MATIU 11:21 - Yataa 'a Dɔbɛnɛ Nama

²¹ “Wo wan, wo wɛn mbe ka Koyasin duu ɔ, ni wo wɛn mbe Besaida, koe miin mbe wo tan‑da, an mbe yaua‑a gba wo ko a. N‑na kamaya koe sɛsɛ n ma wan wo 'a duu n dɔ. Mɔɛ miin mbe ka Taya duu ɔ, a basan Sidon duu ɔ a, ni an na‑a ko bonda chɛ n dɔ yen fan, an nii ma‑a ka yɔ wo wan. An na‑a an kan kɔ sɔ an 'na ko yama n na suun gbɔɔ. An ni ma‑a gbɛ di chɛ an na an 'na ko yama n ko a.

MATIU 11:21 ပူးပေါင်းရင်းမြစ်များ

MATIU 11:22

Chɛɛ n ni a ma din wo tena, mbɛ mɔ yama chɛ nu suun Taya duu ɔ, ni Sidon duu ɔ, an mbe ee tɔɔya‑a, Yataa ɛ dunya gbɛmbo‑a tee min na, yɔ wo e tɔɔya‑a buɛ min dɔ.

MATIU 15:21

Chɛ gbakɔ, Chisɔsi bɔ‑a wan nɔ, an bɛ a fɛ denɛ n na, mbɛ an ta‑a Taya tanda ɔ, ni Sidon.

MATIU 18:7

A yau gba mɔɛ n ko a dunya ɔ, a mu min na, koe n mbe wan nɔ, miin mbe an na dɛ‑a ko yama ma ɔ. Ko yama gbu n mbe ma wan, chɛɛ a yau gba mɔɛ chɛ ko a, min mbe a bɔ mɔ gbu a dɛ‑a ko yama ma ɔ.

MATIU 26:24

N fan, Mɔ Gbu 'a Denɛ, n mbe na tena wan fa‑a, yɔ a nyɛnden mu buɛ min dɔ Yataa 'a gboo ɔ, a si n ma. Chɛɛ ɛ yaua‑a gba mɔɛ chɛ ko a, min mbe n ma tachɛ‑a. Ni a nii ma suun ni, a ni nyan‑da wan a ko a.”

MAKI 3:8

A yɛ to, an ka‑a wan Chuusaɛn duu ɔ, an ka‑a Idumia tanda ɔ, an ka‑a tee bɔ tena, Chɔdan yii tɔnfɛ dɔndɔɛ, mbɛ an ka‑a to Taya duu wa a a tindanɛ, a basan Sidon duu wa a. Mɔɛ chɛ n gbɛɛ na‑a wan Chisɔsi tena. Koe min na mu, an na‑a koe n na min fan, a ni miin ma tena.

MAKI 6:45

Mbɛ Chisɔsi fɛ denɛ nu, an ban‑da mɔɛ chɛ n da tɔɛ chɛ a sɔn‑da. A ya kɔɔɛ a, a‑a an na ta a ya ɔ. An ta‑a dɛndɛ ɔ, yii kaka dɔndɔɛ ma, a don Besaida duu ɔ. A wandi sin to‑a a saa‑a mɔ fanka chɛ n na, an ta koe a an baa nu.

MAKI 7:24

Mbɛ Chisɔsi ka‑a nɔ, an bɛ a fɛ denɛ n na, mbɛ an ta‑a tanda ɔ, Taya duu wa a tindanɛ. A don‑da chenɛ a, a sin nii ma to ni, mɔ ɔ mɔ ni a ɔ sɔn, mbɛ ɛ wan nɔ. Chɛɛ a nii ma che ni to‑a an nun chɛ ɔ.

MAKI 7:31

Mbɛ Chisɔsi bɔ‑a Taya duu baima, mbɛ a ben‑da Sidon duu bu ɔ. Mbɛ a ta‑a chɛnyɛ dɔndɔ ɔ, an ni min chee, an dɔ, Duu Tan. A don‑da a ɔ, mbɛ a che‑a Kadidi yii wa ma.

MAKI 8:22

Mbɛ Chisɔsi na‑a Besaida duu ɔ, an bɛ a fɛ denɛ n na. Mɔɛ dɔ nu nɔ, an na‑a kaminɛ a, min fionden ni, Chisɔsi tena. Mbɛ an‑na a disa, tu koe a an kamin chɛ a.

