MATIU 13:12 - Yataa 'a Dɔbɛnɛ Nama

¹² A mu min na, mɔɛ min gbɔsɔen mu Yataa 'a mansaya ɔ gbɛ koe a, a 'a yiimatɛ ma ɛ munda‑a wan, a sin, ɛ a ma sɔn‑da wan a chenama ɔ. Chɛɛ mɔɛ min gbɔsɔ ma Yataa 'a mansaya ɔ gbɛ koe a, ɛ fo‑a wan yiimatɛ ɛnden chɛ wɛɛ a, min mbe a ɔ.

MATIU 13:12 ပူးပေါင်းရင်းမြစ်များ

MATIU 21:43

Mbɛ Chisɔsi ɔ te gbɛ, “Chɛ an fɛ mu, n ni a ma din wo tena, mbɛ gbasaya min gbɛɛ ɛ wo boo ɔ, ma koe a Yataa 'a mansaya kɔɔ, Yataa ɛ a gbasaya chɛ bɔ‑a wan wo boo ɔ. Mbɛ a‑a a be mɔɛ chɛ n ma, miin mbe a faa ma koe n ma‑a.

MATIU 25:29

Koe min na mu, mɔɛ min mbe a 'a wai ma ti bia chɛndɛ chɛ, ɛ wai ma munda sɔn fan. Chɛɛ mɔɛ min mbe ee a 'a wai ɛnden chɛ ma ti bia, ɛ fo‑a wan an wai ɛnden chɛ wɛɛ a.

MAKI 12:9

Mbɛ Chisɔsi ɔ, “Wo ta yiima ɔ, ni yadi ti chɛ na‑a tima min na, ɛ fɛn ma‑a yadi kun ma fɛn mɔɛ chɛ n na? Ɛ na‑a wan, a ni an yadi kun ma fɛn mɔɛ n kasaa, mbɛ a‑a a don a kun ma fɛn mɔɛ dɔ mende n boo ɔ.

DUKU 10:42

chɛɛ ko dɔndɔ gbe an ma biaen mu a ma koe a. Mɛi ɛ ka sɔ chia gbu an ma, mɔ ɔ mɔ ee a bɔ an chia chɛ ma.”

DUKU 12:48

Chɛɛ ni wai chɛ mɔɛ ma a ɔ sɔn a kun ti toen mu fen na, mbɛ a‑a ko dɔ mende ma, ɛ gbasi ma sɔn min ko a, ɛ gbasi ɛndenɛ an ma sɔn‑da. Ni a chenama ma‑a mɔ ɔ mɔ boo ɔ, a ni a wai chenama chɛ. I boo ɛ che‑a buɛ min dɔ a ma sɔn koe a, i ni a chɛ ka a buɛ chɛ ɔ, a ma sɛenɛ a.”

DUKU 16:2

Chɛ fɛ, a‑a mɔɛ a ta wan wai chɛ mɔɛ chɛ chee‑a. A na‑a kɛn, nyan tɔɛ chɛ‑a a fɔ wan a ye, a ɔ, ‘N‑na koe miin na min, a si i ma, an na ma di n ye.’ A ɔ, ‘Na,’ a ɔ, ‘i ni i konan a si i 'a wai gbɛɛ ma, e min chɛ tee.’ A ɔ, ‘A mu min na,’ a ɔ, ‘e ee che to ma‑a n boo fen kan kɔ kan kun ma.’

DUKU 16:25

“Chɛɛ Ebeami ɔ, ‘N 'na den, i yii na chii, mbɛ tima min na i ni fɔɛ ɔ, Yataa na‑a fen chɛndɛ kan kɔ kan be wan i ma, i toen ni min na. Chɛɛ Dasayɔsi tana, a na‑a ko yawaenɛ dechee an dɔ yen. Chɛɛ sanche gbɛ, ɛ gbɛ buɔdia wa an dɔ nɛ, i sin mbe tɔɔya ɔ.

DUKU 8:18

“Chɛ an‑na a fɔ, wo wo kun ma fɛn wo e wo too ma sɔ‑a buɛ min dɔ. A mu min na, miin mbe an too ma sɔ‑a chɛndɛ chɛ, Yataa ɛ an 'na yiimatɛ ma munda‑a wan. Chɛɛ mɔɛ miin mbe ee dɔn‑da an too ma sɔ‑a, yiimatɛ ɛnden chɛ wɛɛ min mbe ma‑a an dɔ, Yataa ɛ a ma‑a wan an ni fo a.”

DUKU 9:26

Ni mɔ ɔ mɔ ban‑da n dɔ, a basan n da a kuiɛ a, n bɛɛ, Mɔ Gbu 'a Denɛ, n mbe na‑a tima min na mansaya ɔ, n mbe ban‑da wan a ɔ. A tima chɛ a, n mbe ma‑a wan man‑da Fa Yataa 'a manɛ a, nn bɛ maeka n na.

CHIMISI 4:6

Chɛɛ Yataa 'a koadia demanɛ koo, min been mu mmɔ ma. Chɛ an fɛ mu, Yataa 'a gboo chɛ‑a a fɔ, a ɔ, “Yataa ma to ni dɔpanda tɔɛ n na, chɛɛ ɛ koadia demanɛ chɛ‑a wan mɔɛ chɛ n na, miin dɔ ma panda ni.”

KO Ɔ NUNDENƐ 2:5

Wo wo yii na chii, wo ni buɛ min dɔ a kɔma a, mbɛ wo‑a wo kan kɔ sɔ wo 'a ko yama n na, wo ni yɛ wo chɛ chɛ wai kɔma n dɔ. Ni chɛ ma, n mbe na‑a wan, mbɛ n‑na wo 'a dambo si fen chɛ ka a sɔ gba ɔ, n‑na a ya, wo tɔɔ koe a.