MATIU 12:32 - Yataa 'a Dɔbɛnɛ Nama

³² N fan, Mɔ Gbu 'a Denɛ, ni mɔ ɔ mɔ‑a n main, Yataa ɛ kun fan a ni a boo bɔ a ɔ. Chɛɛ ni mɔ ɔ mɔ‑a Yataa Nyina main, a ee a boo bɔ‑a a mɔ sima chɛ 'a main chɛ ɔ, dunya chɛ ɔ, a basan dunya nama a, min mbe na tena.

MATIU 12:32 ပူးပေါင်းရင်းမြစ်များ

MATIU 11:19

Chɛɛ n fan, Mɔ Gbu 'a Denɛ, n na‑a kɛn, n mbe daunɛ chɛ wan, a yɛ to, n mbe gbɛ min fan. An‑na a fɔ wan to, an dɔ, nun namaya tɔɛ mu n na, an dɔ, kɔn gbasi kai mu to n na. An dɔ te to, n fan mu pawa kain mɔɛ n dia nyɔɛ a, a basan mɔɛ tɔɛ n na, miin mbe ee sɔ ɔ Yataa 'a chia ma. Chɛɛ mɔɛ n mbe a ɔ yen‑da wan, mbɛ Yataa 'a yiimatɛ an mu tea tea yiimatɛ a. An mbe chɛ ɔ yen‑da koe n fan ma, mɔɛ chɛ n mbe miin ma‑a, mɔɛ chɛ nu, Yataa‑a a 'a yiimatɛ chɛ be miin ma.”

MATIU 12:31

Chɛ an fɛ mu, n ni a ma din wo tena, mbɛ Yataa ɛ a boo bɔ wan wo 'a ko yama kan kɔ kan dɔ, chɛɛ a ee a boo bɔ‑a a Nyina main koe ɔ.

MATIU 12:8

N fan, Mɔ Gbu 'a Denɛ, n fan mu mansa a suin tee ko a.”

MATIU 13:22

Mɔɛ dɔ n sin mbe wan nɔ yɔ wai duu gboo chɛ, chin fen kuu chɛ n bea‑a ka min ma. An mbe sakana bai chɛndɛ chɛ a min fan, chɛɛ dunya chɛ ɔ faagbaa, a basan faagbaa a si an mbe ma buɛ min dɔ an ni nyan, ɛ a ma wan fanka ee ma to Yataa 'a sakana bai chɛ a an tena.

MATIU 13:39

A sin fan mu n ko don ma nyɔɛ chɛ a, min‑na bin chɛ fasi chin fen chɛ ya a. Chin fen tɛ tima chɛ sin mu dunya danka an na, mbɛ a sin, chin fen tɛ mɔɛ chɛ n mu maeka n fan na.

MATIU 13:40

Tima min na dunya ɛ ban‑da, ɛ ma‑a wan yɔ an‑na bin chɛ a sɔn sɔn buɛ min dɔ, mbɛ an‑na a minda.

MATIU 13:55

N‑na a ɔ sɔn fan a mu nyɔn na. Chen sɔ mɔɛ chɛ 'a denɛ an nɛ, a 'a musu Mɛi‑a min suun. Nyɔn ma a dɔɛ n sɔn? Chimisi ni ma, ni Chosɛfi, ni Saimɔn, a basan Chudasi a.

MATIU 8:20

Mbɛ Chisɔsi ɔ, “Sonɛ n mbe fia ɔ, soe n boo ɔ, a sin konde n bɛɛ nyanɛ n mbe. Chɛɛ kaina kan kɔ kan mbe ee n boo ɔ, n fan, Mɔ Gbu 'a Denɛ, n mbe n gbɛnku kaina n ni n suin.”

