MATIU 12:10 - Yataa 'a Dɔbɛnɛ Nama

¹⁰ A‑a a a tinsɔn fan, mbɛ mɔɛ chɛ n tɛ ɔ nɔ, kamin dɔndɔ ni wan nɔ, min boo dɔndɔɛ gbaaen ni a ma. A tima chɛ a gbɛ, Chu mɔɛ chɛ nu, miin ni Fayisii n na nɔ, an dɔ, “Nn ma a ɔ sɔn, ni mmɔ 'a sawa dɔnden fan mu, mmɔ ni mɔɛ a baun suin tee ma.” An‑na chɛ fɔ, koe min na mu, an toen ni an ni koɛ be a ma.

MATIU 12:10 ပူးပေါင်းရင်းမြစ်များ

MATIU 12:2

Mbɛ mɔɛ chɛ nu, miin ni ka Fayisii n na, an 'na tindanɛ, an‑na a fɔ, an dɔ, “Chisɔsi,” an dɔ, “a yen bɛ, i fɛ denɛ n mbe ka wai an chɛ‑a suin tee ma. An mbe ka koe min ma‑a, a ma nyin. Mmɔ 'a sawa ma a fɔ ni ka, mbɛ mɔɛ ɛ chɛ ma wan suin tee ma.”

MATIU 19:3

Chu mɔɛ chɛ dɔ nu, miin ni Fayisii n na, an na‑a wan a tena. An toen ni an ni a bia a chen kɔ. Mbɛ an dɔ, “Nn toen mu nn ni a ɔ sɔn, ni mmɔ 'a sawa dɔnden fan mu musu si kai ni a boo ka a 'a musu a, yɔ a toen mu a a buɛ min dɔ.”

MAKI 3:2

Mɔɛ dɔ n ni wan nɔ, miin toen ni an ni Chisɔsi bia a chen kɔ. An ni wan gbɛ a ma fɛn‑da, a ɔ yen koe a, ni ɛ kamin chɛ a baun‑da wan, suin tee wɛɛ ma.

DUKU 11:54

an mbe ta‑a butuinɛ chɛ‑a, min mbe a ma, an ni fɛɛ sa a ye, mbɛ an‑na a bia a chen kɔ, a da a bai ɔ.

DUKU 13:14

Chɛɛ kun ti chɛ samun chɛ chen chɛ a, a faa tɛ‑a wan kaka, koe min na mu, Chisɔsi‑a mɔɛ baun suin tee ma. Chɛ ko a, a ɔ mɔɛ chɛ n ma, “Tee wɔdɔ an mbe mɔ gbu ko a wai chɛ koe a wichi kan kɔ kan dɔ. Chɛ an‑na a fɔ, wo na a tee wɔdɔɛ chɛ tɛ ɔ, an ni wo baun wo 'a gbandi n dɔ. Chɛɛ wo ma na suin tee ma.”

DUKU 20:22

Chɛ an fɛ mu, a yen ko, mmɔ ɛ pawa chɛ tima ɔ tima Domi kun ti wa tena. I‑a pawa chɛ be koe yen ka ma, a nyin fan?”

DUKU 23:14

Mbɛ a ɔ, “Wo na‑a kamin chɛ a n chen kɔɔ, wo ɔ, ɛ mɔɛ n sɔ‑a chia yama ma. A yen ko gbɛ, n‑na a wakoe kɔɔ gbɛngbɛn wo gbɛɛ ya kɔɔ, chɛɛ n ma ko ɔ ko yen ni, a‑a min ma, min mu ko yama a, yɔ wo‑a a fɔ buɛ min dɔ.

DUKU 23:2

Nɔ ni, an‑na a kuu sɔ kunɛ si‑a a kun ma, an dɔ, “Kamin chɛ an mbe ben‑da nn 'na mɔɛ n sɔ‑a chia yama n ma, ɛ ta‑a a fɔ‑a an ye, a ɔ, an ma chɛnyɛ pawa chɛ Domi kun ti wa tena. Mbɛ a yɛ‑a, a‑a a wandi chee Chasi a, min mu mansa a.”

CHƆN 5:10

Chɛ‑a a ma wan, Chu mɔɛ n ya ɔ sɔɛ nu, an‑na a fɔ kamin chɛ ye, an dɔ, “Suin tee mu bi a, a sin, mmɔ 'a sawa ma dɔn ni a ma, i ni ma ka ben ben‑da i 'a waa a.”

CHƆN 5:3

Gbandi mɔɛ n sɛsɛ ni wan nɔ, an fanka wa, an mbe sa ɔ kuu chɛ n kɔɔ. Fion tɔɛ n ni wan nɔ, namaa n mbe nɔ, a basan chɛ n na, miin chenɛ faen ni an ma.

CHƆN 7:23

Wo ee che tandin‑da suin tee wɛɛ ɔ, wo 'a denɛ n 'na kamincha koe a, wo ma na sawa chɛ yɔn, min be‑a Mosisi ma. Chɛ an‑na a fɔ, wo faa ee che tɛ‑a n ma, koe min na mu, n‑na a ma, gbandi bɔ‑a mɔna chɛ gboo gbɛɛ ɔ, suin tee ma. Fen ko a wo faa ɛ tɛ?

CHƆN 8:6

An‑na chɛ fɔ, min mbe a ma, an ni Chisɔsi bia a chen kɔ, a da a bai ɔ, mbɛ an‑na kun yama si a kun ma. Chɛɛ a‑a a kunɛ a bun fan, a bun‑da nyɛnɛ sa‑a gbangbanɛ ɔ, a boo denɛ a.

CHƆN 9:16

Mbɛ Fayisii chɛ dɔ nu, an dɔ, “Mɔɛ min‑na chɛ ma, suin tee sawa yɔn koe a, an mɔɛ chɛ, Yataa an ma a sɔ ni a ma.” Chɛɛ an dɔ n sin, an dɔ, “Mɔ ɔ mɔ min mu ko yama ma mɔɛ a, a ee kamaya ko bonda chɛ sima ma.” Chɛ‑a a ɔ yian fan, mbɛ an kuiɛ a nii ma kan ni, a si Chisɔsi ma.