MATIU 14:19 - Yataa 'a Dɔbɛnɛ Nama

¹⁹ A‑a a fɔ mɔ fanka chɛ ye, a ɔ, an ni si ben‑da bin gbii ɔ. Mbɛ a‑a biidi duu chɛ ya, a basan nyɛ fea chɛ a, a‑a a ya a si banda a, mbɛ a‑a tando be Yataa ma daun fen chɛ ko a. Mbɛ a‑a biidi chɛ ɔ kai kai, a basan nyɛ chɛ a, mbɛ a‑a a be a fɛ denɛ n ma, a du du koe a mɔɛ chɛ n ma. Mbɛ a fɛ den chɛ n‑na a ɔ du du mɔɛ chɛ n ma.

MATIU 14:19 ပူးပေါင်းရင်းမြစ်များ

MATIU 14:18

Mbɛ a ɔ, “Wo na an na nɛ.” Mbɛ an na‑a an na.

MAKI 6:39

Mbɛ Chisɔsi ɔ a fɛ denɛ n ma, a ɔ, an ni a ma, mɔɛ chɛ n ni si, an kuunɛ ma bin gbii ɔ.

MAKI 6:41

Mbɛ a‑a biidi duu chɛ ya, a basan nyɛ fea chɛ a, a‑a a ya a si banda a, mbɛ a‑a tando be Yataa ma daun fen chɛ ko a. Mbɛ a‑a biidi chɛ ɔ kai kai, mbɛ a‑a a be a fɛ denɛ n ma, a du du koe a mɔɛ chɛ n ma. Mbɛ a fɛ den chɛ n‑na a ɔ du du mɔɛ chɛ n ma. Nyɛ fea chɛ wɛɛ, a‑a a ɔ du du wan mɔɛ gbɛɛ ma.

MAKI 7:34

Mbɛ Chisɔsi‑a a ya a sɛ banda a. Mbɛ a kuun‑da dioo. Mbɛ a ɔ kamin chɛ ma, “A ɔ ni ka.”

DUKU 22:17

Mbɛ Chisɔsi‑a kɔpu ya, gbɛ ni min dɔ. Mbɛ a‑a Yataa wai bɔ, mbɛ a‑a a fɔ, a ɔ, “Wo kɔpu chɛ bia, mbɛ wo‑a chɛ sima kai kai a a wo nyɔn ma.

DUKU 22:19

Mbɛ a‑a biidi chɛ dɔndɔ ya. Mbɛ a‑a Yataa wai bɔ, mbɛ a‑a a ɔ kai kai, mbɛ a‑a a du du an ma, a ɔ, “N gboo an nɛ, n mbe min be tena wo ko a. Wo chɛ ma tima ɔ tima, wo yii na chii koe a n na.”

DUKU 24:30

Mbɛ an bɛ si‑a an na daun chɛ tena, mbɛ Chisɔsi‑a biidi ya, a‑a Yataa wai bɔ a ko a, mbɛ a‑a a tɛ kai, mbɛ a‑a a du an ma.

DUKU 9:14

Mɔ kaima miin ni nɔ, an taen fan ni wu duu nyɔn sima a. Mbɛ Chisɔsi ɔ, “Wo a ma mɔɛ chɛ n ni si an kuunɛ ma, bi duu duu ma.”

DUKU 9:16

Mbɛ Chisɔsi‑a biidi duu chɛ ya, a basan nyɛ fea chɛ a. Mbɛ a‑a a ya a si banda a, mbɛ a‑a Yataa wai bɔ daun fen chɛ ko a. Mbɛ a‑a an dɔ kai kai, mbɛ a‑a a be a fɛ denɛ n ma, a du du koe a mɔɛ chɛ n ma.

CHƆN 11:41

Mbɛ an‑na senɛ chɛ bɔ kamba chɛ da a. Chisɔsi‑a a ya a si banda a, mbɛ a‑a a fɔ, a ɔ, “Fa, n ni i wai bɔ, a mu min na, i‑a n 'na samunɛ a min fan.

CHƆN 6:23

Chɛɛ dɛndɛ dɔ gbɛɛ nu, an na‑a wan, a ka Tibɛyasi duu ɔ. An na‑a an kaina chɛ baima, Mansa Chisɔsi na‑a Yataa wai bɔ kaina min, mbɛ mɔ fanka wa chɛ‑a biidi chɛ daun.

CHISƆSI 'A SƆ MƆƐ NU 27:35

A sin, Pɔɔ ban‑da kɛn chɛ fɔ‑a an ye, mbɛ a‑a biidi ya, a‑a tando be Yataa ma an gbɛɛ ya kɔɔ, a‑a a ɔ kai kai, mbɛ a bun‑da a daun‑da.

GBOO DOMI KO A 14:6

An mɔɛ chɛ nu, miin mbe a ma tena, mbɛ tee ɛ wan nɔ, min mu tee wa a, an mɔɛ chɛ n mbe chɛ ma tena Mansa Yataa 'a basɔmaya an ko a. Mɔɛ chɛ nu, miin daun fen tɛ bɔ ee, an bɛɛ an mbe ma ka chɛ ma‑a Mansa Yataa 'a basɔmaya an ko a. Koe min na mu, daun fenɛ kan kɔ kan, an ni ma a daun‑da, an mbe Yataa wai bɔ pɛn, a be koe a an ma. Mɔɛ chɛ n bɛɛ, miin mbe an daun fenɛ tɛ bɔ, an bɛɛ ɛ ma ka basɔmaya be‑a Mansa Yataa an ma. Koe min na mu, an mbe ma ban‑da daun fen kan kɔ kan dɔ, an mbe Yataa wai bɔ wan, a ma koe a an ni ban a ɔ.

GBOO SAA KƆYINDI KO A 10:16

Ni mmɔ ma‑a Mansa Chisɔsi 'a tebu chɛ ma, a yɛ to, ni mmɔ ma‑a gbɛ min‑da kɔpu chɛ ɔ, mmɔ‑a Yataa fai min dua koe a, mmɔ ɛ ma ka Chasi wii an ma sɔn‑da kuiɛ dɔndɔya ɔ. A sin to, ni mmɔ‑a biidi ɔ kai, mmɔ ni a daun, mmɔ ɛ ma‑a ka Chasi gboo an ma sɔn‑da kuiɛ dɔndɔya ɔ.

GBOO SAA KƆYINDI KO A 10:31

Chɛ an fɛ mu, mɔ ni ma ko ɔ ko kan kɔ kan ma‑a, basɔmaya ni ma i boo ɔ Yataa ko a. A ni ma daun chɛ ko a, a ni ma fen min koe wɛɛ a.

GBOO SAA KƆYINDI KO A 11:24

Mbɛ a‑a Yataa wai bɔ, mbɛ a‑a a ɔ kai kai. Mbɛ a‑a a fɔ, a ɔ, “N gboo an nɛ, min mbe wo ko a. Wo chɛ ma tima ɔ tima ko a, wo yii na chii koe a n na.”

Gboo Kɔdɔsai Ko A 3:17

A sin, ni wo ma‑a ko ɔ ko ma‑a, wo da ɔ, ni wo chɛ chɛ wai n dɔ, wo an ma Mansa Chisɔsi tɔɛ ɔ. Ni wo ma‑a chɛ gbɛɛ ma‑a, wo Fa Yataa wai bɔ, Mansa Chisɔsi 'a gbasaya ɔ.