MATIU 14:13 - Yataa 'a Dɔbɛnɛ Nama

¹³ Chɔn fa koe chɛ‑a a fo kɛn Chisɔsi ma, mbɛ a sɛ‑a dɛndɛ ɔ. A ka‑a kaina chɛ a ni ka kaina, mbɛ a‑a chia bia a ta kaina ɔ maundenɛ. Chɛɛ mɔɛ n‑na chɛ a min kɛn, mbɛ an bɛɛ‑a an na sɔ duu sɛsɛ ɔ, an‑na a sɔ a fɛ an chen ma chia a.

MATIU 14:13 ပူးပေါင်းရင်းမြစ်များ

MATIU 10:23

Ni an‑na ko yawaenɛ sa wo ma duu min dɔ, wo ben bui a, a ta duu dɔ mende ɔ. Ka n ni chɛ ma din wo tena. Wo ee Chu duu chɛ n na bɛn‑da, mbɛ tima che‑a n na koe a. N fan, Mɔ Gbu 'a Denɛ, n mbe na‑a tima min na.

MATIU 12:15

Chisɔsi‑a a ɔ sɔn Chu mɔɛ chɛ nu, miin ni Fayisii n na, an ni an yii na chii tena, koe min ma koe a a. Mbɛ a ka‑a an kaina chɛ. A ni ta tena kɛn, fanka fanka bea‑a wan a fɛ. Mɔɛ miin gbɛɛ gbandien ni fanka chɛ tɛ ɔ, a‑a an baun fan,

MATIU 14:12

Chɛ gbakɔ, Chɔn fɛ mɔɛ n na‑a, mbɛ an ta‑a pimbi chen chɛ a, an‑na a su ya, mbɛ an‑na a tɔn. Mbɛ an ta‑a Chisɔsi tena, mbɛ an‑na a ɔ yian a a, koe min chɛ‑a a ɔ.

MAKI 1:35

Sayi ma pimbi ɔ, Chisɔsi‑a a kɔɔ sɔ, mbɛ a bɔ‑a chenɛ a. Mbɛ a‑a duu boo ka, a ta‑a, mɔ ɔ mɔ nii kaina min, mbɛ a‑a samunɛ chɛ.

DUKU 4:42

Banda ɔ ka da ma, Chisɔsi bɔ‑a wan duu ɔ, mbɛ a ta‑a kaina dɔndɔ, mɔ ɔ mɔ nii kaina. Mbɛ mɔɛ n‑na a kuu sɔ a yan‑da. An‑na a yen kɛn, an nii ma to ni to, a ni bɔ an 'na duu ɔ.