MATIU 14:31 - Yataa 'a Dɔbɛnɛ Nama

³¹ Mbɛ Chisɔsi‑a a boo a ta, a‑a a bia a boo ma, a ɔ, “Danaya min mbe i ɔ n ko a, a ɔ dɔɔ. Fen‑na a ma i sika‑a?”

MATIU 14:31 ပူးပေါင်းရင်းမြစ်များ

MATIU 14:30

Chɛɛ a‑a a yen kɛn, fia‑a yii yaua, a chian‑da, mbɛ a bun‑da tunɛ‑a. Mbɛ a‑a yee tɛ, a ɔ, “Mansa, n deman.”

MATIU 14:32

An mbe sɛ‑a dechee dɛndɛ chɛ ɔ, fia gbu ɔ tɛ‑a.

MATIU 16:8

Chɛɛ Chisɔsi na‑a a ɔ sɔn fan, an ni koe min tɛnsɛ tena an nyɔn tɛ ɔ. Mbɛ a‑a a fɔ an ye, a ɔ, “Wo 'a danaya ɔ dɔɔ n ko a. Ni chɛ ma, wo yiima nii ta biidi ko ɔ.

MATIU 17:20

Mbɛ a ɔ an ma, “Danaya a tenden mbe ee wo ɔ Yataa ko a. Chɛ an‑na a ma, wo ma che ni nyina chɛ gbain‑da kaien chɛ fɛ. N ni a ma din wo tena, mbɛ ni danaya ɛnden bɛɛ yɔ chin fen kuu dɔɔma ɛndenɛ wɛɛ, a ma‑a wo ɔ Yataa ko a, ko ɔ ko ee ma‑a nɔ, wo ee che‑a min ma‑a. Wo e kun‑da wan wo ni a fɔ kɔnkɔɛ chɛ ye, wo ɔ, a ni a wandi kuɛn, wo ɔ, a ni ta kaina dɔ mende, mbɛ a kuɛn‑da.”

MATIU 6:30

Yataa an mbe kɔnɛ chɛ n ma chii, kɔnɛ min mu ɛ nɛ bi, mbɛ sinan a tɛ‑a, mbɛ wo‑a a minda. Ni ɛ ka wan, wo ma chii koe tana, a mu a ma gbɔsɔɛ an na. Wo 'a danaya ɔ dɔɔ gba.

MATIU 8:26

Mbɛ Chisɔsi ɔ, “Fen chiandia e nɛ? Wo 'a danaya Yataa ko a, a dɔɔ.” Mbɛ a‑a a kɔɔ sɔ, a‑a yii chɛ, an fea fia a, min bɛɛ ni bɔ tena, a‑a an na gban. Mbɛ fia ɔ maun‑da don, mbɛ yii wɛɛ si‑a chidi.

MAKI 1:31

Mbɛ a ta‑a musu chɛ tena, a‑a a bia a boo ma, mbɛ a basan‑da a ma, a kɔɔ sɔ koe a. Mbɛ chima gbu bɔ‑a a ɔ, a bun‑da tawa chɛ‑a an ye.

MAKI 1:41

Chinchincha‑a Chisɔsi gboo fa wan gban. Mbɛ a‑a a boo a ta, mbɛ a tu‑a kamin chɛ a. A ɔ, “A a di n ye, i ni bauncha ma sɔn. Baun gbɛ gbandi chɛ ɔ.”

MAKI 11:23

N ni a ma din wo tena, mɔ ɔ mɔ min mbe a fɔ‑a kɔnkɔɛ chɛ ma, a ɔ, a ni kuɛn, a ni ta, a ni si yii wa ɔ, ni sika ee a ɔ Yataa a, ɛ ma wan. Ni a danden fan mu a a dechee a faa ɔ, mbɛ ɛ koe min dɔ tisa tena, ɛ kun fan a ni ma, Yataa ɛ a ma wan a ye.

MAKI 16:7

Chɛɛ wo ta gbɛ, wo ni a ɔ yian a fɛ denɛ n na. Wo a ɔ yian Pita wɛɛ a, wo ɔ, ɛ sɔ ɔ wo ya ɔ, a ta Kadidi chɛnyɛ ɔ, wo ɔ, nɔ mu wo e a yen‑da, yɔ a na‑a a fɔ buɛ min dɔ tee wo ye.”

MAKI 4:40

Mbɛ Chisɔsi ɔ a fɛ denɛ n ma, a ɔ, “Wo nii chian. Tima an nɛ gbɛ, wo ni wo kai fa n na.”

MAKI 5:41

Chisɔsi‑a denɛ gbu ya ka wan a boo ma, mbɛ a ɔ, “Den den, n dɔ, i ni i a sɔ.”

DUKU 24:34

an mbe a fɔ‑a, an dɔ, “Mansa Chisɔsi‑a a kɔɔ sɔ, tea tea a. A bɔ‑a wan Saimɔn ya a.”

CHISƆSI 'A SƆ MƆƐ NU 4:30

A ma mɔɛ n ni i 'a gbasaya ɔ yen, i 'a baun chɛ ɔ. Gbasaya be nn ma, nn ni kun a ma‑a, kamaya ko wa n ni ma, i 'a wai chɛ mɔɛ Chisɔsi tɔɛ ɔ, min mbe tenchen i ko a.”

1 TIMOTI 2:8

Ɛ n ta faa ɔ, mbɛ mɔ kaima nu kan kɔ kan an ni samunɛ chɛ Yataa tena. Ni an sin ma‑a a chɛ‑a, an tandenɛ ni ma, an faa ee tɛ, an mbe ee koɛ wɛɛ chɛ.

1 PITA 1:5

Wo danɛ min chɛ‑a Chisɔsi Chasi a, an fɛ mu Yataa ɛ wo kun ma fɛn tena gbasaya ɔ, aan wo ni bauncha ma sɔn. Wo e an bauncha chɛ sin ma sɔn‑da tee dankama tee ma wan.