DUKU 4:26

Chɛɛ Yataa nii ma Idaicha a ta ni fuinya musu chɛ n dɔndɔ wɛɛ tena basan koe a an ma. A na‑a a a ta dechee fuinya musu dɔndɔ an tena, min nii ma Isɔɛɛ mɔ a. An fuinya musu chɛ ni duu min dɔ, a tɔ ni Sayɛfati, min ni Sidon tanda ɔ.

DUKU 6:17

Mbɛ Chisɔsi‑a kɔnkɔɛ chɛ yii, an bɛ a 'a sɔ mɔɛ tan kun ma fea chɛ n na. Mbɛ a sɔ‑a nɛngbunɛ ɔ. A fɛ denɛ sɛsɛ dɔ mende n ni wan nɔ, a basan mɔ fanka fanka a. Mɔɛ chɛ n tɛ ɔ, dɔ n ka‑a wan Chuusaɛn duu ɔ ni Chudia chɛnyɛ tɔɛ n gbɛɛ ɔ. A yɛ to, dɔ n ka‑a wan Taya ni Sidon duu ɔ, miin ni kɔ yii a sanɛ.

DUKU 9:10

Mbɛ Chisɔsi 'a sɔ mɔɛ chɛ n yɛ‑a a tena, an si‑a ko ɔ ko ma, an‑na min ma, mbɛ an‑na a ɔ yian a a. A‑a an ya wan, an dechee, mbɛ an ta‑a duu dɔndɔ baima, min tɔ ni Besaida.

CHƆN 1:44

Fiipi chɛ, a na‑a ka Besaida wan, duu chɛ, Anduu an fea Pita a, an baa a.

CHƆN 12:21

Mbɛ an mɔɛ chɛ nu, mbɛ an ta‑a Fiipi tena, min na‑a ka Besaida duu ɔ, Kadidi chɛnyɛ ɔ. Mbɛ an‑na a fɔ a ye, an dɔ, “Kai, nn toen mu nn ni Chisɔsi an yen ka.”

CHISƆSI 'A SƆ MƆƐ NU 12:20

Mansa Ɛdɔdi faa tɛen fan ni gbɛ Taya duu ɔ mɔɛ n ma, an bɛ Sidon mɔɛ n na. A sin, an duu fea chɛ ɔ mɔɛ n na‑a wan kaina dɔndɔɛ. An‑na kai Basɔsi pɛn tan, min ni Mansa Ɛdɔdi 'a kata kun ma, ni a boo fenɛ gbɛɛ. An‑na a ɔ tisa wan, an dɔ, a ni an deman, an ni koɔ Mansa Ɛdɔdi tena. An toen ni, Mansa Ɛdɔdi faa ni chima an boo ɔ, koe min na mu, an 'na daun fenɛ ni ka nɔ, a 'a chɛnyɛ chɛ an dɔ.

CHISƆSI 'A SƆ MƆƐ NU 27:3

Tee dɔndɔɛ ma, mbɛ nn che‑a Sidon duu ɔ. Chudiɔsi‑a Pɔɔ bia wan chɛndɛ chɛ, mbɛ a‑a a boo ka a ma. A ɔ, Pɔɔ ni ta, a ni a dia nyɔɛ n yen, basan koe a a ma, mbɛ a yɛ‑a.

CHUDA 1:11

Koe min mbe an tan‑da, a yau gba an ko a. An puin‑da mɔna chɛ chen gba ɔ, mɔna min tɔ ni Ken, min na‑a a dɔɛ fa. Kɔpɔ koe‑a a ma, an bɔ‑a Badaan gba ɔ, an mbe ko ɔ ko ma wan kɔpɔ koe a. A yɛ to, Kɔya 'a gbunɛ nyɔn sima, an‑na a a bea, min‑na an kasaa pɔɛ.

KO Ɔ NUNDENƐ 11:3

A ɔ, “N mbe n 'na siiya fea n na na‑a wan, miin mbe n 'na sakana bai chɛndɛ ɔ yian‑da.” A ɔ, “An ma bɛndenɛ ɛ ma‑a wan yɔ sanka‑a mɔɛ miin tan an 'na chenɛ a.” A ɔ, “A sin, an mbe n 'na sakana bai ɔ yian‑da wan, an kau bi naanin kun ma fea (42) chɛ n dɔ.”

KO Ɔ NUNDENƐ 6:12

Sa tɔngbɔɛ chɛ‑a yuu wɔdɔn bɔɛ tɛ kɛn, n‑na n ya a ta, mbɛ a yen ko, duu gboo samba‑a. A sin to, tee wɛɛ fin‑da wan yɔ chɛmbu, mbɛ kau yawa‑a yɔ wii.