Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MATIU 13:11 - Yataa 'a Dɔbɛnɛ Nama

11 Mbɛ Chisɔsi ɔ, “Mɔɛ gbɛɛ nii ma min dɔ sɔn tee a si Yataa 'a mansaya ma, a‑a an dɔ yian wo a. Chɛɛ a nunden fan mu mɔɛ tɔɛ n ma sanche wɛɛ.

အခန်းကိုကြည့်ပါ။ ကော်ပီ




MATIU 13:11
40 ပူးပေါင်းရင်းမြစ်များ  

Mbɛ Chisɔsi fɛ den chɛ n‑na an ma na a baima, mbɛ an dɔ, “Fen mu i toen mu mɔɛ n kan koe a tai ɔ?”


Mbɛ Chisɔsi ɔ, “I duaen ba mu, Saimɔn, Chɔn 'na denɛ. A mu min na, mɔ gbu an ma koe chɛ ɔ yian ni i a. Fa min mbe banda bu ɔ, an‑na a ɔ yian i a.


Mbɛ Chisɔsi ɔ, “Mɔɛ gbɛɛ an mbe ee bai chɛ ɔ bia, mɔɔ dechee Yataa basan‑da miin ma.


Mbɛ Chisɔsi ɔ, “Ko yawaen chɛ, min mbe na tena n tan‑da, ɛ wo wɛɛ tan‑da wan. Chɛɛ n mbe ee che n faa ma ya a, si koe a n baima n 'na mansaya ɔ. Fa Yataa, an‑na an si tena chɛ n dɔ bɛn, mɔɛ chɛ n ko a, a‑a a boo sɔ miin ma.”


Chɛɛ n mbe ee che n faa ma ya‑a, si koe a n baima n 'na mansaya ɔ. Fa Yataa an‑na an si tena chɛ ɔ bɛn, mɔɛ chɛ n ko a, a‑a a boo sɔ miin ma.”


Mbɛ a ɔ an ma, “Mɔɛ gbɛɛ nii ma min dɔ sɔn tee a si Yataa 'a mansaya ma, a‑a an dɔ yian wo a. Chɛɛ mɔɛ tɔɛ chɛ nu, mmɔ bɛ ma miin na, n mbe koɔ an tena tai an dɔ.


Mbɛ a ɔ, “Mɔɛ gbɛɛ nii ma min dɔ sɔn tee, a si Yataa 'a mansaya ma, a‑a an dɔ yian wo a. Chɛɛ mɔɛ tɔɛ chɛ nu, n mbe koɔ an tena tai an dɔ. Min mbe a ma, an ya a kaenɛ ɛ ma‑a wan, an ni kaina fɛn, chɛɛ an mbe ee ko ɔ ko ɔ yen‑da. Mbɛ an mbe an too ma sɔ‑a wan, chɛɛ an mbe ee ko ɔ ko ɔ gbɛ‑a.”


Mbɛ a yɛ‑a to, a ɔ, “Kun chɛ gbu ko a mu, n‑na a fɔ wo ye, n dɔ, mɔ ɔ mɔ ee che na‑a n tena, mɔɔ ni Fa Yataa‑a gbasaya be a ma, a mɔɛ chɛ ma koe a n fɛ denɛ a.”


Mɔ ɔ mɔ min ma bɛnden mu, Yataa faa ma koe ma koe a, an mbe a ɔ sɔn, n mbe kanɛ min chɛ tena. A mɔɛ chɛ, an mbe a ɔ sɔn, ni n mbe Yataa da a bai an na ben tena. Chɛ ma, an mbe a ɔ sɔn, ni n mbe a chɛ tena n fandi kun ma an na.


Musu dɔndɔ an tɛ ɔ, min‑na a too ma sɔ nn ma, a tɔ ni Didia. A ka‑a Tiyatiya duu ɔ wan. A ni koa baa gbanden ba an ma tachɛ. Musu ni a a, min ni Yataa fai kaka. A ni kɛn a too ma sɔ tena nn ma, Mansa Yataa‑a a ma wan, a‑a a faa be bai chɛ ko a, Pɔɔ ni ka min fɔ‑a.


N suun ma nyɔɛ nu Chasi ɔ, tea ɛ wan nɔ, min dɔ nunden mu wo ma tee. N toen mu, n ni an tea chɛ an dɔ yian wo a. Ni wo sin‑na a ɔ gbɛ, wo ee a a tun‑da dɔpanda bɔ koe a. An tea gbu yen ko gbɛ. Chu mɔɛ n sɛsɛ na‑a tooɔgbɛa bɔ wan, dan koe a Yataa a. An sin mbe to‑a an tooɔgbɛa chɛ an dɔ aan, mbɛ wo wɛn ma Chu mɔ a, wo‑a wo kai fa Yataa a. Wo gbɛɛ, Yataa na‑a a boo sɔ ka wo ma, ma koe a a ta mɔɛ n na.


Mmɔ tando be Yataa ma. A wan mbe kun a ma‑a mmɔ gboo ɔ ee fa‑a, dan koe a a a. N mbe chɛ an fɔ wo ye, n mbe ma sakana bai chɛndɛ chɛ ɔ yian‑da wo a, a si Chisɔsi Chasi ma. A sin fɔen mu ka wan ko ɔ nunden chɛ wɛɛ ɔ, min na bɔ‑a ya a ma. An tea ɔ nunden chɛ, Yataa nii ma a ma ni mɔ gbu ni fua min dɔ sɔn‑da san sɛsɛ sɛsɛ ko a suun.


