MATIU 14:3 - Yataa 'a Dɔbɛnɛ Nama

^3-4 Mansa Ɛdɔdi na‑a chɛ fɔ koe min na, a na‑a a kɔɔ kaima Fiipi 'a musu bɔ wan a boo ɔ, bɔɔɛ Ɛdɔdiyasi. Chɔn ni a fɔ wan a ye, mbɛ a‑a ko yama an ma ka. Ɛdɔdiyasi wakoe a, Mansa Ɛdɔdi‑a mɔɛ n sɔ Chɔn bia koe a. An‑na a chii, mbɛ an‑na a a dɛ pimbi chenɛ a.

MATIU 14:3 ပူးပေါင်းရင်းမြစ်များ

MATIU 11:2

A tima chɛ a, Chɔn min ni yii chɛ mɔɛ n kunɛ ɔ, Yataa chia a, a ni wan pimbi chenɛ a. Chɛɛ a‑a Chisɔsi Chasi ma tɔɛ a min kɛn, a‑a a fɛ denɛ dɔ n na ta wan Chisɔsi tena, min mbe a ma, an ni a wakoe ɔ gbɛ.

MATIU 14:6

Chɛɛ Chɔn ni pimbi chen chɛ an na, mbɛ Mansa Ɛdɔdi‑a mɔɛ n chee bɛnɛ ɔ, buɔdia bɔ koe a, a si a suun tee ma. Ɛdɔdiyasi 'a den musuma na‑a tɔmbɔɛ don fan mɔɛ chɛ n ya kɔɔ, min na‑a Mansa Ɛdɔdi faa chima kaka,

MATIU 4:12

A tima chɛ a, Chisɔsi‑a a a min, mbɛ an‑na Chɔn sa pimbi chenɛ a. Chisɔsi yɛ‑a wan Kadidi chɛnyɛ ɔ.

MAKI 6:14

Chisɔsi ma tɔ chɛndɛ ta‑a wan kan kɔ kan. Mbɛ a che‑a Mansa Ɛdɔdi ma, a‑a a ma tɔɛ a min. Mɔɛ dɔ n ni a fɔ wan, an dɔ, “Chɔn min ni yii chɛ mɔɛ n kunɛ ɔ, Yataa chia a, an yɛ‑a ka to fɔɛ ɔ. Chɛ an fɛ mu, gbasaya chɛ sima ɛ a boo ɔ, kamaya ko chɛ n ma koe a.”

MAKI 6:17

Mansa Ɛdɔdi wandi gbu, an na‑a mɔɛ n sɔ Chɔn bia‑a. A sin fan‑na a fɔ, an ni a sa yɔɔɛ a, pimbi chenɛ a. Mansa Ɛdɔdi na‑a chɛ ma Ɛdɔdiyasi an fɛ, a dɔɛ Fiipi 'a musu. A na‑a chɛ ɔ sɔn bɛɛ boo ɔ boo, a‑a a ma wan a 'a musu a.

MAKI 6:19

Chɛ ko a, Chɔn ko don‑da wan Ɛdɔdiyasi ma kaka, a sin, a toen ni an ni Chɔn fa. Chɛɛ Mansa Ɛdɔdi an na‑a a ma, a nii kun Chɔn fa koe a.

MAKI 6:22

Mbɛ Ɛdɔdiyasi 'a den musuenɛ ta‑a bɛn chɛ ɔ, a‑a a don nyima nyima. Chɛ‑a a ma wan, Mansa Ɛdɔdi bu ɔ dia‑a, an bɛ a 'a sonda n na. Chɛ ko a, Mansa Ɛdɔdi ɔ a ma, “I toen mu, n ni fen ko chɛ i ye? Ko ɔ ko e n dɔ tisa‑a min chɛ koe a i ye, n mbe an chɛ‑a.”

MAKI 8:15

Mbɛ Chisɔsi‑a an na si, a ɔ, “Yisinɛ min mbe Chu mɔɛ chɛ n boo ɔ, miin mu ka Fayisii n na, ni Mansa Ɛdɔdi 'a yisinɛ, wo wo kun ma fɛn a boo ɔ.”

