MATIU 13:27 - Yataa 'a Dɔbɛnɛ Nama

²⁷ Mbɛ kamin chɛ 'a sɛn dɔ kaminɛ n na‑a a tena, mbɛ an‑na a fɔ, an dɔ, ‘Kai, binɛ‑a sɛnɛ gbu ya. Mɔ ma a ɔ sɔn bin bonda chɛ ka‑a kaina, mmɔ‑a chin fen suu chɛ ya bɔ wan kɛn chɛndɛ chɛ mmɔ e na a fɛn.’

MATIU 13:27 ပူးပေါင်းရင်းမြစ်များ

MATIU 13:25

Chɛɛ yɛɛ dɔndɔ ma, a ɛ kɛn sa ɔ chinɔɛ ɔ, an bɛ a 'a mɔɛ n na, a ko don ma nyɔɛ ta‑a wan sɛnɛ chɛ ɔ, mbɛ a‑a bin kuu fasi a ɔ, mbɛ a yɛ‑a yɛdɛn.

MATIU 13:26

Chin fen chɛ koa‑a wan dɔndɔ a, an fea bin chɛ a. Mɔ ma che ni an tɛ bɔɛ sɔn‑da aan chin fen chɛ bu ma‑a.

MATIU 13:28

Mbɛ a‑a a fɔ, a ɔ, ‘N ko don ma nyɔɛ an‑na wai si ka.’ Mbɛ an dɔ, ‘Nn toen mu nn ni bin chɛ kuu bɔ chin fen chɛ ya a.’

MATIU 20:1

Chisɔsi ɔ, “N‑na chɛ fɔ koe min na, Yataa 'a mansaya maen fan mu yɔ min ma‑a tai chɛ ɔ. Kamin dɔndɔ ni wan nɔ, yadi ni min boo ɔ. Mbɛ tee dɔndɔ a, a‑a a kɔɔ sɔ sau sau ma, mbɛ a ta‑a wan wai chɛ mɔ yan tena. A toen ni mɔɛ n fan na, miin mbe wai chɛ a 'a yadi chɛ ɔ, ɛ miin pawa tee ma.

GBOO DOMI KO A 16:17

N bɔ Chisianɛ nu, n mbe wo disa tena wo ni wo kun ma fɛn mɔɛ chɛ n boo ɔ. Mɔɛ chɛ nu, miin mbe mɔɛ n dɔ fasan, an mbe sɔnkɔ sɔnkɔɛ a bea an tɛ ɔ. Mɔɛ chɛ nu, miin mbe an bɔɛ n ka tea chia ma. A yɛ to, wo kan‑da ko chɛndɛ miin ma, an mɔɛ chɛ n mbe wo kan ko dɔ gbɛɛ n na, miin mbe ee a chia ma. Wo ma gbɛn an mɔ bonda chɛ n ma.

GBOO SAA KƆYINDI KO A 16:10

Ni Timoti che‑a wo ma, wo a ma wo ni a ɔ yian a a, mbɛ a che‑a ka a waa wan. Koe min na mu, ɛ ka Mansa Chisɔsi 'a wai an na, yɔ n mbe a a buɛ min dɔ.

GBOO FEAN BƆƐ KƆYINDI KO A 6:1

Nn bɛ an mbe wai chɛ tena dɔndɔ a, nn bɛ Yataa wandi a. Chɛ ko a gbɛ, nn mbe wo disa tena, wo wɛn‑na Yataa 'a koadia demanɛ ma sɔn, wo ni a bia wo boo fea a.

GBOO FEAN BƆƐ KƆYINDI KO A 6:4

Chɛɛ nn mbe min ma, nn 'na wai chɛ buɛ gbɛɛ ɔ, nn mbe nn tachɛ buɛ ma mɛn fan, yɔ Yataa 'a wai chɛ mɔɛ nu. A chia chɛ a, nn mbe nn faa bia wan ko gbɛama n dɔ, yakɔɔtawa n dɔ, a basan ko yawaenɛ n dɔ a.

CHIMISI 4:4

Wo ma danaya ni gba Yataa tena. Wo gbu‑a a ɔ sɔn fan, mbɛ ni dunya chɛ ko a dia‑a wo ye, mbɛ Yataa ɛ ma‑a wan wo chɛɛ ma nyɔɛ a. Chɛ an‑na a fɔ, ni dunya chɛ ma‑a mɔ ɔ mɔ koadia nyɔɛ a, Yataa ma‑a a mɔɛ chɛ chɛɛ ma nyɔɛ a.