MAKI 10:30

Yataa ɛ a kɔ‑a wan. Fen chɛ n gbɛɛ sanche, chenɛ n ni ma, suun ma nyɔɛ nu, de nu an bɛ denɛ n na, a basan sɛnɛ n na, Yataa ɛ a kɔ‑a wan an na dunya chɛ ɔ, si tena chɛmɛ dɔndɔ ko a. Chɛɛ a tima dɔndɔ gbe chɛ kɔɔ, ko ma gbaaenɛ ɛ si‑a wan an na. A sin, Yataa ɛ kuɔ fɔ fɔɛ be‑a wan an ma dunya nama ɔ, min mbe na tena.

MAKI 3:28

A ɔ, “N ni chɛ ma din wo tena, mbɛ Yataa ɛ mɔɛ n to‑a wan nɔ, an 'na ko yama n ko a, a basan main chɛ n na, an mbe miin chɛ n na.

MAKI 3:29

Chɛɛ ni mɔ ɔ mɔ‑a Yataa Nyina main, Yataa ee a boo bɔ‑a a mɔ sima chɛ 'a main chɛ ɔ. Chɛɛ a mɔɛ chɛ‑a ko yama ma, kuɔ fɔ ko a.”

DUKU 12:10

“A sin, n fan, Mɔ Gbu 'a Denɛ, ni mɔ ɔ mɔ‑a n main, Yataa ɛ kun fan a ni a boo bɔ a ɔ. Chɛɛ ni mɔ ɔ mɔ‑a Yataa Nyina main, a ee a boo bɔ‑a a mɔ sima chɛ 'a main chɛ ɔ.

DUKU 16:8

“Chɛ gbakɔ, kun ti chɛ‑a wai chɛ mɔ kafaen chɛ tando wan. A nii ma a tando ni a 'a kafaya chɛ an ko a. A na‑a a tando yiinadia chɛ an ko a, a‑a min bɔ. Dunya chɛ ɔ mɔɛ n yii na di kaka tachɛ koe a an nyɔn na, a ni ben Yataa 'a mɔɛ n ma.

DUKU 18:30

Yataa ɛ a kɔ‑a wan dunya chɛ ɔ gba sɛsɛ ko a, an fen chɛ a, min ni a boo ɔ a kɔ ma a. A yɛ to, Yataa ɛ kuɔ fɔ fɔɛ be‑a wan a ma dunya nama ɔ, min mbe na tena.”

DUKU 23:34

Mbɛ Chisɔsi ɔ, “Fa Yataa, i boo bɔ mɔɛ chɛ n 'na ko yama n dɔ. A mu min na, an ma a ɔ sɔn, an mbe ka koe min nyɔn sima ma tena.” Chisɔsi gbangbandenɛ gbakɔ, soya chɛ n‑na chɛ fenɛ chɛ wan a 'a koa n ko a, min mbe a ma, an ni a ɔ sɔn, ni mɔ dɔndɔɛ ɛ min ma sɔn.

DUKU 7:34

Chɛɛ n fan, Mɔ Gbu 'a Denɛ, n na‑a, n mbe daunɛ chɛ, a yɛ to, n mbe gbɛ min fan. Wo‑a a fɔ wan to, wo ɔ, nun namaya tɔɛ mu n na, wo ɔ, kɔn gbasi kai mu to n na. Wo ɔ te to, n fan mu pawa kain mɔɛ n dia nyɔɛ a, a basan mɔɛ tɔɛ n na, miin mbe ee sɔ ɔ Yataa 'a chia ma.

CHƆN 7:12

Mɔ fanka chɛ ni wan bai sɛsɛ sa‑a an da kɔɔ, a si Chisɔsi ma. An dɔ n dɔ, “Mɔ chɛndɛ an nɛ mɔna chɛ a.” Dɔ n sin dɔ, “A ee ka. Mɔ bun mɔɛ gbama an nɛ.”

CHƆN 7:39

Chisɔsi na‑a chɛ fɔ, a yii ni Yataa Nyina chɛ an ma, min mbe ma‑a mɔɛ n fɛ, miin kai faenɛ ɛ ma‑a a a. Chɛɛ a tima chɛ a, Yataa Nyina chɛ nii ma yii nin bɛ, a ni ma an mɔɛ chɛ n fɛ. Koe min na mu, Chisɔsi kɔɔ ni ma sɔ nin bɛ, a ka saya ɔ, a ni sɛ manɛ ɔ.