DUKU 13:1

A tima dɔndɔ gbe chɛ a ni, mbɛ mɔɛ dɔ nu, miin bɛ ni Chisɔsi a, an‑na ko yama wa ɔ yian a a. Ko yama wa chɛ na‑a ma mɔɛ dɔ n fan na, miin na‑a ka Kadidi chɛnyɛ ɔ. An na‑a na Yataa 'a kata ɔ wan, min mbe a ma, an ni soe n minda, a be koe a Yataa ma an 'na yasi a. An to‑a yasi chɛ n fan bɔ‑a Yataa 'a kata chɛ ɔ, mbɛ Kɔfana Padeti‑a a ma, an‑na an fa. An faen chɛ a, an wii ɔ basan‑da wan soe chɛ n wii a, an na‑a miin bɔ ka yasi a.

DUKU 13:31

A tima dɔndɔ gbe chɛ a, Chu mɔɛ dɔ nu, miin ni Fayisii n na, an na‑a wan Chisɔsi tena, mbɛ an dɔ, “Bɔ nɛ, i ni ta kaina dɔ mende, koe min na mu, Mansa Ɛdɔdi toen mu a ni i fa.”

DUKU 23:11

Mbɛ a tima chɛ a, Mansa Ɛdɔdi an bɛ a 'a soya n na, an‑na Chisɔsi ma yɛn fan, mbɛ an‑na mauma mauma koe sɛsɛ sɛ a ma. An‑na doma kai nyima nyima don fan a ma, mbɛ a‑a a a yɛ Kɔfana Padeti tena.

DUKU 23:7

Mbɛ a‑a a ɔ gbɛ kɛn, mbɛ Chisɔsi ka‑a Mansa Ɛdɔdi 'a chɛnyɛ ɔ wan, a sin, a wan Mansa Ɛdɔdi ni wan Chuusaɛn duu ɔ a tima chɛ a, a‑a Chisɔsi a ta wan a tena.

DUKU 3:1

Chɛ ɔ mɛen gbakɔ, Sakaaya 'a denɛ Chɔn ni gbɛ fuinɛ ma wan, mbɛ Yataa koɔ‑a a tena. Chɛ ɛ ma‑a tima min na, Tibɛyɔsi ni a sanɛ tan kun ma duun bɔɛ an dɔ, Domi kun ti wa ya a. Pɔnchɔsi Padeti an ni kɔfana a Chudia chɛnyɛ ɔ. Kadidi chɛnyɛ sin dɔ kun ti tɔ ni Ɛdɔdi. A kɔɔ Fiipi wɛɛ ni kun ti an na Ituyia chɛnyɛ kun ma, a basan Takonitisi a. Abidini chɛnyɛ kun ti ni Disanyasi an na. Chu n 'na tɛ mɔ wa nu Yataa tena, an ni Anasi n fea n na Kayafasi a.

DUKU 8:3

Chowana wɛɛ ni to an musu chɛ n dɔndɔ an na, min chɛɛ ni wai chɛ tena Mansa Ɛdɔdi ko a. Susana wɛɛ ni wan nɔ, a basan musu sɛsɛ dɔ gbɛɛ n na. Musu chɛ n ni an fandi ta boo fenɛ n be wan Chisɔsi ma, an bɛ a fɛ denɛ n na, an ta basamaya a.

CHISƆSI 'A SƆ MƆƐ NU 12:1

Koe chɛ n gbɛɛ ni kɛn chɛ tena a ɔ, a tima dɔndɔ gbe chɛ a ni, Mansa Ɛdɔdi‑a a kuu sɔ ko ma gbaaenɛ sa‑a chɔchi mɔɛ dɔ n ma.

CHISƆSI 'A SƆ MƆƐ NU 4:27

Tea gbu sin ko a, nɛ ni Chuusaɛn duu chɛ ɔ, an‑na an kun puin kaina, i 'a wai chɛ mɔɛ Chisɔsi Chasi ma, min mbe tenchen i ko a. I‑a i boo sɔ an ma kunka mansa a. Mansa Ɛdɔdi, ni Kɔfana Pɔnchɔsi Padeti, an bɛ an na‑a an kun puin chɛ chɛ, an bɛ mɔɛ chɛ n na miin ma Chu mɔ n na, a basan Isɔɛɛ mɔɛ n gbɛɛ a, ko yama ma koe a kunka mansa chɛ a.