n gbɛɛ a, miin toen mu fania koe n na, an sin mbe fania fɔ tima ɔ tima ko a.