MATIU 13:25 - Yataa 'a Dɔbɛnɛ Nama

²⁵ Chɛɛ yɛɛ dɔndɔ ma, a ɛ kɛn sa ɔ chinɔɛ ɔ, an bɛ a 'a mɔɛ n na, a ko don ma nyɔɛ ta‑a wan sɛnɛ chɛ ɔ, mbɛ a‑a bin kuu fasi a ɔ, mbɛ a yɛ‑a yɛdɛn.

MATIU 13:25 ပူးပေါင်းရင်းမြစ်များ

MATIU 13:24

Mbɛ Chisɔsi‑a tai dɔ mende tɛ to an tena, a ɔ, “Yataa 'a mansaya maen fan mu yɔ min ma‑a tai chɛ ɔ. Kamin dɔndɔ na‑a sɛnɛ sa wan, mbɛ a‑a chin fen suu chɛndɛ fɛn a ma.

MATIU 13:26

Chin fen chɛ koa‑a wan dɔndɔ a, an fea bin chɛ a. Mɔ ma che ni an tɛ bɔɛ sɔn‑da aan chin fen chɛ bu ma‑a.

MATIU 13:27

Mbɛ kamin chɛ 'a sɛn dɔ kaminɛ n na‑a a tena, mbɛ an‑na a fɔ, an dɔ, ‘Kai, binɛ‑a sɛnɛ gbu ya. Mɔ ma a ɔ sɔn bin bonda chɛ ka‑a kaina, mmɔ‑a chin fen suu chɛ ya bɔ wan kɛn chɛndɛ chɛ mmɔ e na a fɛn.’

MATIU 13:29

Mbɛ a ɔ, ‘A an. Wo e ma‑a a bɔ‑a, ɛ basan‑da wan chin fen chɛ a, mbɛ chin fenɛ yayi‑a.

MATIU 13:30

Wo a to nɔ, aan chin fenɛ tɛ tima ni che. An tima chɛ a, n mbe a fɔ‑a wan chin fen tɛ mɔɛ n ye, an mbe e na to chin fenɛ tɛ‑a, an ni binɛ pɛn kuu bɔ, mbɛ an‑na a a chii, an‑na a minda. Mbɛ a danka a, an‑na n 'na chin fenɛ sin na sɛ bea a.’ ”

MATIU 13:39

A sin fan mu n ko don ma nyɔɛ chɛ a, min‑na bin chɛ fasi chin fen chɛ ya a. Chin fen tɛ tima chɛ sin mu dunya danka an na, mbɛ a sin, chin fen tɛ mɔɛ chɛ n mu maeka n fan na.

MATIU 25:5

Kaminɛ min ni na tena musu si‑a, a ma fua ni na‑a. Chɛ‑a a ma wan, sunkun tɔngbɔɛ chɛ n gbɛɛ bun‑da ta‑a chinɔɛ a.

Gboo Kadesia Ko A 2:4

Chɛɛ mmɔ suun ma nyɔɛ dɔ nu Chasi ɔ, a wakoe ɛ sa ɔ dechee miin ya kɔɔɛ, chɛɛ a ee an faa ɔ, an toen ni chɛ an na. A sin, an na‑a wan nn tɛ ɔ yɛdɛn, min mbe a ma, an ni nn na tɛ. An ni a ɔ gbɛ, Chisɔsi‑a mmɔ bɔ buɛ min dɔ sawa chɛ boo ɔ, mbɛ an‑na a ma to, mmɔ yɛ‑a an yɔncha ɔ.

GBOO IBU MƆƐ N KO A 12:15

Wo tima ya, wo ma na wo kan kɔ sɔ koadia demanɛ a, Yataa ɛ min be. Wo dɔndɔ wɛɛ ma ma yɔ kɔn konama. Ni a koa‑a dechee, ɛ ma kɔn yama an na, a bɔɛ n tɛ ɔ.

1 PITA 5:8

Wo ma bɛndenɛ ni ma tima ɔ tima ko a, wo ya a kaenɛ ɛ. Wo chɛɛ ma nyɔɛ, Sitana, ɛ ben ben tena dau‑a, yɔ yaa ɛ ma mɔɛ yan‑da a nimisa koe a.

2 PITA 2:1

Chɛɛ mɔ sɛsɛ n bɛɛ bɔ‑a wan suun, Isɔɛɛ mɔɛ n tɛ ɔ, an‑na fania fɔ, mbɛ Yataa 'a gbonka chɛ mɔɛ mu an na. A chia dɔndɔ gbe chɛ a mu, fania kan chɛ mɔɛ n mbe bɔ‑a wo wɛɛ tɛ ɔ. An mbe fania kanɛ chɛ‑a wan, min mbe na kasaa a. An mbe mansa chɛ kɔɔsa bia wan, a wɛn‑na an kun ka. Chɛ sin fan mbe a ma‑a, an ni na kasaa a an fandi kun ma.

KO Ɔ NUNDENƐ 12:9

Fɔɛ fen ma chianden ba chɛ, a a bea‑a wan dunya ɔ, a ka banda bu ɔ. Ka kɔkɔ wa chɛ, min tɔ mu Sitana, nyina yama n 'na mansa, min mbe a ma mɔ gbu ɛ ko yama ma, a a bea‑a wan dunya ɔ, an bɛ a bɔɛ n na.

KO Ɔ NUNDENƐ 13:14

A sin, a 'a kamaya koe chɛ n‑na mɔɛ n gbɛɛ bun fan dunya ma, Yataa‑a a too ka a ma ka koe miin ma koe a, soe yama saa chɛ ya kɔɔ. Soe yama fean bɔɛ chɛ‑a a saa chɛ a gbasaya a tachɛ wan, a fɔ koe a mɔɛ n ye, an ni soe yama saa chɛ bɔ nyɔɛ nyan. Mɔɛ ɛ a yen, yɔ an na‑a an soe yama saa chɛ fa wan chɛɛ chɛ mɛ a, mbɛ a yɛ‑a to fɔɛ ɔ.

KO Ɔ NUNDENƐ 2:20

Chɛɛ n bu ɔ ma di chɛ a, a si wo ma. Wo ee ko ɔ ko ma tena, a si musu chɛ ma, Chɛsibɛɛ musu chɛ, min‑na a wandi ya Yataa 'a gbonka chɛ mɔɛ a. Chɛɛ ɛ kanɛ min chɛ tena, ɛ n 'na mɔɛ n sɔ tena chia yama an ma, an mbe ko yama tɛ‑a, a basan daun fen daunɛ a, min mbe bɔ yasi a fenɛ n tena, an mbe miin ya yataa a.