MATIU 13:47 - Yataa 'a Dɔbɛnɛ Nama

⁴⁷ Chisɔsi ɔ te to, “Yataa 'a mansaya maen fan mu to yɔ min ma‑a tai chɛ ɔ. Nyɛ gbain yaa, ɛ nyɛ n kondo wan yii wa ɔ, mbɛ a na‑a an na tindi ma. Nyɛ kan kɔ kan mbe ma wan a ɔ.

MATIU 13:47 ပူးပေါင်းရင်းမြစ်များ

MATIU 13:44

Chisɔsi ɔ, “Yataa 'a mansaya maen fan mu yɔ min ma‑a tai chɛ ɔ. Mɔ dɔndɔ‑a a kɔnkɔn fan nyanɛ a fii ɔ. Chɛɛ a ma a ya ni, a‑a a kun ma bun fan to chɛndɛ chɛ. Mbɛ a ta‑a, buɔdia wandi a, mbɛ a‑a a boo fenɛ gbɛɛ ma tachɛ kaina chɛ gbu san koe a, nyan chɛ ɛ ka nun dɔ min dɔ.

MATIU 13:46

A‑a a nyima nyima yen kɛn, min baa gbanden ba ni, a ta‑a wan, mbɛ a‑a a boo fenɛ gbɛɛ ma tachɛ kɔpɔɛ a, mbɛ a na‑a, a‑a a san.”

MATIU 13:48

Ni yaa chɛ sa‑a, mbɛ nyɛ n fa‑a a a, nyɛ gbain mɔɛ n mbe a sawan fan tindi ma. Mbɛ an si‑a, an bun‑da nyɛ chɛ n ya bɔ‑a. Nyɛ miin nyin ka a daun koe a, an mbe an chɛ wan samba ɔ. Chɛɛ nyɛ miin ma nyin ka a daun koe a, an mbe an nɛnɛ n na dɛ wan.

MATIU 4:19

Mbɛ Chisɔsi ɔ an ma, “Wo nyɛ gbain chɛ boo ka, wo bea n fɛ. Ni wo bea‑a n fɛ, n mbe wo kan‑da wan, wo e mɔɛ n na sɔn buɛ min dɔ na koe a n tena, yɔ nyɛ gbain mɔɛ ɛ nyɛ n na sɔn buɛ min dɔ.”

MAKI 1:17

Mbɛ Chisɔsi ɔ an ma, “Wo bea n fɛ. N ni wo kan, wo e kun buɛ min dɔ, wo ni na mɔɛ n na n tena, yɔ wo e nyɛ gbain buɛ min dɔ.”

DUKU 5:10

Chimisi wɛɛ tɛnɛ‑a wan a a, an fea Chɔn na, kai Sɛbɛdi 'a denɛ nu. An bɛ gbɛɛ ni an bɛ Saimɔn na wai chɛ a. Mbɛ Chisɔsi‑a a fɔ Saimɔn ye, a ɔ, “I ma chian, a mu min na, a ka gbɛ bi ma, aan a ta a nyɔn na, e ma‑a na‑a mɔɛ n fan na n tena, yɔ e nyɛ n bia buɛ min dɔ tee.”

CHƆN 15:2

N bonɛ kan kɔ kan, min mbe ee gbɔ chɛndɛ be, ɛ a ka wan a ma. N bonɛ min sin mbe ee gbɔ a tenden be, ɛ a tɛ‑a wan a a, min mbe a ma, a ni nyan chɛndɛ, mbɛ a gbɔ‑a wɔsɔkɔɔ.

CHƆN 15:6

Nn fea mɔɛ min na, nn mbe ee mɔ dɔndɔya ɔ, a mɔɛ chɛ ɛ ma‑a wan yɔ kɔnɛ bonɛ, ɛ tɛ‑a wan a a, mbɛ a gbaa‑a. Kɔn bonɛ gbaaenɛ bonda chɛ nu, mɔɛ n mbe an na sɔn‑da wan, an ni sa ta a, minda koe a sɔɛ a.

CHISƆSI 'A SƆ MƆƐ NU 20:30

A sin, tima ɛ che‑a wan, mɔɛ dɔ n ni bɔ wo wandi gbu tɛ ɔ, miin mbe bai n fɔ‑a, miin mbe ee a chia ma. An mbe chɛ ma‑a wan, mɔɛ dɔ n ka koe a Chisɔsi 'a chia ma, an ni bea an fɛ.

GBOO SAA KƆYINDI KO A 11:19

Tɛnɛ ko ma chɛ a n tena. A gbu nyin fan, wo ni ma sɔ ɔ wo nyɔn kanɛ ɔ. Chɛ an mbe a ma‑a, tea ɛ miin boo ɔ, an ma ni gbɛ chɛndɛ chɛ.

GBOO FEAN BƆƐ KƆYINDI KO A 11:26

N 'na tachɛ sɛsɛ n dɔ, n ni wan chianɛ kɔɔ, yii fa boo ɔ, a basan kanka n na. N ni wan chianɛ kɔɔ, n bɔ Chu mɔɛ n boo ɔ, ni mɔɛ chɛ n bɛɛ boo ɔ, miin ma Chu mɔ a. Ko ma chiandenɛ n ma‑a wan duu wa n dɔ, an ma‑a fuinɛ ma, an ma‑a kɔ yii a. N suun ma nyɔɛ chɛ n gbu wɛɛ Chasi ɔ, a wakoe ni sa ɔ dechee miin ya kɔɔɛ, chɛɛ a ee an faa ɔ, n chiandenɛ ni wan an ma.

Gboo Kadesia Ko A 2:4

Chɛɛ mmɔ suun ma nyɔɛ dɔ nu Chasi ɔ, a wakoe ɛ sa ɔ dechee miin ya kɔɔɛ, chɛɛ a ee an faa ɔ, an toen ni chɛ an na. A sin, an na‑a wan nn tɛ ɔ yɛdɛn, min mbe a ma, an ni nn na tɛ. An ni a ɔ gbɛ, Chisɔsi‑a mmɔ bɔ buɛ min dɔ sawa chɛ boo ɔ, mbɛ an‑na a ma to, mmɔ yɛ‑a an yɔncha ɔ.

KO Ɔ NUNDENƐ 3:1

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Sadisi duu ɔ. A ɔ, “N fan, mɔɛ chɛ, n fɛn ta mu Yataa 'a nyina wɔnfea chɛ a, tɔmbuaka wɔnfea chɛ n mbe n fɛn boo ɔ,” a ɔ, “n 'na sakana an nɛ.” A ɔ, “N‑na a ɔ sɔn fan, wo e tachɛ tena buɛ min dɔ. Wo tɔ a diama taen mu, mbɛ mɔɛ mu wo a, miin kai faen mu n na, chɛɛ n fɛ mɔ ma wo a ɛnden bɛɛ a.