MATIU 12:34 - Yataa 'a Dɔbɛnɛ Nama

³⁴ Wo yauaen ba chɛ nu yɔ ka. Bai chɛndɛ kan kɔ kan mbe ee che bɔ‑a wo da ɔ. A mu min na, mɔ gbu ɛ bai min sa, ɛ ka a faa ɔ wan.

MATIU 12:34 ပူးပေါင်းရင်းမြစ်များ

MATIU 12:35

A chia dɔndɔ gbe chɛ a, mɔ chɛndɛ ɛ ko chɛndɛ an ma, a mu min na, a faa ɔ gbɛen fan mu. Chɛɛ mɔ yama sin mbe ko yama an ma, a mu min na, a faa ɔ finden fan mu.

MATIU 15:18

Chɛɛ bai min mbe bɔ mɔ gbu da ɔ, ɛ ka mɔ yiima ɔ wan. A sin fan mbe mɔ ma nyamui Yataa ya kɔɔ.

MATIU 23:33

Wo yauaen ba chɛ nu yɔ ka. Wo ee kun wo ni wo kunɛ bɔ Yataa 'a mɔnɛ kɔɔ min mbe wo ko a. Yataa ɛ wo a ta‑a wan ta ɔ.

MATIU 3:7

Chɔn‑na a ɔ yen, mbɛ Chu mɔ kuun chɛ nu, an ni miin chee Fayisii nu, a basan chɛ n na, miin ni Sadusii a, an na‑a a tena. An dɔ, a ni yii chɛ an kunɛ ɔ, Yataa chia a. Chɛɛ a ɔ, “Wo yauaen ba chɛ nu, yɔ ka. Wo ee che wo nun‑da Yataa 'a mɔnɛ ma, min mbe wo ko a.

DUKU 3:7

Chɔn ni kɛn Chɔdan yii da a, mɔ fanka fanka ni na wan a tena, yii chɛ koe a an kunɛ ɔ, Yataa chia a. Mbɛ a ni a fɔ wan an ye, a ɔ, “Wo yauaen ba chɛ nu, yɔ ka. Wo ee che wo nun‑da Yataa 'a mɔnɛ ma, min mbe wo ko a.

DUKU 6:45

A chia dɔndɔ gbe chɛ a, mɔ chɛndɛ ɛ ko chɛndɛ an ma, a mu min na, a faa ɔ gbɛen fan mu. Mbɛ mɔ yama sin mbe ko yama an ma, a mu min na, a faa ɔ finden fan mu. Koe min mbe mɔ gbu faa ɔ, an mbe bɔ a da ɔ.”

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

Gboo Ɛfisɔsi Ko A 4:29

Ni wo ma‑a koɔ‑a, bai yama ma bɔ wo da ɔ. Chɛɛ bai miin nyin dechee a fɔ koe a, a tima chɛ kɔɔ, wo e an fan fɔ. Bai chɛ nu, miin mbe mɔɛ n faa ma nande, a yɛ to, miin mbe basan an ma.

Gboo Ɛfisɔsi Ko A 5:4

Wo ma maumaya ko ma, wo gbu sin ma kun dɔ ban bai sa. A yɛ to, wo ma damba dambaya koe ma. Koe chɛ n dɔndɔ wɛɛ, a ma ma bɛn ni an ma koe a. Chɛɛ wo e min ma, tima ɔ tima ko a, wo Yataa wai bɔ.

CHIMISI 3:2

Tima sɛsɛ ko a, mmɔ ɛ nyinamaya sɛsɛ bɔ wan, mmɔ gbɛɛ. Chɛɛ mɔɛ min mbe che tachɛ‑a fɔɛ ɔ, a ma nyinamaya bai sa ni, mabɔ ee an mɔɛ chɛ ma. A sin, ɛ kun fan tachɛ koe a a wandi gbu a.

1 CHƆN 3:10

Yataa 'a denɛ nu, ni Sitana 'a denɛ nu, mmɔ ɛ na tena an tɛ bɔɛ sɔn‑da ka wan. Mɔɛ min mbe ee tan‑da, Yataa 'a den ma a mɔɛ chɛ a, n mbe ee baa mɔɛ chɛ ma, min ma to ni a suun ma nyɔɛ a.