MATIU 11:23 - Yataa 'a Dɔbɛnɛ Nama

²³ Wo wɛn sin mbe ka Kapanaun duu ɔ, wo‑a wo wandi a sɛ banda a, chɛɛ Yataa ɛ wo a yii‑a wan duu ma. N‑na kamaya koe miin ma ka wo 'a duu chɛ ɔ, ni Sɔdɔn mɔɛ n na‑a an dɔ yen fan, Sɔdɔn nii ma‑a duu tombo a bi tee chɛ a.

MATIU 11:23 ပူးပေါင်းရင်းမြစ်များ

MATIU 10:15

N ni a ma din wo tena, mɔ yama chɛ nu suun Sɔdɔn duu ɔ, an fea Komoa a, an mbe ee tɔɔya‑a, Yataa ɛ dunya gbɛmbo‑a tee min na, yɔ chɛ nu an duu chɛ ɔ, an mbe tɔɔya‑a buɛ min dɔ.”

MATIU 16:18

I tɔɛ ma sien mu Pita, min fasaien mu, faa gbanɛ a. Mɔɛ miin mbe an kai fa‑a n na, an mbe ma‑a wan yɔ chenɛ. N ni a ma din i tena, mbɛ n sin mbe chen chɛ sɔ‑a faa gban chɛ an ma. Gbasaya kan kɔ kan mbe ee ma‑a saya boo ɔ chen chɛ kun ma.

MATIU 17:24

Mbɛ Chisɔsi na‑a Kapanaun duu ɔ, an bɛ a fɛ denɛ n na. Mɔɛ miin ni pawa bia Yataa 'a kata ko a, an na‑a Pita tena, mbɛ an dɔ, “Wo 'a ticha chɛ, ɛ pawa chɛ wan Yataa 'a kata ko a, ae?”

MATIU 4:13

Chɛɛ a nii ma dɔn ni si koe a Nasaɛti duu ɔ. A na‑a ben fan, a ta Kapanaun. Kapanaun ni duu an na Kadidi yii daa baima, a sin, a ni Sɛbudɔn ni Nafadi tanda n tɛtɛ ma wan.

MATIU 8:5

Mbɛ Chisɔsi ta‑a Kapanaun duu ɔ. Soya gbakoo dɔndɔ ni wan nɔ, min ka‑a Domi chɛnyɛ ɔ. Soya chɛmɛ dɔndɔ an fan ni a kɔɔ. Chisɔsi ni kɛn don‑da nɔ, a na‑a wan Chisɔsi tena, disa ɔ.

DUKU 10:15

Wo wɛn sin mbe ka Kapanaun duu ɔ, wo‑a wo wandi a sɛ banda a, chɛɛ Yataa ɛ wo a yii‑a wan duu ma.”

DUKU 14:11

Koe min na mu, ni mɔ ɔ mɔ‑a a wandi a sɛ, Yataa ɛ a mɔɛ chɛ a yii‑a wan. Chɛɛ ni mɔ ɔ mɔ‑a a wandi a yii, Yataa ɛ a mɔɛ chɛ a sɛ‑a wan.”

DUKU 16:23

chɛɛ a ta‑a ta ɔ wan, a ni kaina tɔɔya wa ɔ. Mbɛ a‑a a ya a sɛ, mbɛ a‑a Ebeami yen pɔɔ, Dasayɔsi ɛ si ɔ a baima.

DUKU 4:23

Mbɛ Chisɔsi ɔ, “N danden fan mu a a, mbɛ wo e tai chɛ tɛ‑a wan a si n ma, min‑na a fɔ, a ɔ, ‘Danda chɛ mɔɛ, i wandi baun.’ Wo e a fɔ‑a wan to n ye, wo ɔ, wo‑a a a min fan, n‑na min ma Kapanaun duu ɔ, wo ɔ, n ni a nyɔn sima ma wɛ nɛ wɛɛ, n ta suun duu gbu ɔ.

CHISƆSI 'A SƆ MƆƐ NU 2:27

Koe min na mu, i wan Yataa ee n to‑a saya a boo ma. E ee dɔn‑da i 'a wai chɛ mɔɛ chɛ, n fɛn‑na n fandi be i ma, n su ni tui kamba ɔ.

CHISƆSI 'A SƆ MƆƐ NU 2:31

Mansa Defidi na‑a a ɔ yen fan, Yataa ni na tena koe min ma‑a ya ɔ ma. Chɛ sin ko a, a wan Defidi‑a bai sa wan, a si kunka mansa chɛ kɔɔ sɔ koe ma saya ɔ. Mansa Defidi‑a a fɔ wan, mbɛ Yataa nii ma Chasi to ni saya a boo ma, a sin ma a ma ni Chasi su ni tui kamba ɔ.

CHUDA 1:7

Sɔdɔn fea Komoa an bɛɛ mu to dɔndɔ an na. Duu wa fea chɛ nu, a basan konko mɛsɛ n na an 'na tindanɛ, an‑na ko yama sɛsɛ tɛ wan, an‑na Yataa 'a sawa sɛsɛ ka a chia ma. An 'na tɔɔya tana, a mu tɔmɔsi an na mɔɛ chɛ n tena, miin mbe na‑a ma‑a ta ɔ, kuɔ fɔ ko a.

KO Ɔ NUNDENƐ 1:18

Mbɛ a ɔ, “A yen ko, chi ɛ n boo ɔ saya ko a, a basan ta koe a faa a. N faen fan ni, chɛɛ a yen ko, n mbe fɔɛ ɔ kuɔ fɔ ni kuɔ fɔ ko a. N fan, fɔɛ ɛ n fan boo ɔ.

KO Ɔ NUNDENƐ 11:8

A sin, an su n mbe ma‑a wan sa ɔ, dani wa dɔndɔ ma, duu wa chɛ ɔ. Duu wa chɛ, an 'na mansa, mɔɛ n na‑a a gbangban kaina min kɔn gbengbandenɛ ma. Mɔɛ n mbe duu wa chɛ chee‑a wan, yiima dɔ mende ɔ, an dɔ, Sɔdɔn, an ni a chee, an dɔ, Ichipi.

KO Ɔ NUNDENƐ 20:13

A tima chɛ a, mɔɛ miin na‑a to yii ɔ tee, an bɔ‑a wan. Mɔɛ chɛ n bɛɛ, miin ni faa a, an bɔ‑a wan. An gbɛɛ ta‑a wan Yataa chen kɔɔ, kaa a tɛ koe a an bakoe ma. Kaa chɛ a ɛ tɛ‑a, a ka an chɛ chɛ wai n fan ma dunya ma.

KO Ɔ NUNDENƐ 6:8

Mbɛ a yen ko, n‑na soo yen, a gboo maenɛ ɛ panfuan. Mɔɛ min ni soo chɛ kun ma, a tɔ ni Saya. A bɔɛ min sin ni na tena, a gbaa chia a, a tana, a tɔ ni Faa. Gbasaya been fan ni an ma, dunya chɛ ɔ mɔɛ n kaka dɔndɔ kun ma, ni an mɔɛ chɛ n du‑a kaina naaninɛ a. Gbasaya be‑a wan an ma mɔɛ n fa koe a, chɛɛ chɛ mɛ a. A yɛ to, an ni an fa daun fen daun sɔɛ a, ni gbandi yama a, a basan bia chɛ soe n na.