MATIU 13:20 - Yataa 'a Dɔbɛnɛ Nama

²⁰ Mɔɛ dɔ n sin mbe wan yɔ faa gban duu gboo chɛ, chin fen kuu n bea‑a min ma. Ni an‑na sakana bai chɛ a min, an mbe an boo si wan a kɔɔ, buɔdia wandi gbu a, a ya kɔɔɛ a.

MATIU 13:20 ပူးပေါင်းရင်းမြစ်များ

MATIU 13:19

Mɔɛ dɔ n mbe wan yɔ chia kuu a duu gboo chɛ, chin fen kuu n bea‑a min ma. Ni an‑na Yataa 'a sakana bai a min, a si a 'a mansaya ma, an mbe ee a ɔ gbɛ chɛndɛ chɛ. Mbɛ an nyina yama chɛ, Sitana, a na‑a a ya kɔɔɛ a, a‑a bai chɛ bɔ an yiima ɔ.

MATIU 13:21

Chɛɛ Yataa 'a bai chɛ ee si an yiima ɔ, tima ɔ yansama ko a. An mbe dan dechee a a tima kundu ɛnden fan ko a. Ni an‑na ko ma gbaaenɛ sa an ma dechee, sakana bai chɛ wako a, an mbe an boo bɔ wan a kɔɔ.

MATIU 7:8

Koe min na mu, mɔ ɔ mɔ min mbe a a tun‑da Yataa ɔ tisa koe a fen kɔ fen ko a, ɛ a be‑a wan an mɔɛ chɛ ma. Mɔ ɔ mɔ min mbe a a tun‑da a ya a kan‑da fenɛ a chɛndɛ chɛ, ɛ a yen‑da wan. Mɔ ɔ mɔ min mbe a a tun‑da chenɛ da tu koe a, Yataa ɛ a da a ka‑a wan a ye.

MAKI 6:20

Mansa Ɛdɔdi chianden fan ni Chɔn bakoe ma. Koe min na mu, Chɔn ni mɔ tandenɛ an na, Yataa chen kɔɔ, min ni tenchen Yataa ko a. Chɛ na‑a a ma wan, Mansa Ɛdɔdi‑a a konde gbain. A toen ni a too ma sɔ koe a, Chɔn ni ma koɔ‑a. Chɛɛ chɛ gbɛɛ ɔ, a da a bai ni Mansa Ɛdɔdi kɔndɔ fii wan, tima ɔ tima ko a.

CHƆN 5:35

Chɔn na‑a bai min sa, min ni yɔ manɛ wo tena, a na‑a a ma wan, wo bu ɔ dia‑a. Tima dɔ ko a, wo ma bɛnden fan ni a 'a bai a min koe a, min ni yɔ manɛ, a sin na‑a wo bu ɔ dia wan.

CHISƆSI 'A SƆ MƆƐ NU 8:13

Saimɔn wandi gbu wɛɛ, a tima chɛ a, a‑a a kai fa wan Chisɔsi a. Yii chɛ‑a wan a kunɛ ɔ, Yataa chia a, a sin, a nii ma ka ni to Fiipi fɛ. A da ɔ na‑a gbaa wan, a na‑a kamaya ko wa sɛsɛ chɛ n dɔ yen kɛn, Fiipi ni miin ma tena. An koe chɛ n sin ni a ɔ yian tena wan, mbɛ a 'a sakana bai chɛ ka‑a Yataa an tena.