CHƆN 7:52

Mbɛ a bɔɛ chɛ n dɔ, “Aa, i wɛɛ ka‑a Kadidi wan? Yataa 'a gboo ɔ fɛn bɛ kan kɔ kan, e ee yiima chɛ yen‑da a ɔ. Yiima chɛ, mbɛ Yataa 'a gbonka chɛ mɔ dɔndɔ wɛɛ ɛ ka‑a wan Kadidi chɛnyɛ ɔ.” [

CHISƆSI 'A SƆ MƆƐ NU 3:19

Chɛ an fɛ mu, wo wo kan kɔ sɔ wo 'a ko yama n na, mbɛ wo‑a wo ya a mun Yataa ma, min mbe a ma, a ni a boo bɔ wo 'a ko yama n dɔ.

Gboo Ɛfisɔsi Ko A 1:21

Chasi chɛ, a 'a mansaya, a 'a gbasaya, a danka ee. A benden mu fen kɔ fen ma, dunya chɛ ɔ, a basan dunya a, min bɛɛ ɛ na tena. A benden mu nyina yama n 'na mansa n gbɛɛ ma.

1 TIMOTI 1:13

N na‑a a main fan, mbɛ n‑na ko ma gbaaenɛ si a 'a mɔɛ n na. Chɛɛ Yataa chinchin‑da wan n ma, koe min na mu, danaya nii n dɔ a tima a Chisɔsi Chasi ko a, a sin, n nii ma a ɔ sɔn n ni koe min ma tena.

1 TIMOTI 1:15

Tea bai yen ko, Chisɔsi Chasi na‑a dunya ɔ ko yama ma mɔɛ n baun koe an na. Kɔɔsa bia kan kɔ kan mbe ee chɛ ma, a sin mbe nyan fan mɔ ni dan a a. N fan Pɔɔ, ko yama ma mɔɛ n 'na mansa mu n na.

1 TIMOTI 4:8

Ni wai mɛsɛ chɛ ɛ gboo ɔ gbɛa be wan mɔ ma, mbɛ Yataa 'a wai sin nyin fan chia ɔ chia a. A mu min na, mmɔ‑a a 'a tɔnɔnɛ ma sɔn fan bi tee chɛ a, a basan ya ɔ ma a.

1 TIMOTI 6:17

N toen mu i ni a fɔ chɛ n ye, miin nyanden mu dunya chɛ ɔ, an ma dɔpandaya bɔ, an sin ma an yii sɔ an 'na nyanɛ ma, fenɛ mu a a, min ma namaen mu. Chɛɛ an ni an yii sɔ Yataa an ma, min mbe fen kɔ fen be mmɔ ma, mmɔ 'a buɔdia ko a.

2 TIMOTI 4:10

Demasi tana, a ka‑a n fɛ dunya chɛ ko a, a ta‑a Tɛsadonika duu ɔ. Kesensi ta‑a Kadesia chɛnyɛ ɔ, mbɛ Taitɔsi sin ta‑a Damatia chɛnyɛ ɔ.

TAITƆSI 2:12

A sin mbe mmɔ kan tena, mmɔ ni mmɔ boo bɔ Yataa sɔn baiya ɔ, a basan dunya ma buɔdia a. A yɛ to, mmɔ ni mmɔ wandi bia chɛndɛ, mmɔ tandenɛ ni ma, mmɔ ni ma Yataa sɔn mɔɛ a dunya chɛ ɔ.

CHIMISI 1:27

Mmɔ ɛ basan fan chiandenɛ n ma, an bɛ fuinya n na, ni an deman koe bɔ‑a. Mmɔ sin mbe ee a ma, dunya chɛ ɔ ko yama ma ni mmɔ wɛɛ ɔ chɛ. Chɛ an mu fɔɛ chɛndɛ a, mmɔ Fa Yataa toen mu min na, ma bɔ ee min ma.