Chɛ n bɛɛ, n mbe na tena ka miin ma dan‑da, an ni ma wɛɛ n boo ɔ, koadia ni ma n faa ɔ. Gbasaya ni ma n boo ɔ, Yataa da a kuiɛ ɔ yian koe a mɔɛ n na. A ni ma n boo ɔ, koe gbɛɛ mɔ gbu ee kun min dɔ gbɛ koe a, n ni an dɔ gbɛ. A ni ma to n boo ɔ, n ni n kai fa Chisɔsi a gbeden, min mbe che a ma‑a, n ni a fɔ kɔnkɔɛ ma, n dɔ, a ni ka a gba ɔ, mbɛ a kuɛn‑da. Chɛ n gbɛɛ ni ma wɛɛ n boo ɔ, ni koadia ee n faa ɔ, mɔ ma n na.


Wo wo too ma sɔ koe chɛ ma, tea chɛ, min dɔ nunden ni tee. Mmɔ gbɛɛ, mmɔ ee na‑a fa a. Chɛɛ mmɔ gbɛɛ, mmɔ ma ɛ fan‑da wan.


Chɛɛ mɔɛ nu, Yataa Nyina ee miin fɛ, an mbe ee dɔn, an ni an boo si fen chɛ n kɔɔ, Yataa Nyina ɛ miin be. Koe min na mu, an mbe an ya wooya fenɛ n fan na. An mbe ee che an dɔ gbɛ‑a. Koe min na mu, Yataa Nyina dechee, an mbe a ma, mɔɛ n ni koe n dɔ gbɛ miin ka‑a Yataa tena.


Nn mbe bai sa wo tena, a si yiimatɛ an ma, Yataa‑a miin nun tee. A e na to dunya a dan‑da, a‑a a fɔ wan, mbɛ an yiimatɛ chɛ, an mbe na‑a basɔmaya a mmɔ tena.


Chɛ ko a, wo nn ya, mbɛ bɔi denɛ mu nn na, Chasi ko a. Nn‑na ko sɛsɛ ɔ sɔn fan, a si Yataa ma, mɔ dɔ gbɛɛ ma min dɔ sɔn. Nn sin fan yaen mu, a ɔ yian koe a mɔɛ n na.


Wo ta mɔgbuya, a a ma sɛ ni, a ni ben mɔ ɔ mɔ ta ma ɛnden bɛɛ a. Fen kɔ fen min mbe wo boo ɔ, Yataa an‑na a be wo ma. Ni wo‑a an ma sɔn Yataa an na, tea kan kɔ kan mbe ee wo boo ɔ, yonka tɛ koe a, yɔ wo ma an ma sɔn ni an na gbama a.


N mbe samunɛ chɛ tena to, Yataa ni a ma, wo ni a 'a manɛ yen, a ɔ sɔn koe a, fen chɛndɛ miin mbe a boo ɔ wo ko a. Wo wan, a‑a wo wɛn chee, ma koe a a ta mɔɛ n na. N mbe samunɛ chɛ tena to, wo ni a ɔ sɔn to, mbɛ wo too ɔ diaen mu dua miin na, an koo kaka.


a‑a a faa ma koe ɔ yian fan mmɔ a, min dɔ nunden ni tee mmɔ ma. A toen ni chɛ an ni ma, a sin, a‑a Chasi a na, an ma koe a.


Ko wa dɛgbɛ, an dɔ nundenɛ ɛ ka. Chɛɛ n mbe a fɔ tena, mbɛ a sien mu Chasi an ma, an fea chɔchi a.


Wo samunɛ chɛ to, n bɛɛ ko a. Yataa ɛ bai don‑da wan n da ɔ, n mbe min fɔ. A ni a ma, chianɛ ma na ma n dɔ, n da a ka koe a, n ni bai sa mɔɛ n tena, a si sakana bai chɛndɛ chɛ ma, min dɔ nunden ni mmɔ ma a kɔma a.


N‑na chɛ ma, min mbe a ma, wo wan, ni an fan, wo gbɛɛ ni wo faa gbɛa, mbɛ wo ko a dia‑a wo nyɔn ye, wo ni ma kuiɛ dɔndɔya ɔ. Chɛ ɛ a ma‑a wan, yiinatɛ chenama ni ma wo ɔ, koe ɔ gbɛ koe a chɛndɛ, ɛ na min na. An chia chɛ a mu, wo e Chasi wakoe ɔ gbɛ, min mu Yataa 'a koe ɔ nundenɛ a tee.


Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.


An ni an boo a chii tea chɛ ma, Yataa‑a min kɔɔ yian. An yiima, a ni ko, a si an tea chɛ ma.


Ni yiimatɛ ee wo ɔ, a ɔ sɔn koe a, Yataa toen mu wo ni ma buɛ min dɔ, wo a ɔ tisa. A ee ban‑da a be koe a wo ma. Koe min na mu, ɛ fen sɛsɛ be wan mɔ gbu ma, a bu ɔ diama ɛ.


Chɛɛ wo tana, Chisɔsi‑a a ma, Yataa Nyina ɛ wo fɛ, min‑na a ma, wo gbɛɛ‑a tea sɔn.


Chɛɛ wo tana, Chisɔsi ban‑da Yataa Nyina a yii‑a, ma koe a wo fɛ. Tima min na mu wɛ, Yataa Nyina ɛ wo fɛ, mɔ dɔ mende ma gbɔsɔ ee wɛ wo ma, wo kan koe a. Koe min na mu, Yataa Nyina chɛ, an mbe wo kan tena ko kan kɔ kan ma. A sin tea mu, fania kan kɔ kan ma. Chɛ an fɛ mu, wo wo boo a chii, ma koe a mɔ dɔndɔya chɛ ɔ Chisɔsi a, yɔ Yataa Nyina chɛ‑a wo kan min na.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