MATIU 14:2 - Yataa 'a Dɔbɛnɛ Nama

² Mansa Ɛdɔdi‑a Chisɔsi wakoe chɛ a min kɛn, mbɛ a‑a a fɔ mɔɛ chɛ n ye a baima, a ɔ, “Chɔn, min ni yii chɛ mɔɛ n kunɛ ɔ, Yataa chia a, an‑na a kɔɔ sɔ ka to a ka saya ɔ. Chɛ an fɛ mu, gbasaya chɛ sima ɛ a boo ɔ kamaya ko wa chɛ n ma koe a.”

MATIU 14:2 ပူးပေါင်းရင်းမြစ်များ

MATIU 11:11

N ni a ma din wo tena, mbɛ Chɔn, min mbe yii chɛ mɔɛ n kunɛ ɔ, Yataa chia a, mɔ ɔ mɔ ee wɛ nɔ dunya ɔ, min benden mu a ma. Chɛɛ mɔɛ den toa wɛɛ mɔɛ n tɛ ɔ, miin don‑da Yataa 'a mansaya kɔɔ, a benden mu a wan Chɔn sin ma.

MATIU 16:14

Mbɛ an dɔ, “Mɔɛ dɔ n mbe a fɔ tena wan, mbɛ i mu Chɔn fan na, min ni yii chɛ mɔɛ n kunɛ ɔ, Yataa chia a. Dɔ n sin mbe a fɔ wan, mbɛ i mu Yataa 'a gbonka chɛ mɔ dɔndɔ an na suun, min tɔ mu Idaicha. Mbɛ dɔ n sin dɔ, Yataa 'a gbonka chɛ mɔɛ chɛ wɛɛ suun, min tɔ ni Chɛyimaya, a mu i a. Dɔ n mbe ta‑a a fɔ‑a, an dɔ, Yataa 'a gbonka chɛ mɔɛ dɔ gbɛɛ mu i a.”

MATIU 3:1

Tima che‑a wan, mbɛ Chɔn, min mbe yii chɛ mɔɛ n kunɛ ɔ, Yataa chia a, a na‑a fuinɛ ma, Chudia chɛnyɛ ɔ. Mbɛ a bun‑da Yataa 'a bai sa‑a mɔɛ n tena.

MAKI 6:14

Chisɔsi ma tɔ chɛndɛ ta‑a wan kan kɔ kan. Mbɛ a che‑a Mansa Ɛdɔdi ma, a‑a a ma tɔɛ a min. Mɔɛ dɔ n ni a fɔ wan, an dɔ, “Chɔn min ni yii chɛ mɔɛ n kunɛ ɔ, Yataa chia a, an yɛ‑a ka to fɔɛ ɔ. Chɛ an fɛ mu, gbasaya chɛ sima ɛ a boo ɔ, kamaya ko chɛ n ma koe a.”

MAKI 8:28

Mbɛ an dɔ, “Mɔɛ dɔ n mbe a fɔ tena wan, mbɛ i mu Chɔn fan na, min ni yii chɛ mɔɛ n kunɛ ɔ, Yataa chia a. Dɔ n sin mbe a fɔ wan, mbɛ i mu Yataa 'a gbonka chɛ mɔ dɔndɔ an na suun, min tɔ mu Idaicha. Dɔ n mbe ta‑a a fɔ‑a, an dɔ, Yataa 'a gbonka chɛ mɔɛ dɔ gbɛɛ mu i a.”

DUKU 9:7

Mansa Ɛdɔdi, min ni Kadidi chɛnyɛ kun ma, a‑a koe chɛ n gbɛɛ a min, min ni ma tena gbɛ. A a fii‑a wan, koe min na mu, mɔɛ dɔ n ni wan a fɔ tena, mbɛ Chɔn, min ni yii chɛ mɔɛ n kunɛ ɔ, Yataa chia a, an yɛ‑a ka to fɔɛ ɔ.

CHƆN 10:41

Mɔ sɛsɛ na‑a wan, an‑na Chisɔsi tan. Mbɛ an nyɔn tɛ ɔ, an dɔ, “Chɔn nii ma kamaya ko kan kɔ kan ma ni. Chɛɛ bai n gbɛɛ, a‑a miin fɔ, a si kamin chɛ ma, an ma‑a tea a.”