MATIU 11:25 - Yataa 'a Dɔbɛnɛ Nama

²⁵ A tima chɛ a, Chisɔsi‑a a fɔ, a ɔ, “Fa, n‑na i wai bɔ, i wɛn mu mansa a banda bu ɔ ni dunya ɔ. A mu min na, i‑a koe chɛ n dɔ nun fan chɛ nu ma, ɛ miin ta yiima ɔ, mbɛ an dɔ sɔen mu. Chɛɛ i‑a an dɔ yian fan chɛ n na, miin‑na an fandi a yii i tena.

MATIU 11:25 ပူးပေါင်းရင်းမြစ်များ

MATIU 16:17

Mbɛ Chisɔsi ɔ, “I duaen ba mu, Saimɔn, Chɔn 'na denɛ. A mu min na, mɔ gbu an ma koe chɛ ɔ yian ni i a. Fa min mbe banda bu ɔ, an‑na a ɔ yian i a.

MATIU 21:16

Mbɛ an‑na a fɔ Chisɔsi ye, an dɔ, “I‑a a a min, an mbe bai min fɔ tena?” Mbɛ Chisɔsi ɔ, “Mm, n mbe a a min tena wan. Chɛɛ ɛ wan n yii ma, mbɛ wo‑a a kan fan Yataa 'a gboo ɔ, mbɛ a 'a gboo kaka min‑na a fɔ, a ɔ, den toa an bɛ den mɛsɛ n na, Yataa‑a an kan fan a tando koe a chɛndɛ chɛ.”

DUKU 22:42

A ɔ, “Fa, ni i 'a dɔbɛnɛ mu, a ma ko yawaen chɛ ni ka n teen na. Chɛɛ chɛ gbɛɛ ɔ, n ta faa ma koe, an ma ma. Chɛɛ i ta faa ma koe, an ni ma.”

DUKU 23:34

Mbɛ Chisɔsi ɔ, “Fa Yataa, i boo bɔ mɔɛ chɛ n 'na ko yama n dɔ. A mu min na, an ma a ɔ sɔn, an mbe ka koe min nyɔn sima ma tena.” Chisɔsi gbangbandenɛ gbakɔ, soya chɛ n‑na chɛ fenɛ chɛ wan a 'a koa n ko a, min mbe a ma, an ni a ɔ sɔn, ni mɔ dɔndɔɛ ɛ min ma sɔn.

CHƆN 11:41

Mbɛ an‑na senɛ chɛ bɔ kamba chɛ da a. Chisɔsi‑a a ya a si banda a, mbɛ a‑a a fɔ, a ɔ, “Fa, n ni i wai bɔ, a mu min na, i‑a n 'na samunɛ a min fan.

CHƆN 12:27

“Sanche chɛ ɔ, n faa ɛ mɔnɛ tena. A sin, n ma a ɔ sɔn ni n mbe fen fɔ. N mbe che wan a fɔ‑a, n dɔ, ‘Fa, n kunɛ bɔ koe chɛ ɔ, n ya ɔ.’ Chɛɛ n na‑a chɛ gbu an ko a dunya chɛ ɔ, tima chɛ a.

CHƆN 12:28

Fa, i 'a kamaya ɔ yian dunya chɛ ɔ.” Mbɛ kuiɛ a min‑da, a ka banda bu ɔ, a ɔ, “N ban‑da a ɔ yian‑da mɔɛ n na, n kamayaen mu buɛ min dɔ, a sin, n mbe na‑a wan to a ɔ yian‑da an na.”

CHISƆSI 'A SƆ MƆƐ NU 17:24

Yataa, min‑na dunya a dan, a basan fen kɔ fen na, miin mbe a ɔ, an mu Mansa Yataa a dunya chɛ ɔ ni banda a. A sin mbe ee ma chenɛ a, mɔ gbu ɛ min sɔ a boo a.

GBOO SAA KƆYINDI KO A 2:10

Chɛɛ Yataa‑a koe chɛ n dɔ yian mmɔ a, a Nyina 'a gbasaya an dɔ, a‑a min na na mmɔ tena. Koe min na mu, Yataa Nyina chɛ ɛ ko ɔ ko kɔɔ gbɛngbɛn fan, a ni ma Yataa yii ma koe wɛɛ a.

GBOO FEAN BƆƐ KƆYINDI KO A 3:14

An gbu sin, tea ko a, an na‑a fo wan ko ɔ gbɛ yiimatɛ a. Koe min na mu, bi tee chɛ wɛɛ a, Yataa 'a dɔbɛnɛ kɔma chɛ, an mbe ma a kan‑da, a maenɛ mu yɔ an yiima ɛ koa an kɔɔ. Koa chɛ sin, min mbe mɔɛ yii kun ma, ɛ bɔ nɔ dechee tima min na, an nɛ tima chɛ a, mɔɛ ɛ ma tima min na mɔ dɔndɔɛ a Chisɔsi a.